ഇന്ത്യയിലെ മുൻനിര ടെലികോം കമ്പനിയായ ഭാരതി എയർടെൽ അവതരിപ്പിച്ച വോയിസ് ഓവർ വൈഫൈ കോളിംഗ് ഫീച്ചറിൽ ഇതിനകം രജിസ്റ്റർ ചെയ്തത് 10 ലക്ഷത്തിലധികം ഉപയോക്താക്കൾ. നെറ്റ്വർക്കില്ലാതെ, റീചാർജ് പ്ലാനുകളൊന്നും തന്നെ ചെയ്യാതെ വൈഫൈ നെറ്റ്വര്ക്ക് പ്രയോജനപ്പെടുത്തി മൊബൈൽ ഫോണിലൂടെ കോള് ചെയ്യാന് കഴിയുന്ന സംവിധാനമായ എയര്ടെല് വൈഫൈ കോളിംഗ് സേവനം ആദ്യ ഘട്ടത്തിൽ എയർടെൽ എക്സ്ട്രീം ഫൈബറിലും തിരഞ്ഞെടുത്ത സ്മാർട്ഫോണുകളിലും മാത്രമേ പ്രവർത്തിക്കുന്നുണ്ടായിരുന്നുള്ളൂ. പക്ഷെ ഇപ്പോൾ ഏത് നെറ്റ്വർക്കിലൂടെയും ഉപഭോക്താക്കള്ക്ക് വോയ്സ് കോള് സേവനം പ്രയോജനപ്പെടുത്താനാകും.
Realme X50 5G: ഐഫോൺ, വൺപ്ലസ് യൂസർമാർക്കും അസൂയ തോന്നും ഈ 5ജി ഫോണിനോട്
സാധാരണ സ്മാർട്ഫോണിൽ നിന്നും കോളുകൾ ചെയ്യുമ്പോൾ നിരക്ക് നൽകേണ്ടി വരുന്നതുപോലെ എയർടെൽ വൈഫൈ കോളിങിൽ അധികമായി നിരക്കുകൾ നൽകേണ്ടതില്ല. ഒരു ആപ്ലിക്കേഷന്റെയും സഹായമില്ലാതെ ഈ ഫീച്ചർ ഉപയോഗിക്കാം. പ്രീപെയ്ഡ് ഉപയോക്താക്കൾക്കും, പോസ്റ്റ്പെയ്ഡ് ഉപയോക്താക്കൾക്കും വൈഫൈ കോളിംഗ് ചെയ്യാനാവും. 16 ബ്രാൻഡുകളിലായി നൂറിലധികം സ്മാർട്ഫോണുകളിൽ ഇപ്പോൾ എയർടെൽ വൈഫൈ കോളിംഗ് ഫീച്ചർ ലഭിക്കും.
ഗുജറാത്ത്, ഹരിയാന, കേരള, മധ്യപ്രദേശ്, മഹാരാഷ്ട്ര, പഞ്ചാബ്, യുപി (ഈസ്റ്റ്), യുപി (വെസ്റ്റ്). ആന്ധ്ര പ്രദേശ്, കർണാടക, കൊൽക്കത്ത, മുംബൈ, തമിഴ് നാട്, ഡൽഹി എൻസിആർ എന്നിവിടങ്ങളിൽ നിലവിൽ എയർടെൽ കോളിംഗ് സേവനം ലഭ്യമാണ്.
നെറ്റ്വർക്കില്ലാതെ കോൾ ചെയ്യാം, നിങ്ങളുടെ ഫോണിലുണ്ടോ ഈ ഫീച്ചർ?
എല്ലാ ബ്രോഡ്ബാൻഡ് സർവീസുകളിലൂടെയും വൈഫൈ ഹോട്സ്പോട്ടുകളിലൂടെയും വോയിസ് ഓവർ വൈഫൈ കോളിംഗ് സേവനം ലഭ്യമാവും. എയര്ടെല് വൈഫൈ കോളിംഗ് ഉപയോഗിക്കാൻ പ്രത്യേകം ആപ്ലിക്കേഷന്റെ ആവശ്യമില്ല. ഫോണിലെ സെറ്റിംഗ്സ് ഒന്നു ക്രമീകരിച്ചാല് ഫോണിൽ നിന്ന് തന്നെ നേരിട്ട് കോളുകൾ ചെയ്യാം. സെല്ലുലാർ കണക്ടിവിറ്റിക്ക് പകരം VoIP ഉപയോഗിച്ചാണ് എയര്ടെല് വൈഫൈ കോളിങിൽ കോളുകൾ ചെയ്യുന്നത്. ഇതിനായി വരിക്കാരിൽ നിന്നും ചാർജുകളൊന്നും തന്നെ ഈടാക്കില്ല. ഇതിനുപുറമെ ഡാറ്റയുടെ ഉപയോഗവും വളരെ കുറവായിരിക്കും എന്ന് കമ്പനി വ്യക്തമാക്കിയിട്ടുണ്ട്.
ഷവോമിക്ക് തീ പിടിച്ചു, ഇക്കാര്യങ്ങൾ ചെയ്താൽ നിങ്ങളുടെ ഫോണും പൊട്ടിത്തെറിക്കും
airtel.in/wifi calling എന്ന ലിങ്ക് ക്ലിക്ക് ചെയ്താൽ ഏതെല്ലാം ഹാൻഡ്സെറ്റുകൾ എയർടെൽ വൈഫൈ കോളിംഗ് സപ്പോർട്ട് ചെയ്യും എന്നറിയാൻ സാധിക്കും. സ്മാർട്ഫോണിലെ സോഫ്റ്റ്വെയര് വൈഫൈ കോളിംഗിനെ പിന്തണയ്ക്കുന്ന ഏറ്റവും പുതിയ പതിപ്പിലേക്ക് അപ്ഡേറ്റ് ചെയ്താൽ മാത്രമേ വൈഫൈ കോളിംഗ് സൗകര്യം ഉപയോഗിക്കാൻ കഴിയൂ. അപ്ഡേറ്റ് ചെയ്തതിന് ശേഷം ഫോണിലെ സെറ്റിംഗ്സില് വൈഫൈ കോളിംഗ് സ്വിച്ച് ഓണ് ചെയ്യുക. വോള്ട്ടെ സേവനവും സ്വിച്ച് ഓണ് ചെയ്യണം. വൈഫൈയ്ക്ക് എന്തെങ്കിലും പ്രശ്നമുണ്ടെകിൽ ഫോൺ 4ജി കണക്ഷനിലേക്ക് ഓട്ടോമാറ്റിക്കായി മാറും.