2016 ല്‍ എറ്റവും കൂടുതല്‍ ഉപയോഗിക്കപ്പെട്ട പാസ്‍വേഡ് ഇതാ

വാഷിങ്ടണ്‍: ഇന്‍റര്‍നെറ്റിലെ വിവിധ ആവശ്യങ്ങള്‍ക്കായി പാസ്‍വേഡ് ഉപയോഗിക്കുന്നവരാണ് പലരും. സൗകര്യത്തിനായി പെട്ടെന്ന് ഓര്‍ത്തെടുക്കാവുന്ന പാസ്‍വേഡുകളാണ് പലപ്പോഴും പലരും തെരഞ്ഞെടുക്കുക. എളുപ്പം ഓര്‍ത്തെടുക്കാനാകുമെങ്കിലും വളരെ സാധാരണമായ കാര്യങ്ങള്‍ പാസ്‍വേഡ് ആയി നല്‍കുന്നത് വന്‍ സുരക്ഷാപ്രശ്നം ഉണ്ടാക്കുന്നതായി അമേരിക്കയില്‍ നടത്തിയ ഒരു പഠനത്തില്‍ പറയുന്നു.

അമേരിക്കന്‍ പാസ്‍വേഡ് മാനേജ്മെന്‍റ് കമ്പനിയായ കീപ്പര്‍ സെക്യൂരിറ്റിയുടെ പഠനപ്രകാരം 2016ല്‍ ഏറ്റവും കൂടുതല്‍ ഉപയോഗിക്കപ്പെട്ട പാസ്‍വേഡ് '123456' ആണ്. '123456789,' 'qwerty' എന്നിവ യഥാക്രമം രണ്ടും മൂന്നും സ്ഥാനത്ത് വരുന്നു. ഒരു കോടിയോളം അക്കൗണ്ടുകളുടെ പാസ്‍വേഡുകള്‍ പരിശോധിച്ചാണ് ഇത് കണ്ടെത്തിയത്.

പഠനപ്രകാരം ഏറ്റവും കൂടുതല്‍ ഉപയോഗിക്കപ്പെടുന്ന 10 പാസ്‍വേഡുകളില്‍ 4 എണ്ണം ആറ് ക്യാരക്റ്ററില്‍ കുറവുള്ളതാണ്. '12345678', '111111', '1234567890', '1234567', 'password', '123123', '987654321' എന്നിവയെല്ലാമാണ് ലോകത്ത് ഏറ്റവുമധികം ഉപയോഗിക്കപ്പെടുന്ന മറ്റ് പാസ്‍വേഡുകള്‍.

umeric combination of '123456' was the most common password of 2016, followed by '123456789' and 'qwerty.'