ന്യൂയോര്ക്ക്: യുഎസ് ഓപ്പണ് ടെന്നീസ് രണ്ടാം റൗണ്ടില് ജപ്പാന്റെ നവോമി ഒസാക്കയ്ക്ക് വാക്കോവര്. സെര്ബിയന് എതിരാളി ഒള്ഗ ഡാനിലോവിച്ച് പിന്മാറിയതിനെ തുടര്ന്നാണ് ഒസാക്ക മൂന്നാം റൗണ്ടിലെത്തിയത്. കഴിഞ്ഞ ചില ദിവസങ്ങളിലായി ശാരീരികമായി പ്രശ്നങ്ങളുണ്ടെന്നും അതിനാലാണ് പിന്മാറ്റമെന്നും ഒള്ഗ പറഞ്ഞു. അതേസമയം, മറ്റൊരു മത്സരത്തില് അമേരിക്കന് താരം സ്ലൊവാനി സ്റ്റെഫാന്സ് നാട്ടുകാരിയായ കൊക്കോ ഗൗഫിനെതിരെ ജയം നേടി. 6-4, 6-2 എന്ന സ്കോറിനാണ് സ്റ്റെഫാന്സിന്റെ വിജയം. ബാര്ബോറ ക്രൈസിക്കോവയും മൂന്നാം റൗണ്ടിലെത്തിയിട്ടുണ്ട്. ക്രിസ്റ്റിന മക്ഹേലിനെ 6-3, 6-1 എന്ന സ്കോറിന് ക്രൈസിക്കോവ മറികടന്നു. ആര്യന സെബലങ്കയാണ് രണ്ടാം റൗണ്ടില് വിജയം നേടിയ മറ്റൊരു പ്രമുഖ താരം തമാര സിദാന്സെക്കിനെ നേരിട്ടുള്ള സെറ്റുകള്ക്ക് സബലെങ്ക പരാജയപ്പെടുത്തി. സ്കോര് 6-3, 6-1. ഡാനിയേല കോളിന്സ് കയ യുവാനെ മറികടന്നും മൂന്നാം റൗണ്ടിലെത്തിയിട്ടുണ്ട്. സ്കോര് 6-4, 6-2. വിക്ടോറിയ അസാരങ്ക, സിമോണ ഹാലെപ്, ഗബ്രിനി മുഗുരുസ തുടങ്ങിയവരും മൂന്നാം റൗണ്ടില് ഇടംനേടി.
പുരുഷ വിഭാഗം സിംഗിള്സില് സ്റ്റെഫാനോസ് സിറ്റ്സിപാസ് നാല് സെറ്റു നീണ്ടുനിന്ന മത്സരത്തില് അഡ്രിയാന് മന്നാരിനോയെ തോല്പ്പിച്ചു. സ്കോര് 6-3, 6-4, 6-7, 6-0. അര്ജന്റീനയുടെ ഡീഗോ ഷ്വാര്ട്സ്മാന് നേരിട്ടുള്ള സെറ്റുകള്ക്ക് ദക്ഷിണാഫ്രിക്കയുടെ കെവിന് ആന്ഡേഴ്സണേയും വീഴ്ത്തി. സ്കോര് 7-6, 6-3, 6-4.
ഫ്രാന്സിസ് ടിയാഫോയി ഗുഡിയോ പെല്ലയെ തോല്പ്പിച്ചും മൂന്നാം റൗണ്ടിലെത്തിയിട്ടുണ്ട്. സ്കോര് 6-1, 6-2, 7-5. ഡാനില് മദ്വേദേവ് ഡൊമിനിക് കോഫറിനെ പരാജയപ്പെടുത്തി അടുത്ത റൗണ്ടിലെത്തി. സ്കോര് 6-4, 6-1, 6-2. പെഡ്രോ മാര്ട്ടിനെസിനെതിരെ ജയം നേടി ആന്ദ്രെ റുബലേവും മൂന്നാം റൗണ്ടിലെത്തി. സ്കോര് 7-6, 6-7, 6-1, 6-1. കനത്ത മഴയെ തുടര്ന്ന് മൂന്നാംദിനം നടക്കേണ്ടിയിരുന്ന ഭൂരിഭാഗം മത്സരങ്ങളും മാറ്റിവെച്ചിരിക്കുകയാണ്.
പുരുഷ വിഭാഗം സിംഗിള്സില് സ്റ്റെഫാനോസ് സിറ്റ്സിപാസ് നാല് സെറ്റു നീണ്ടുനിന്ന മത്സരത്തില് അഡ്രിയാന് മന്നാരിനോയെ തോല്പ്പിച്ചു. സ്കോര് 6-3, 6-4, 6-7, 6-0. അര്ജന്റീനയുടെ ഡീഗോ ഷ്വാര്ട്സ്മാന് നേരിട്ടുള്ള സെറ്റുകള്ക്ക് ദക്ഷിണാഫ്രിക്കയുടെ കെവിന് ആന്ഡേഴ്സണേയും വീഴ്ത്തി. സ്കോര് 7-6, 6-3, 6-4.
ഫ്രാന്സിസ് ടിയാഫോയി ഗുഡിയോ പെല്ലയെ തോല്പ്പിച്ചും മൂന്നാം റൗണ്ടിലെത്തിയിട്ടുണ്ട്. സ്കോര് 6-1, 6-2, 7-5. ഡാനില് മദ്വേദേവ് ഡൊമിനിക് കോഫറിനെ പരാജയപ്പെടുത്തി അടുത്ത റൗണ്ടിലെത്തി. സ്കോര് 6-4, 6-1, 6-2. പെഡ്രോ മാര്ട്ടിനെസിനെതിരെ ജയം നേടി ആന്ദ്രെ റുബലേവും മൂന്നാം റൗണ്ടിലെത്തി. സ്കോര് 7-6, 6-7, 6-1, 6-1. കനത്ത മഴയെ തുടര്ന്ന് മൂന്നാംദിനം നടക്കേണ്ടിയിരുന്ന ഭൂരിഭാഗം മത്സരങ്ങളും മാറ്റിവെച്ചിരിക്കുകയാണ്.