പുതിയ ഓഫര്‍, 149 രൂപയ്ക്ക് 2 ജിബിയുമായി എയര്‍ടെല്‍

മുംബൈ: പഴയ 149 രൂപയുടെ പ്ലാനില്‍ പ്രതിദിനം 2 ജി.ബി ഡാറ്റ നല്‍കുമെന്ന് എയര്‍ടെല്‍. ഒപ്പം അണ്‍ലിമിറ്റഡ് വോയ്സ് കോള്‍, 100 എസ്‌എംഎസ് എന്നിവയും 28 ദിവസം വാലിഡിറ്റിയുള്ള ഈ പ്ലാനില്‍ ലഭിക്കും. 149 രൂപക്ക് പ്രതിദിനം 1.5 ജി.ബി ഡാറ്റയാണ് ജിയോ നിലവില്‍ നല്‍കിയിരുന്നത്.

4ജി ഹാന്‍ഡ്സെറ്റുകള്‍ ഉപയോഗിക്കുന്നവര്‍ക്ക് മാത്രമാണ് ജിയോയുടെ സേവനം ആസ്വദിക്കാന്‍ കഴിയുക. 2ജി, 3ജി ഉപയോക്താകള്‍ക്കെല്ലാം എയര്‍ടെല്ലിന്‍റെ സേവനം ലഭ്യമാകും.

വെറും150 രൂപയ്ക്ക് താഴെ വിലയില്‍ ജിബിയ്ക്ക് 2.66 രൂപ എന്ന നിരക്കില്‍ ആകെ 56 ജിബി ഡാറ്റ ലഭിക്കും. അങ്ങനെ വരുമ്പോള്‍ റിലയന്‍സ് ജിയോയുടെ 149 രൂപയുടെ പ്ലാനിനേക്കാള്‍ ലാഭകരം എയര്‍ടെല്‍ പ്ലാന്‍ ആണ്. പ്രതിദിനം രണ്ട് ജിബി 2ജി, 3ജി 4ജി ഡേറ്റ 149 രൂപയുടെ പ്ലാനില്‍ ഉപയോഗിക്കാന്‍ സാധിക്കും. പ്രതിദിനം 1.5 ജിബി ഡാറ്റ അണ്‍ലിമിറ്റഡ് വോയ്സ്‌കോള്‍, 100 എസ്‌എംഎസ്, എന്നിവയാണ് റിലയന്‍സ് ജിയോ 149 രൂപയുടെ പ്ലാനില്‍ നല്‍കുന്നത്.

വോഡഫോണും ഐഡിയയും നല്‍കുന്ന പോലെ പ്രതിദിന ഉപയോഗ നിയന്ത്രണം ഈ പ്ലാനില്‍ ഉണ്ടാവില്ല. 28 ദിവസമാണ് ഇതിന്റെ വാലിഡിറ്റി.