ന്യൂയോര്ക്ക്: യുഎസ് ഓപ്പണ് ടെന്നീസിന്റെ ആദ്യ റൗണ്ടില് അനായാസ വിജയവുമായി ലോക ഒന്നാം നമ്പര് താരം നൊവാക് ജോക്കോവിച്ച്. ഒളിമ്പിക്സിലെ ദയനീയ പ്രകടനത്തിനുശേഷം കളിക്കിറങ്ങിയ സെര്ബിയന് താരം ഡെന്മാര്ക്കിന്റെ ഹോള്ഗര് വിറ്റസ് നൊഡ്സ്കോവിനെ ഒന്നിനെതിരെ സെറ്റുകള്ക്ക് പരാജയപ്പെടുത്തി. സ്കോര് 6-1, 6-7, 6-2, 6-1. ജോക്കോവിച്ചിനെതിരെ രണ്ടാം സെറ്റ് നേടാന് ഡാനിഷ് യുവതാരത്തിന് കഴിഞ്ഞു. കരിയറിലെ ആദ്യ കലണ്ടര് ഗ്രാന്സ്ലാമിനരികിലാണ് ജോക്കോവിച്ച്. ഈ വര്ഷം നടന്ന മൂന്നു ഗ്രാന്സ്ലാമുകളും താരം സ്വന്തമാക്കിയിരുന്നു. യുഎസ് ഓപ്പണിലും ജയിച്ചാല് 19669ന് ശേഷം ഈ റെക്കോര്ഡ് സ്വന്തമാക്കുന്ന ആദ്യ പുരുഷ താരമാകും ജോക്കോവിച്ച്. ആദ്യ മത്സരത്തില് നേടിയ അനായാസ വിജയം ജോക്കോവിച്ചിന് ആത്മവിശ്വാസമേകും. ഒളിമ്പിക്സിലെ മോശം പ്രകടനം ആവര്ത്തിച്ചില്ലെങ്കില് ചരിത്രനേട്ടത്തിലാന് താരത്തിന് കഴിയുമെന്നാണ് പ്രതീക്ഷ.
ഡെനിസ് ഷപ്പോവലോവ് ആണ് രണ്ടാം റൗണ്ടിലെത്തിയ മറ്റൊരു താരം ഫെഡറിക്കോ ഡെല്ബോണിസിനെ 6-2, 6-2, 6-3 എന്ന സ്കോറിന് ഷപ്പോവലോവ് തോല്പ്പിച്ചു. മാറ്റിയോ ബരേറ്റെല്ലി ജെറെമി ചാര്ഡിക്കെതിരേയും ജയം നേടി. സ്കോര് 7-6, 7-6, 6-3. നാലാം സീഡ് അലക്സാണ്ടര് സ്വെരേവ് സാം ക്വെറിക്കെതിരേയും ജയം നേടി. സ്കോര് 6-4, 7-5, 6-2. റിച്ചാര്ഡ് ഗാസ്ക്വെറ്റിനെ പരാജയപ്പെടുത്തി ഡാനില് മദ്വേദേവും രണ്ടാം റൗണ്ടിലെത്തിയിട്ടുണ്ട്. സ്കോര് 6-4, 6-3, 6-1. ബ്രിട്ടീഷ് താരം ആന്ഡി മറെയെ അഞ്ചു സെറ്റു നീണ്ടുനിന്ന പോരാട്ടത്തില് സ്റ്റെഫാനോസ് സിറ്റ്സിപാസ് മറികടന്നു. സ്കോര് 2-6, 7-6, 6-3, 3-6, 6-4.
വനിതാ സിംഗിള്സില് ആഷ്ലി ബാര്ട്ടിയാണ് രണ്ടാം റൗണ്ടിലെത്തിയ പ്രമുഖ താരം. വെറ സ്വനരേവയെ 6-1, 7-6 എന്ന സ്കോറിന് ബാര്ട്ടി പരാജയപ്പെടുത്തി. കരോലിന പ്ലിസ്കോവ കാറ്റി മക്നാലിയെ 6-3, 6-4 എന്ന സ്കോറിനും മറികടന്നു. കിരീടപ്രതീക്ഷയുമായെത്തിയ നവോമി ഒസാക്ക മരി ബൗസ്കോവയെ നേരിട്ടുള്ള സെറ്റുകള്ക്ക് തോല്പ്പിച്ചു. സ്കോര് 6-4, 6-1. മരിയ സക്കാരി, അലക്സാണ്ടര് സബെലങ്ക, ബാര്ബൊറ ക്രൈസിക്കോവ എന്നിവരും രണ്ടാം റൗണ്ടിലെത്തിയിട്ടുണ്ട്.
ഡെനിസ് ഷപ്പോവലോവ് ആണ് രണ്ടാം റൗണ്ടിലെത്തിയ മറ്റൊരു താരം ഫെഡറിക്കോ ഡെല്ബോണിസിനെ 6-2, 6-2, 6-3 എന്ന സ്കോറിന് ഷപ്പോവലോവ് തോല്പ്പിച്ചു. മാറ്റിയോ ബരേറ്റെല്ലി ജെറെമി ചാര്ഡിക്കെതിരേയും ജയം നേടി. സ്കോര് 7-6, 7-6, 6-3. നാലാം സീഡ് അലക്സാണ്ടര് സ്വെരേവ് സാം ക്വെറിക്കെതിരേയും ജയം നേടി. സ്കോര് 6-4, 7-5, 6-2. റിച്ചാര്ഡ് ഗാസ്ക്വെറ്റിനെ പരാജയപ്പെടുത്തി ഡാനില് മദ്വേദേവും രണ്ടാം റൗണ്ടിലെത്തിയിട്ടുണ്ട്. സ്കോര് 6-4, 6-3, 6-1. ബ്രിട്ടീഷ് താരം ആന്ഡി മറെയെ അഞ്ചു സെറ്റു നീണ്ടുനിന്ന പോരാട്ടത്തില് സ്റ്റെഫാനോസ് സിറ്റ്സിപാസ് മറികടന്നു. സ്കോര് 2-6, 7-6, 6-3, 3-6, 6-4.
വനിതാ സിംഗിള്സില് ആഷ്ലി ബാര്ട്ടിയാണ് രണ്ടാം റൗണ്ടിലെത്തിയ പ്രമുഖ താരം. വെറ സ്വനരേവയെ 6-1, 7-6 എന്ന സ്കോറിന് ബാര്ട്ടി പരാജയപ്പെടുത്തി. കരോലിന പ്ലിസ്കോവ കാറ്റി മക്നാലിയെ 6-3, 6-4 എന്ന സ്കോറിനും മറികടന്നു. കിരീടപ്രതീക്ഷയുമായെത്തിയ നവോമി ഒസാക്ക മരി ബൗസ്കോവയെ നേരിട്ടുള്ള സെറ്റുകള്ക്ക് തോല്പ്പിച്ചു. സ്കോര് 6-4, 6-1. മരിയ സക്കാരി, അലക്സാണ്ടര് സബെലങ്ക, ബാര്ബൊറ ക്രൈസിക്കോവ എന്നിവരും രണ്ടാം റൗണ്ടിലെത്തിയിട്ടുണ്ട്.