ബോക്സിങ് താരം വിജേന്ദറിന് ഇന്ന് ആറാം പോരാട്ടം

ഇന്ത്യന്‍ ബോക്സിങ് താരം വിജേന്ദറിന് ഇന്ന് ആറാം പോരാട്ടം. പ്രഫഷനല്‍ കരിയറിലെ അ‍ഞ്ചു പോരാട്ടങ്ങളും നോക്കൗട്ടില്‍ വിജയിച്ച വിജേന്ദറിന്റെ ഇന്നത്തെ എതിരാളി പോളണ്ടില്‍നിന്നുള്ള ആന്ദ്രേ സോള്‍ദ്രയാണ്. വിജേന്ദറിന്റെ ആദ്യത്തെ എട്ട്റൗണ്ട് പോരാട്ടമാണിത്.വിജേന്ദറിനേക്കാള്‍ മല്‍സരപരിചയമുള്ള സോള്‍ദ്ര മികച്ച എതിരാളിയാകുമെന്നാണു കരുതപ്പെടുന്നത്.

16 മല്‍സരങ്ങളിലായി 81 റൗണ്ടുകള്‍ നേരിട്ടയാളാണ് സോള്‍ദ്ര. 16ല്‍ 12 മല്‍സരങ്ങളിലും അദ്ദേഹത്തിനൊപ്പമായിരുന്നു ജയം. അമച്വര്‍ കരിയറിലും മികച്ച നേട്ടങ്ങള്‍ക്കുടമയാണ് പോളിഷ് താരം. 98 മല്‍സരങ്ങളില്‍ 82 വിജയങ്ങള്‍.