ലോ​ക അ​ത്‌​ല​റ്റി​ക് ചാമ്പ്യൻഷിപ്പ്​​: ഹി​മ ദാ​സിന്​ ചരിത്രസ്വര്‍ണം

ടാംപരെ : ലോക അണ്ടര്‍ 20 അത്ലറ്റിക്സ് ചാമ്പ്യൻഷിപ്പില്‍ ഇന്ത്യന്‍ സ്പ്രിന്‍റര്‍ ഹിമാ ദാസിന് സ്വര്‍ണം. 400 മീറ്ററില്‍ 51.46 സെക്കന്‍ഡില്‍ ഓട്ടം പൂര്‍ത്തിയാക്കി ഹിമ ഒന്നാമതെത്തി. ഇതാദ്യമായാണ് ഒരു ഇന്ത്യന്‍ താരം യൂത്ത് മീറ്റ് ട്രാക്ക് ഇനത്തില്‍ സ്വര്‍ണം നേടുന്നത്.

റൊമാനിയയുടെ ആന്ദ്രെ മികോലസ് വെള്ളി നേടി. 52.07 സെക്കന്‍ഡിലാണ് മികോലസ് ഓട്ടം പൂര്‍ത്തിയാക്കിയത്.ആണ്‍കുട്ടികളുടെ ലോങ്ജംപ് ഫൈനലില്‍ കടന്ന മലയാളി താരം എം. ശ്രീശങ്കര്‍ ആറാം സ്ഥാനത്താണ് ഫിനിഷ് ചെയ്തത്. അണ്ടര്‍-20 ചാമ്പ്യൻഷിപ്പില്‍ സ്വര്‍ണംനേടുന്ന രണ്ടാമത്തെ താരമെന്ന നേട്ടവും ആസം സ്വദേശിനിയായ ഹിമ സ്വന്തമാക്കി.