ബെൽജിയത്തെ വീഴ്ത്തി വെയ്ൽസ് സെമിയിൽ

യൂറോകപ്പിലെ ക്വാർട്ടർ ഫൈനലിൽ കരുത്തരായ ബെല്‍ജിയത്തെ തകർത്ത് വെയ്ല്‍സ് തങ്ങളുടെ കന്നി സെമിയില്‍ പ്രവേശിച്ചു. ബെൽജിയത്തിന്‍റെ ഒരു ഗോളിനെതിരെ മൂന്ന് ഗോളുകൾ മടക്കിയാണ് വെയ്ൽസ് സെമിയിലെത്തിയത്. ആഷ്‌ലി വില്ല്യംസ് (30), റോബ്‌സണ്‍ കാനു (55), സാം വോക്‌സ്(85) എന്നിവരാണ് വെയ്ല്‍സിനായി ഗോളുകള്‍ നേടിയത്.

രഡ്ജ നൈന്‍ഗ്ഗോളന്‍ നേടിയ ഗോൾ മാത്രമായിരുന്നു ബെൽജിയത്തിന് ആശ്വസിക്കാനുണ്ടായത്. സെമിയില്‍ പോര്‍ച്ചുഗലാണ് വെയ്ൽസിൻെറ എതിരാളികൾ. റയൽ മാഡ്രിഡിലെ സഹതാരങ്ങളായ ക്രിസ്റ്റ്യാനോ റൊണാൾഡോയും ഗാരെദ് ബെയ്ലും തമ്മിലുള്ള സെമി പോരാട്ടം തീപാറും.