ന്യൂയോര്ക്ക്: ലോക ഒന്നാം നമ്പര് താരം നൊവാക് ജോക്കോവിച്ച് യുഎസ് ഓപ്പണ് ടെന്നീസിന്റെ ക്വാര്ട്ടറിലെത്തി. അമേരിക്കന് താരം ജെന്സണ് ബ്രൂക്സ്ബിയെ ഒന്നിനെതിരെ നാലു സെറ്റുകള്ക്കാണ് ജോക്കോവിച്ച് കീഴടക്കിയത്. സ്കോര് 1-6, 6-3, 6-2, 6-2. ആദ്യ സെറ്റ് നഷ്ടമായെങ്കിലും പിന്നീട് എതിരാളിക്കെതിരെ ആധികാരിക പ്രകടനം നടത്താന് ജോക്കോവിച്ചിന് സാധിച്ചു. ഇതോടെ ഈ വര്ഷം തന്റെ 25-ാമത് വിജയം കുറിക്കാനും താരത്തിന് കഴിഞ്ഞു.
Read Also: യുഎസ് ഓപ്പണില് കെര്ബറെ അട്ടിമറിച്ച് യുവതാരം; മദ്വേദേവ് ക്വാര്ട്ടറില്, ഷ്വാര്ട്സ്മാന് പുറത്ത്
പ്രീക്വാര്ട്ടറില് ബരേറ്റിനി ഒക്സാര് ഒട്ടെയെ ഒന്നിനെതിരെ നാലു സെറ്റുകള്ക്ക് മറികടന്നു. സ്കോര് 6-4, 3-6, 6-3, 6-2. അലക്സാണ്ടര് സ്വെരേവ് ആണ് ക്വാര്ട്ടറിലെത്തിയ മറ്റൊരു താരം. ജാനിക് സിന്നറിനെ 6-4, 6-4, 7-6 എന്ന സ്കോറിന് സ്വെരേവ് പരാജയപ്പെടുത്തി. ക്വാര്ട്ടറില് ലോയ്ഡ് ഹാരിസിനെ സ്വെരേവ് നേരിടും. റീലി ഒപെല്ക്കയെ തോല്പ്പിച്ചാണ് ഹാരിസ് ക്വാര്ട്ടറിലെത്തിയത്. സ്കോര് 6-7, 6-4, 6-1, 6-3.വനിതാ സിംഗിള്സില് ഇഗ സ്വിയാതെക് തോറ്റു പുറത്തായി. ബെലിന്ഡ ബെന്സിച്ച് 7-6, 6-3 എന്ന സ്കോറിന് സ്വിയാതെകിനെ തോല്പ്പിച്ചു. കരോലിന പ്ലിസ്കോവയാണ് ക്വാര്ട്ടറിലെത്തിയ മറ്റൊരു താരം. അനാസ്താസ്യ പാവല്യുചെങ്കോവയെ നേരിട്ടുള്ള സെറ്റുകള്ക്ക് പ്ലിസ്കോവ മുട്ടുകുത്തിക്കുകയായിരുന്നു. സ്കോര് 7-5, 6-4. ഷെല്ബി റോജേഴ്സിനെ പരാജയപ്പെടുത്തി എമ്മ റഡുകാനുവും ക്വാര്ട്ടറിലെത്തി. സ്കോര് 6-2, 6-1.