എയർടെൽ പോസ്റ്റ്പെയ്ഡ് പ്ലാനുകൾ
എയർടെല്ലിന്റെ എൻട്രി ലെവൽ പോസ്റ്റ്പെയ്ഡ് പ്ലാനിന് 399 രൂപയാണ് വില. കുറഞ്ഞ വിലയ്ക്ക് ലഭിക്കുമെങ്കിലും ഈ പ്ലാൻ ഒടിടി (ഓവർ-ദി-ടോപ്പ്) ആനുകൂല്യങ്ങളൊന്നും നൽകുന്നില്ല. ഒടിടി ആനുകൂല്യങ്ങൾ ആവശ്യമുള്ള ആളുകൾക്കായി എയർടെൽ നൽകുന്ന വില കുറഞ്ഞ പോസ്റ്റ്പെയ്ഡ് പ്ലാനിന് 499 രൂപയാണ് വില. ഈ പ്ലാൻ മികച്ച ഡാറ്റ ആനുകൂല്യവും നൽകുന്നുണ്ട്. ആമസോൺ പ്രൈം, ഡിസ്നി+ ഹോട്ട്സ്റ്റാർ എന്നീ പ്ലാറ്റ്ഫോമുകളിലേക്കുള്ള ആക്സസാണ് ഈ പ്ലാനിലൂടെ ലഭിക്കുന്നത്.
Read More: 8,999 രൂപയ്ക്ക് മികച്ച സവിശേഷതകളോടെ നോക്കിയ സി32 ഇന്ത്യൻ വിപണിയിലെത്തി
499 രൂപ പ്ലാൻ
എയർടെല്ലിന്റെ 499 രൂപ വിലയുള്ള പോസ്റ്റ്പെയ്ഡ് പ്ലാനിലൂടെ മൊത്തം 75 ജിബി ഡാറ്റയാണ് ലഭിക്കുന്നത്. ഈ പ്ലാൻ ദിവസവും 100 എസ്എംഎസുകളും നൽകുന്നുണ്ട്. അൺലിമിറ്റഡ് വോയിസ് കോളിങ് ആനുകൂല്യമാണ് ഈ പ്ലാനിലൂടെ ലഭിക്കുന്ന മറ്റൊരു പ്രധാന ആനുകൂല്യം. പ്ലാനിനൊപ്പം ആമസോൺ പ്രൈം ആക്സസും സൌജന്യമായി ലഭിക്കും. ആമസോൺ പ്രൈം ആറ് മാസത്തേക്കാണ് ലഭിക്കുന്നത്. ഡിസ്നി+ ഹോട്ട്സ്റ്റാർ മൊബൈൽ സബ്‌സ്‌ക്രിപ്‌ഷനും പ്ലാനിലൂടെ ലഭ്യമാണ്. ഇത് ഒരു വർഷത്തേക്കാണ് ലഭിക്കുക.
അധിക ആനുകൂല്യങ്ങൾ
499 രൂപ പ്ലാൻ നൽകുന്ന മറ്റ് ആനുകൂല്യങ്ങളിൽ ഹാൻഡ്‌സെറ്റ് പ്രൊട്ടക്ഷൻ, എക്‌സ്ട്രീം മൊബൈൽ പാക്ക്, വിങ്ക് മ്യൂസിക് പ്രീമിയം എന്നിവയടക്കമുള്ളവ ഉൾപ്പെടുന്നു. ഇതൊരു ഫാമിലി പ്ലാൻ അല്ലെന്ന കാര്യം ശ്രദ്ധിക്കുക. ആഡ് ഓൺ കണക്ഷനുകൾ ഈ പ്ലാനിലൂടെ ലഭിക്കുകയില്ല. എങ്കിലും നിങ്ങൾക്ക് ഈ പ്ലാനിനൊപ്പം ആഡ് ഓൺ കണക്ഷൻ എടുക്കാനുള്ള ഒരു ഓപ്ഷൻ എയർടെൽ നൽകുന്നുണ്ട്. ഓരോ കണക്ഷനും 299 രൂപ വീതം നൽകിയാൽ ആഡ് ഓൺ കണക്ഷൻ എടുക്കാവുന്നതാണ്.
Read More: വെള്ളത്തിനടിയിലും ഫോട്ടോ എടുക്കാം; 29,999 രൂപ വിലയുമായി മോട്ടറോള എഡ്ജ് 40 ഇന്ത്യൻ വിപണിയിലെത്തി
ആഡ് ഓൺ കണക്ഷനുകൾ
ഓരോ ആഡ്-ഓൺ കണക്ഷനുകളിലും എയർടെൽ 30 ജിബി ഡാറ്റ വീതമാണ് നൽകുന്നത്. ഈ കണക്ഷനുകൾക്ക് ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് വോയിസ് കോളിങ് ആനുകൂല്യങ്ങളും ലഭിക്കും. ദിവസവും 100 എസ്എംഎസുകളും ആഡ് ഓൺ കണക്ഷനുകളിൽ ലഭിക്കുന്നു. ഈ പ്ലാനിനൊപ്പം ആക്ടിവേഷൻ ഫീസും ഉൾപ്പെടുന്നുണ്ട്. ആഡ് ഓൺ കണക്ഷനുകൾ കുടുംബത്തിനെ മറ്റ് അംഗങ്ങൾക്ക് കൂടി ഒരു പ്ലാനിലൂടെ ആനുകൂല്യം നൽകാൻ സഹായിക്കുന്നതാണ്.
ആക്ടിവേഷൻ ഫീസ്
എയർടെൽ പോസ്റ്റ്പെയ്ഡ് പ്ലാനിനായുള്ള ആക്ടിവേഷൻ ഫീസ് ചില സംസ്ഥാനങ്ങളിൽ 300 രൂപയും ചിലതിൽ 250 രൂപയുമാണ്. നിങ്ങൾ ഒരു പുതിയ കണക്ഷൻ എടുക്കുമ്പോൾ ഇത് വൺ ടൈം ഫീസായിട്ടാണ് ഈടാക്കുന്നത്. തിരഞ്ഞെടുത്ത പിൻ കോഡുകളിൽ അതിന്റെ പോസ്റ്റ്പെയ്ഡ് കണക്ഷനുകളും സെക്യൂരിറ്റി ഡെപ്പോസിറ്റിന് വിധേയമാണെന്ന് എയർടെൽ സൂചിപ്പിച്ചു. സെക്യൂരിറ്റി ഡെപ്പോസിറ്റിന് കീഴിൽ സജീവമാക്കിയ പോസ്റ്റ്പെയ്ഡ് പ്ലാനുകളിൽ എയർടെൽ ബ്ലാക്ക് ബണ്ടിംഗ് ബാധകമല്ല.
Read More: 5,999 രൂപ മുതൽ വിലയുമായി റെഡ്മി എ2, റെഡ്മി എ2+ സ്മാർട്ട്ഫോണുകൾ വിൽപ്പനയ്ക്കെത്തി