ഇകോമേഴ്സ് ഭീമനായ ഫ്ലിപ്കാർട്ട് ബിഗ് ബില്യൺ ഡേയ്സ് പ്രഖ്യാപിച്ച് ദിവസങ്ങൾക്കുള്ളിൽ എതിരാളികളായ ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയ്ൽ 2021 പ്രഖ്യാപിച്ചു. കഴിഞ്ഞ വർഷത്തേതിന് സമാനമായി ഒരു മാസം നീണ്ട് നിൽക്കുന്നതാണ് ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയ്ൽ 2021. അടുത്ത മാസം ഒന്നാം തിയതി മുതലാണ് ആമസോൺ ഷോപ്പിംഗ് മാമാങ്കം ആരംഭിക്കുക. ഗ്രേറ്റ് ഇന്ത്യൻ ഫെസ്റ്റിവൽ സെയിൽ സമയത്തേക്ക് ഉപഭോക്താക്കളെ ആകർഷിക്കാൻ ഒരു പ്രത്യേക വെബ് പേജ് തന്നെ ആമസോൺ ഒരുക്കിയിട്ടുണ്ട്. വിവിധ മൊബൈൽ ഫോൺ മോഡലുകൾ, ആക്സസറികൾ, സ്മാർട്ട് വാച്ചുകൾ, ടാബ്ലെറ്റുകൾ, ലാപ്ടോപ്പുകൾ, ഇലക്ട്രോണിക് ഉപകരണങ്ങൾ, സ്മാർട്ട് ടിവികൾ ഉൾപ്പെടെയുള്ള വീട്ടുപകരണങ്ങൾക്ക് വമ്പിച്ച വിലക്കുറവ് ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയ്ൽ 2021ൽ പ്രതീക്ഷിക്കാം. കൂടാതെ ആമസോണിന്റെ സ്വന്തം ഉത്പന്നങ്ങളായ ഇക്കോ, ഫയർ ടിവി, കിൻഡിൽ എന്നിവ ഈ വർഷത്തെ ഏറ്റവും കുറഞ്ഞ വിലയ്ക്ക് ഗ്രേറ്റ് ഇന്ത്യൻ ഫെസ്റ്റിവലിൽ വാങ്ങാം.
വില കിഴിവുകൾക്കും, ഓഫറുകൾക്കും പുറമെ ആപ്പിൾ, അസൂസ്, ഫോസിൽ, എച്ച്പി, ലെനോവോ, വൺപ്ലസ്, സാംസങ്, സോണി, ഷവോമി തുടങ്ങിയ ബ്രാൻഡുകളിൽ നിന്ന് ആയിരത്തിലധികം പുതിയ ഉൽപ്പന്നങ്ങളും ഗ്രേറ്റ് ഇന്ത്യൻ ഫെസ്റ്റിവൽ സെയ്ൽ 2021നോട് അനുബന്ധിച്ച് ലോഞ്ച് ചെയ്യും എന്ന് ആമസോൺ വ്യക്തമാക്കി. സോണിയുടെ പിഎസ്5, മൈക്രോസോഫ്റ്റിന്റെ എക്സ്ബോക്സ് ഗെയിമിംഗ് കൺസോളുകൾക്കും ഓഫറുകൾ ഒരുക്കിയിട്ടുണ്ട്. എന്നാൽ എന്താണ് ഓഫർ എന്ന് ആമസോൺ വ്യക്തമാക്കിയിട്ടില്ല.
എച്ച്ഡിഎഫ്സി ബാങ്ക് ഡെബിറ്റ്, ക്രെഡിറ്റ് കാർഡുകൾ, ഇഎംഐ ഇടപാടുകൾ എന്നിവ ഉപയോഗിച്ച് ഗ്രേറ്റ് ഇന്ത്യൻ ഫെസ്റ്റിവൽ സെയ്ലിൽ ഉത്പന്നങ്ങൾ വാങ്ങുന്നവർക്ക് 10 ശതമാനം ഇൻസ്റ്റന്റ് ഡിസ്കൗണ്ടും ആമസോൺ ഒരുക്കിയിട്ടുണ്ട്. ഇവ കൂടാതെ 'സ്പെഷ്യൽ പ്രൈം ഫ്രൈഡേ' സെയ്ലിൽ അധിക ക്യാഷ്ബാക്ക് ഓഫറുകൾ, വിപുലീകരിച്ച നോ-കോസ്റ്റ് ഇഎംഐ ഓപ്ഷനുകൾ, അധിക വാറന്റികൾ എന്നിവയുമുണ്ടാകും.
എതിരാളികളിൽ പ്രധാനിയായ ഫ്ലിപ്കാർട്ടിന്റെ ബിഗ് ബില്യൺ ഡേയ്സ് അതെ സമയം ഒക്ടോബർ ഏഴിനാണ് ആരംഭിക്കുക. 12 വരെ നീണ്ട് നിൽക്കുന്ന ഫ്ലിപ്കാർട്ട് ബിഗ് ബില്യൺ ഡേയ്സ് സെയ്ലിലും നിരവധി ഉത്പന്നങ്ങൾ വമ്പൻ വിലക്കുറവിൽ വാങ്ങാനാവും.
വില കിഴിവുകൾക്കും, ഓഫറുകൾക്കും പുറമെ ആപ്പിൾ, അസൂസ്, ഫോസിൽ, എച്ച്പി, ലെനോവോ, വൺപ്ലസ്, സാംസങ്, സോണി, ഷവോമി തുടങ്ങിയ ബ്രാൻഡുകളിൽ നിന്ന് ആയിരത്തിലധികം പുതിയ ഉൽപ്പന്നങ്ങളും ഗ്രേറ്റ് ഇന്ത്യൻ ഫെസ്റ്റിവൽ സെയ്ൽ 2021നോട് അനുബന്ധിച്ച് ലോഞ്ച് ചെയ്യും എന്ന് ആമസോൺ വ്യക്തമാക്കി. സോണിയുടെ പിഎസ്5, മൈക്രോസോഫ്റ്റിന്റെ എക്സ്ബോക്സ് ഗെയിമിംഗ് കൺസോളുകൾക്കും ഓഫറുകൾ ഒരുക്കിയിട്ടുണ്ട്. എന്നാൽ എന്താണ് ഓഫർ എന്ന് ആമസോൺ വ്യക്തമാക്കിയിട്ടില്ല.
എച്ച്ഡിഎഫ്സി ബാങ്ക് ഡെബിറ്റ്, ക്രെഡിറ്റ് കാർഡുകൾ, ഇഎംഐ ഇടപാടുകൾ എന്നിവ ഉപയോഗിച്ച് ഗ്രേറ്റ് ഇന്ത്യൻ ഫെസ്റ്റിവൽ സെയ്ലിൽ ഉത്പന്നങ്ങൾ വാങ്ങുന്നവർക്ക് 10 ശതമാനം ഇൻസ്റ്റന്റ് ഡിസ്കൗണ്ടും ആമസോൺ ഒരുക്കിയിട്ടുണ്ട്. ഇവ കൂടാതെ 'സ്പെഷ്യൽ പ്രൈം ഫ്രൈഡേ' സെയ്ലിൽ അധിക ക്യാഷ്ബാക്ക് ഓഫറുകൾ, വിപുലീകരിച്ച നോ-കോസ്റ്റ് ഇഎംഐ ഓപ്ഷനുകൾ, അധിക വാറന്റികൾ എന്നിവയുമുണ്ടാകും.
എതിരാളികളിൽ പ്രധാനിയായ ഫ്ലിപ്കാർട്ടിന്റെ ബിഗ് ബില്യൺ ഡേയ്സ് അതെ സമയം ഒക്ടോബർ ഏഴിനാണ് ആരംഭിക്കുക. 12 വരെ നീണ്ട് നിൽക്കുന്ന ഫ്ലിപ്കാർട്ട് ബിഗ് ബില്യൺ ഡേയ്സ് സെയ്ലിലും നിരവധി ഉത്പന്നങ്ങൾ വമ്പൻ വിലക്കുറവിൽ വാങ്ങാനാവും.