ഉസൈൻ ബോൾട്ട് ഫുട‍്ബോളറായി തിരിച്ച് വരുന്നൂ...

ടെക്സാസ്: ഫുട്ബോൾ കളത്തിലേക്ക് ബൂട്ടു കെട്ടിയിറങ്ങാൻ ലോകത്തിലെ അതിവേഗ ഓട്ടക്കാരൻ ഉസൈൻ ബോൾട്ട്. കളിക്കളത്തിൽ ഇറങ്ങുന്നതിനെ കുറിച്ച് താൻ ഗൗരവമായി ആലോചിക്കുന്നുവെന്ന് ബോൾട്ട് പറഞ്ഞു. ജമൈക്കക്ക് വേണ്ടി കളിക്കാൻ സാധിച്ചാൽ അതായിരിക്കും ഏറ്റവും സന്തോഷമുള്ള കാര്യമെന്നും അദ്ദേഹം പറഞ്ഞു.

എട്ടു തവണ ഒളിംപിക് ജേതാവായ 31കാരനായ ഈ മിന്നലോട്ടക്കാരന്‍ ട്രാക്കിനോട് വിട പറഞ്ഞിരുന്നു. ഇപ്പോൾ പിൻതുടയിലേറ്റ പരിക്കിൽ നിന്ന് മുക്തനായി വരികയാണ്. അതിനിടെയാണ് ഫുട്ബോളിൽ ഇറങ്ങുന്നതിനെ കുറിച്ച് വെളിപ്പെടുത്തിയത്. ഫുട്ബോൾ താരമാവുക എന്നത് തൻെറ ബാല്യകാല സ്വപ്നമാണെന്ന് ബോൾട്ട് പറഞ്ഞു.

ഫുട്ബോളിൽ ഇറങ്ങാൻ തീരുമാനിച്ച ബോൾട്ടിനെ തേടി നിരവധി ക്ലബുകള്‍ ഓഫറുമായി സമീപിക്കുന്നുണ്ട്. എന്നാൽ ഇക്കാര്യത്തിൽ താരം അന്തിമ തീരുമാനമെടുത്തിട്ടില്ല. " വളരെ കാലമായി നിങ്ങളെ ഒരു സ്വപ്നം പിന്തുടരുന്നുവെങ്കിൽ എന്ത് കൊണ്ട് നിങ്ങൾക്ക് അത് യാഥാർഥ്യമാക്കാൻ ശ്രമിച്ചു കൂട," യുഎസിൽ മാധ്യമപ്രവർത്തരുടെ ചോദ്യത്തിനുത്തരമായി ബോൾട്ട് പറഞ്ഞു.

Usain Bolt to start Football career

Jamaican sprinter Usain Bolt revealed that he will start his football career soon.