ഇക്കാർഡിയെ ഉൾപ്പെടുത്തിയില്ല: അർജൻറീന ടീം പ്രഖ്യാപിച്ചു

ബ്യൂണസ് അയേഴ്സ്: റഷ്യ ലോകകപ്പിനായുള്ള അർജൻറീന ഫുട്ബോൾ ടീമിനെ പ്രഖ്യാപിച്ചു. സൂപ്പർ താരം ലയണൽ മെസ്സിയുടെ നേതൃത്വത്തിലുള്ള 23 അംഗ ടീമിനെയാണ് പ്രഖ്യാപിച്ചിരിക്കുന്നത്. ഇൻറർമിലാൻ താരമായ മൗറോ ഇക്കാർഡിയെ ടീമിൽ ഉൾപ്പെടുത്തിയില്ല. ഇറ്റാലിയൻ ലീഗിലെ ടോപ് സ്കോറർമാരിൽ ഒരാളാണ് ഇക്കാർഡി.

പ്രമുഖ താരങ്ങളായ സെർജിയോ അഗ്യൂറോ, ഡിബാല, ഹിഗ്വൈൻ, ഹവിയർ മസ്കരാനോ, മാർക്കോസ് റോജോ, ഡി മരിയ തുടങ്ങിയവരെയെല്ലാം ടീമിൽ ഉൾപ്പെടുത്തിയിട്ടുണ്ട്. സെർജിയോ റൊമെറോ ആണ് ടീമിൻെറ ഒന്നാം നമ്പർ ഗോൾകീപ്പർ.

ലോകകപ്പിൽ ഗ്രൂപ്പ് ഡിയിലാണ് അർജൻറീന ഉൾപ്പെട്ടിരിക്കുന്നത്. ക്രൊയേഷ്യ, നൈജീരിയ, എെസ‍്‍‍ലൻറ് എന്നിവരാണ് ഗ്രൂപ്പിലെ മറ്റ് ടീമുകൾ.