യുഎസ് ഓപ്പണ്‍ ടെന്നിസ് ടൂര്‍ണമെന്റ് മത്സരങ്ങള്‍ക്ക് തുടക്കം

യുഎസ് ഓപ്പണ്‍ ടെന്നിസ് ടൂര്‍ണമെന്റ് മത്സരങ്ങള്‍ക്ക് തുടക്കമായി. സിംഗിള്‍സ് ഇനങ്ങളില്‍ നൊവാക് ദ്യോക്കോവിച്ചും സെറീന വില്യംസും പരിക്കിന്റെ പിടിയിലാണ്.
ദ്യോക്കോവിച്ചിന് ആദ്യ മത്സരത്തില്‍ എതിരാളിയായെത്തുന്നത് പോളണ്ട് താരം ജെര്‍സി ജാനോവിസാണ്.

തോളെല്ലിന് കാര്യമായ പരിക്കേറ്റ സെറീനയ്ക്ക് റഷ്യയില്‍ നിന്നുള്ള ഏകതറീന മകരോവയാണ് ആദ്യ വെല്ലുവിളി ഉയര്‍ത്തുന്നത്. ഇന്ത്യയില്‍ നിന്നുള്ള സാകേത് മൈനേനിയും ഇത്തവണ കോര്‍ട്ടില്‍ ഭാഗ്യം പരീക്ഷിക്കാനെത്തുന്നുണ്ട്. യോഗ്യതാ റൗണ്ടില്‍ മൂന്നു മത്സരങ്ങള്‍ ജയിച്ചാണ് ടൂര്‍ണമെന്റിന് യോഗ്യത നേടിയത്. എടിപി റാങ്കിങില്‍ 143ാം സ്ഥാനമാണ് സാകേതിനുള്ളത്.