ടെന്നീസ് ഇതിഹാസം സ്വിറ്റ്സര്ലന്ഡിന്റെ റോജര് ഫെഡറര് വിരമിക്കുകയാണെന്ന വാര്ത്തകള്ക്ക് പിന്നാലെ താരത്തിന് ആശംസകളുമായി ആരാധകര്. സോഷ്യല് മീഡിയ നിറയെ കോടിക്കണക്കിന് ആരാധകരുടെ ആശംസകളാണ് ഫെഡററെ തേടിയെത്തുന്നത്. കായിക ലോകത്തെ വിസ്മയിപ്പിച്ച സുന്ദര നിമിഷങ്ങള്ക്ക് ആരാധകര് ഫെഡറര്ക്ക് നന്ദി പറഞ്ഞു. ടെന്നീസ് ലോകത്തെ മാന്ത്രികനായി വാഴ്ത്തപ്പെടുന്ന താരമാണ് ഫെഡറര്. അതുകൊണ്ടുതന്നെ കായിക ലോകത്തെ പ്രമുഖരെല്ലാം ഫെഡറര്ക്ക് ആശംസകളുമായി എത്തി. സുഹൃത്തും ഇന്ത്യന് ക്രിക്കറ്റ് താരവുമായ വിരാട് കോഹ്ലി മുതല് ഒട്ടേറെ പേരാണ് ഫെഡറര്ക്ക് ആശംസ അറിയിച്ചത്. എക്കാലത്തേയും മഹാനായ കളിക്കാരനെന്നാണ് കോഹ്ലി ട്വിറ്ററില് കുറിച്ചത്. കിങ് ഫെഡറര് എന്നും കോഹ്ലിയുടെ കുറിപ്പിലുണ്ട്.
ഗംഭീരമായ കരിയറിനെ അഭിനന്ദിക്കുന്നതായി ഹാര്ദിക് പാണ്ഡ്യ ട്വീറ്റ് ചെയ്തു. ദിനേഷ് കാര്ത്തിക്, ഹര്ഷ ഭോഗ്ലെ എന്നിവരും ക്രിക്കറ്റ് ലോകത്തുനിന്നും ഫെഡറര്ക്ക് ആശംസയറിയിച്ചു. ടെന്നീസ് മാത്രമല്ല എല്ലാ കായിക മേഖലയും താങ്കള്ക്ക് നന്ദി പറയുന്നതായാണ് ഭോഗ്ലെയുടെ കുറിപ്പിലുള്ളത്. നമ്മുടെ വികാരങ്ങള്ക്കൊപ്പമാണ് അദ്ദേഹം കളിച്ചതെന്ന് ഭോഗ്ലെ കുറിച്ചു.
20 ഗ്രാന്ഡ്സ്ലാം കിരീടം നേടിയ ഫെഡററെ അടുത്തിടെ നൊവാക് ജോക്കാവിച്ചും റാഫേല് നദാലും മറികടന്നിരുന്നു എങ്കിലും കളിയഴകില് ഫെഡറര് തന്നെയാണ് മുന്പിലുള്ളത്. അതുകൊണ്ടുതന്നെയാണ് ആരാധകര് അദ്ദേഹത്തെ എക്കാലത്തേയും മികച്ചവനെന്ന് വിളിക്കുന്നതും. ട്വിറ്ററിലെങ്ങും ഫെഡറര്ക്ക് നന്ദി അറിയിക്കുന്ന ആരാധകരേയാണ് കാണാനാവുക. കളിച്ചിരുന്നപ്പോഴെല്ലാം ഏറ്റവും നിലവാരമുള്ള ടെന്നീസ് അദ്ദേഹം കാഴ്ചവെച്ചു.
ഫെഡററുടെ വിരമിക്കലോടെ ഒരു യുഗത്തിന് അറുതിയായെന്ന് കരുതുന്നവരാണ് ഏറേയും. അടുത്തയാഴ്ച ലണ്ടനില് വെച്ച് നടക്കുന്ന ലേവര് കപ്പോടെ ഫെഡറര് റാക്കറ്റ് താഴെവെക്കും. ദീര്ഘകാലം ഒന്നാം നമ്പറായി വാണ ഫെഡറര് തുടര്ച്ചയായി യുഎസ് ഓപ്പണും ഓസ്ട്രേലിയന് ഓപ്പണും വിംബിള്ഡണുമെല്ലാം നേടി അതിശയിപ്പിച്ചിട്ടുണ്ട്.
Read Latest Sports News and Malayalam News
20 ഗ്രാന്ഡ്സ്ലാം കിരീടം നേടിയ ഫെഡററെ അടുത്തിടെ നൊവാക് ജോക്കാവിച്ചും റാഫേല് നദാലും മറികടന്നിരുന്നു എങ്കിലും കളിയഴകില് ഫെഡറര് തന്നെയാണ് മുന്പിലുള്ളത്. അതുകൊണ്ടുതന്നെയാണ് ആരാധകര് അദ്ദേഹത്തെ എക്കാലത്തേയും മികച്ചവനെന്ന് വിളിക്കുന്നതും. ട്വിറ്ററിലെങ്ങും ഫെഡറര്ക്ക് നന്ദി അറിയിക്കുന്ന ആരാധകരേയാണ് കാണാനാവുക. കളിച്ചിരുന്നപ്പോഴെല്ലാം ഏറ്റവും നിലവാരമുള്ള ടെന്നീസ് അദ്ദേഹം കാഴ്ചവെച്ചു.
ഫെഡററുടെ വിരമിക്കലോടെ ഒരു യുഗത്തിന് അറുതിയായെന്ന് കരുതുന്നവരാണ് ഏറേയും. അടുത്തയാഴ്ച ലണ്ടനില് വെച്ച് നടക്കുന്ന ലേവര് കപ്പോടെ ഫെഡറര് റാക്കറ്റ് താഴെവെക്കും. ദീര്ഘകാലം ഒന്നാം നമ്പറായി വാണ ഫെഡറര് തുടര്ച്ചയായി യുഎസ് ഓപ്പണും ഓസ്ട്രേലിയന് ഓപ്പണും വിംബിള്ഡണുമെല്ലാം നേടി അതിശയിപ്പിച്ചിട്ടുണ്ട്.
Read Latest Sports News and Malayalam News