Asus ROG Phone-2: ഗെയിം സ്മാർട്ഫോണിന്റെ വിലയും സവിശേഷതകളും

ഗെയിമിംഗ് പ്രേമികളെ മുന്നിൽക്കണ്ട് തായ്‌വാൻ സ്മാർട്ഫോൺ നിർമ്മാതാക്കളായ അസൂസ് കഴിഞ്ഞ വർഷമാണ് ഒരു കംപ്ലീറ്റ് ഗെയിമിംഗ് ഫോണായ അസൂസ് റോഗ് ഫോൺ (Asus ROG Phone)പുറത്തിറക്കിയത്. ഡിവൈസ് ടെക് ലോകത്ത് ശ്രദ്ധ പിടിച്ചു പറ്റിയെങ്കിലും 69,999 രൂപയെന്ന വലിയ വിലയാണ് ഗെയിമിംഗ് ഇഷ്ടപ്പെടുന്ന പലരെയും ഫോൺ വാങ്ങുന്നതിൽ നിന്നും പിന്തിരിപ്പിച്ചത്.

ഒരു വർഷത്തിന് ശേഷം കമ്പനി റോഗ് സീരിസ് ഫോണുകളുടെ ആവർത്തനമെന്ന പോലെ റോഗ് ഫോൺ 2 അവതരിപ്പിച്ചിട്ടുണ്ട്. 8 ജിബി റാം 256 ജിബി സ്റ്റോറേജ് മോഡലിന് 37,999 രൂപയാണ് കമ്പനി വിലയിട്ടിരിക്കുന്നത്. അതായത് അസൂസ് റോഗ് ആദ്യം പുറത്തിറക്കിയ ഫോണിന്റെ പകുതിയോളം വില മാത്രമേ രണ്ടാം പതിപ്പിനുള്ളൂ.

മുന്‍ മോഡലില്‍ ഉള്ളതിനേക്കാള്‍ കുറച്ചു കൂടി വലിപ്പമുള്ള ബാറ്ററി, ക്വാളിറ്റി കൂടിയ ക്യാമറ, ഇന്‍ ഡിസ്‌പ്ലേ, ഫിംഗര്‍ പ്രിന്റ് റീഡര്‍ എന്നിങ്ങനെ ഒട്ടേറെ സവിശേഷതകളാണ് റോഗ് 2 -നുണ്ടെന്ന് കമ്പനി അവകാശപ്പെടുന്നത്.

6.59 ഇഞ്ച് വലിപ്പമുള്ള 1080 പിക്സല്‍ അമോലെഡ് ഡിസ്പ്ലേയാണ് ഫോണിന്റെ മുഖ്യ സവിശേഷത. 120 ഹെര്‍ട്സ് റിഫ്രഷ് റേറ്റാണ് ഡിസ്‌പ്ലേയ്ക്കുള്ളത്. ക്വാൽകോം സ്നാപ്ഡ്രാഗൺ 855 പ്ലസ് പ്രോസെസ്സറിലാണ് ഹാൻഡ്സെറ്റ് പ്രവർത്തിക്കുന്നത്. 10 ബിറ്റ് ഡിസ്‌പ്ലേ പാനലില്‍ HDR സൗകര്യവും 500,000:1 കോണ്‍ട്രാസ്റ്റ് അനുപാതവുമാണ് റോഗ് ഫോണ്‍ 2-നുള്ളത്. ഇന്‍ ഡിസ്‌പ്ലേ ഫിംഗര്‍പ്രിന്റ് സ്‌കാനറാണ് ഫോണിനുള്ളത്. 12GB വരെയുള്ള LPDDR4X റാമും 512 ജിബി UFS 3.0 സ്റ്റോറേജും മോഡലിനുണ്ട്.

48 എംപി പ്രധാന ക്യാമറയും 13 എംപി അള്‍ട്രാ വൈഡ് ആംഗിള്‍ ലെന്‍സും അടങ്ങുന്ന ഡ്യുവല്‍ ക്യാമറയും 24 എംപി സെല്‍ഫി ക്യാമറയുമാണ് റോഗ് ഫോണ്‍ 2-നുള്ളത്. ആക്സിലറേറ്റർ, ഇ-കോമ്പസ്, പ്രോക്സിമിറ്റി, ഹാൾ സെൻസർ, ആമ്പിയന്റ് ലൈറ്റ് സെൻസർ, ഇൻ-ഡിസ്പ്ലേ ഫിംഗർപ്രിന്റ് സെൻസർ, ഗൈറോ, അൾട്രാസോണിക് സെൻസർ എന്നീ സെൻസറുകളാണ് ഫോണിനുള്ളത്.
6000 എംഎഎച്ച് ബാറ്ററിശേഷിയുള്ള ഫോണില്‍ 30 വാട്ട് അതിവേഗ ചാര്‍ജിങ് സൗകര്യമുണ്ട്. ഇത് കൂടാതെ പുതിയ ഡ്യുവല്‍ സ്‌ക്രീന്‍ ട്വിന്‍ വ്യൂ ഡോക്കും ഒരു കൂളിങ് ഫാനും ഫോണിന് വേണ്ടി അസൂസ് ഒരുക്കിയിട്ടുണ്ട്.

അസൂസ് റോഗ് ഫോണിന്റെ 8 ജിബി റാം + 128 ജിബി പതിപ്പിന് 37,999 രൂപയും12 ജിബി റാം / 512 ജിബി സ്റ്റോറേജ് മോഡലിന് 59,999 രൂപയും ആണ് വില.

ഫ്ലിപ്കാർട്ടിലൂടെയാണ് അസൂസിന്റെ ഏറ്റവും പുതിയ സ്മാർട്ഫോൺ വില്പനക്കെത്തുന്നത്. ഫ്ലിപ്കാർട്ടിന്റെ പ്രത്യേക വില്പനയായ ബിഗ് ബില്യൺ ഡേ സെയിലിൽ റോഗ് ഫോണ്‍ 2 വാങ്ങാൻ കഴിയും. സെപ്റ്റംബർ 30 ന് 11 മണി മുതലാണ് ഫോൺ ലഭ്യമാവുക. ആറ് മാസത്തേക്കുള്ള നോൺ കോസ്റ്റ് ഇഎംഐ ഓപ്‌ഷനും ഫ്ലിപ്കാർട് നൽകുന്നുണ്ട്.

ആക്‌സസറീസ് വില:

റോഗ് ഫോൺ 30 W ചാർജർ - Rs 1,999

എയ്റോആക്റ്റീവ് കൂളർ II - Rs 3,999

പ്രൊഫഷൻ ഡോക്ക് - Rs 5,499

ലൈറ്റനിംഗ് ആർമർ കേസ് - Rs 2,999

ട്വിൻ വ്യൂ ഡോക്ക് II - Rs 19,999

മൊബൈൽ ഡെസ്ക്ടോപ് ഡോക്ക് - Rs 12,999

റോഗ് കുനായി ഗെയിംപാഡ്‌ കൺട്രോളർ - Rs 9,999