ലോക ബാഡ്മിൻറൺ ചാമ്പ്യൻഷിപ്പ്: പ്രണോയ് രണ്ടാം റൗണ്ടിൽ

ന്യൂഡൽഹി: ഇന്ത്യയുടെ മലയാളി താരം എച്ച്.എസ്.പ്രണോയ് ലോക ബാഡ്മിൻറൺ ചാമ്പ്യൻഷിപ്പിൻെറ രണ്ടാം റൗണ്ടിൽ കടന്നു. ന്യൂസീലൻഡിന്റെ അഭിനവ് മനോട്ടയെ ഏകപക്ഷീയമായ ഗെയിമുകൾക്കാണ് പ്രണോയ് തോൽപ്പിച്ചത്.

സ്കോർ: 21-12, 21-11. 11ാം സീഡായ പ്രണോയ് വെറും 23 മിനിറ്റ് നീണ്ട മത്സരത്തിന് ഒടുവിലാണ് എതിർതാരത്തെ തോൽപ്പിച്ചത്. ബ്രസീലിൻെറ യോഗോർ കൊൽഹോയുമായാണ് പ്രണോയുടെ അടുത്ത മത്സരം.

ഇന്ത്യയുടെ സമീർ വർമയും ഫ്രാൻസിന്റെ ലൂക്കാസ് കൊർവീയെ പരാജയപ്പെടുത്തി രണ്ടാം റൗണ്ടിൽ കടന്നു.