എയര്‍ടെലിന്‍റെ 299 രൂപയുടെ പുതിയ പ്രീപെയ്ഡ് പ്ലാന്‍

നാല്‍പ്പത്തഞ്ചു ദിവസത്തെ വാലിഡിറ്റിയില്‍ സൗജന്യ കോളുകള്‍ നല്‍കി എയര്‍ടെല്‍. പ്രീപെയ്ഡ് ഉപഭോക്താക്കള്‍ക്കാണ് പുതിയ പ്ലാന്‍ ലഭ്യമാവുക.

ഈ പ്ലാനില്‍ കോളുകള്‍ തികച്ചും സൗജന്യമാണ്. അണ്‍ലിമിറ്റഡ് കോളുകള്‍ക്കൊപ്പം ദിനംപ്രതി 100 എസ്‌എംഎസുകളും അയയ്ക്കാം. റോമിംഗിലും എസ് എം എസ് സൗകര്യം ലഭിക്കും.

എയര്‍ടെലിന്റെ 249, 349 പ്ലാനുകളിലും ഇതേ ഓഫറുകള്‍ തന്നെയാണ് കമ്പനി നല്‍കുന്നത്. എന്നാല്‍ അവയുടെ വാലിഡിറ്റി വെറും 28 ദിവസം മാത്രമാണ്.

ഉപയോക്താക്കൾക്ക് കൂടുതൽ ഡാറ്റയുമായി 499 രൂപയുടെ പോസ്റ്റ് പെയ്ഡ് പ്ലാൻ എയര്‍ടെല്‍ ഈയിടെ പുതുക്കിയിരുന്നു. നേരത്തെ 40 ജിബി ഡേറ്റയായിരുന്നു ലഭിച്ചിരുന്നത്. പുതിയ മാറ്റ പ്രകാരം ഇത് 75 ജിബിയായി ഉയർത്തിയിട്ടുണ്ട്. ഒരു ദിവസം 100 ഫ്രീ എസ് എം എസ്, രാജ്യത്താകമാനം പരിധിയില്ലാത്ത വോയ്സ് കോളുകൾ എന്നിവയും പ്ലാനിന്‍റെ ഭാഗമായി ലഭിക്കും. ഒരു മാസം അനുവദിച്ച ഡാറ്റ മുഴുവൻ ഉപയോഗിച്ചില്ലെങ്കിൽ 500 ജിബി വരെ അടുത്ത മാസം ഉപയോഗിക്കാനുള്ള സൗകര്യവും എയര്‍ടെല്‍ ഈ പ്ലാനില്‍ ഉള്‍പ്പെടുത്തിയിരുന്നു