ന്യൂയോര്ക്ക്: യു.എസ് ഓപ്പണ് വനിതാ സിംഗിള്സ് സെമി ഫൈനലില് വമ്പന് അട്ടിമറികളോടെ കൗമാരക്കാര് ഫൈനലിലെത്തി. ബ്രിട്ടന്റെ 18കാരി എമ്മ റാഡുകാനുവും കാനഡയുടെ 19കാരി ലൈല ആനി ഫെര്ണാണ്ടസുമാണ് ഫൈനലില് എത്തിയത്. ഇരുവരും സീഡ് ചെയ്യാത്ത കളിക്കാരാണ്. മാത്രമല്ല, ഓപ്പണ് കാലഘട്ടത്തില് യോഗ്യതാ റൗണ്ട് വഴി വന്ന് ഏതെങ്കിലും ഒരു ഗ്രാന്ഡ്സ്ലാം ഫൈനലിലെത്തുന്ന ആദ്യ വനിതാ താരവുമായി എമ്മ. ഗ്രീസിന്റെ 17-ാം സീഡ് മരിയ സക്കാരിക്കെതിരെയാണ് എമ്മയുടെ വിജയം. സ്കോര് 6-1, 6-4. പ്രതീക്ഷിച്ച രീതിയില് മത്സരം കടുപ്പമായില്ല. പരിചയസമ്പന്നയായ മരിയ സക്കാരിക്കെതിരെ ബ്രിട്ടീഷ് താരം ഏകപക്ഷീയമായ വിജയം സ്വന്തമാക്കി. ഫൈനലില് വിജയസാധ്യതയുള്ള എമ്മ മറ്റൊരു റെക്കോര്ഡിനടുത്താണ്. ഗ്രാന്സ്ലാം നേടുന്ന പ്രായം കുറഞ്ഞ രണ്ടാമത്തെ താരമെന്ന ബഹുമതിക്കടുത്താണ് അവര്. 2004-ല് തന്റെ 17-ാം വയസില് ഗ്രാന്ഡ്സ്ലാം നേടിയ മരിയ ഷറപ്പോവയാണ് എമ്മയ്ക്ക് മുന്നിലുള്ളത്.
മറ്റൊരു സെമിയില് രണ്ടാം സീഡ് ആര്യന സബലെങ്കയെ ഒന്നിനെതിരെ മൂന്നു സെറ്റുകള്ക്ക് തോല്പ്പിച്ചാണ് ലൈലയുടെ വരവ്. സ്കോര് 7-6, 4-6, 6-4. രണ്ടാം സെറ്റില് തോല്വി വഴങ്ങിയെങ്കിലും നിര്ണായകമായ മൂന്നാം സെറ്റില് കരുത്തോടെ മടങ്ങിയെത്താന് കനേഡിയന് താരത്തിന് സാധിച്ചു. സീസഡ് താരത്തിനെതിരായ തുടര്ച്ചയായ നാലാം വിജയമാണ് ലൈല കുറിച്ചത്.
നവോമി ഒസാക്ക, ആഞ്ചലിക്വെ കെര്ബര്, എലിന സ്വിറ്റോലിന എന്നിവരേയും ലൈല പരാജയപ്പെടുത്തിയിരുന്നു. ഫിലിപ്പിനോ കനേഡിയന് അമ്മയും ഇക്വഡോറിയന് പിതാവുമാണ് ലൈലയ്ക്കുള്ളത്. പിതാവ് തന്നെയാണ് ലൈലയുടെ പരിശീലകനും. ന്യൂയോര്ക്കിലെത്താന് കഴിയാതിരുന്ന പിതാവ് ഫോണിലൂടെ മകള്ക്ക് നിര്ദ്ദേശങ്ങള് നല്കുന്നു. ശനിയാഴ്ചയാണ് ഫൈനല് മത്സരം.
മറ്റൊരു സെമിയില് രണ്ടാം സീഡ് ആര്യന സബലെങ്കയെ ഒന്നിനെതിരെ മൂന്നു സെറ്റുകള്ക്ക് തോല്പ്പിച്ചാണ് ലൈലയുടെ വരവ്. സ്കോര് 7-6, 4-6, 6-4. രണ്ടാം സെറ്റില് തോല്വി വഴങ്ങിയെങ്കിലും നിര്ണായകമായ മൂന്നാം സെറ്റില് കരുത്തോടെ മടങ്ങിയെത്താന് കനേഡിയന് താരത്തിന് സാധിച്ചു. സീസഡ് താരത്തിനെതിരായ തുടര്ച്ചയായ നാലാം വിജയമാണ് ലൈല കുറിച്ചത്.
നവോമി ഒസാക്ക, ആഞ്ചലിക്വെ കെര്ബര്, എലിന സ്വിറ്റോലിന എന്നിവരേയും ലൈല പരാജയപ്പെടുത്തിയിരുന്നു. ഫിലിപ്പിനോ കനേഡിയന് അമ്മയും ഇക്വഡോറിയന് പിതാവുമാണ് ലൈലയ്ക്കുള്ളത്. പിതാവ് തന്നെയാണ് ലൈലയുടെ പരിശീലകനും. ന്യൂയോര്ക്കിലെത്താന് കഴിയാതിരുന്ന പിതാവ് ഫോണിലൂടെ മകള്ക്ക് നിര്ദ്ദേശങ്ങള് നല്കുന്നു. ശനിയാഴ്ചയാണ് ഫൈനല് മത്സരം.