ഫിഫ ലോകകപ്പ് 2018; ചെന്നായയെ ഭാഗ്യമുദ്രയായി തെരഞ്ഞെടുത്തു

ഫുട്‌ബോള്‍ ലോകകപ്പിന്റെ ഭാഗ്യമുദ്രയായി റഷ്യ ചെന്നായയെ തെരഞ്ഞെടുത്തു. സാമ്പിവാകാ എന്നാണ് ഭാഗ്യമുദ്രക്ക് നല്‍കിയ പേര്. റഷ്യന്‍ ഭാഷയില്‍ സാമ്പിവാകാ എന്നാല്‍ ഗോളടിക്കുന്നവന്‍ എന്നാണ് അര്‍ത്ഥമാക്കുന്നത്.

ഔദ്യോഗിക ടെലിവിഷന്‍ ചാനലിലൂടെയാണ് റഷ്യന്‍ അധികൃതര്‍ സാമ്പിവാകയെ അവതരിപ്പിച്ചത്. മത്സരരംഗത്തുണ്ടായിരുന്ന പൂച്ചയേയും ടൈഗറിനേയുമൊക്കെ പിന്തള്ളിയാണ് ചെന്നായ ഭാഗ്യമുദ്രയായത്. പത്തുലക്ഷത്തിലധികം പേരാണ് ഓണ്‍ലൈന്‍ വോട്ടെടുപ്പില്‍ പങ്കെടുത്തത്.