'കിം ഭോ' മെസേജിംഗ് ആപ്പുമായി പതഞ്‌ജലി!

സ്വദേശി സമൃദ്ധി സിം കാര്‍ഡുകള്‍ പുറത്തിറക്കിയതിന് തൊട്ടുപിന്നാലെ സ്വദേശി മെസേജിംഗ് ആപ്പുമായി ബാബ രാംദേവിന്‍റെ പതഞ്‌ജലി. 'കിം ഭോ' എന്നാണ് ഈ ആപ്പിന്‍റെ പേര്. സംസ്കൃതത്തില്‍ 'സുഖമാണോ' എന്ന് ചോദിക്കുന്നത് ഇങ്ങനെയാണ്.

വാട്‌സ്ആപ്പിന് ഇതൊരു എതിരാളിയായിരിക്കും കിം ഭോ എന്നാണ് പതഞ്‌ജലി പറയുന്നത്.ഗൂഗിള്‍ പ്ലേ സ്റ്റോറില്‍ നിന്ന് നേരിട്ട് ആപ് ഡൗണ്‍ലോഡ് ചെയ്യാം.

മെസേജ് അയക്കുന്നതിനു പുറമേ പുറമേ സെലിബ്രിറ്റികളെ ഫോളോ ചെയ്യാനുള്ള സൗകര്യവും ഈ ആപ്പിലുണ്ട്. വീഡിയോ കോളിംഗ്, ഓഡിയോ ഷെയറിംഗ്,ഫോട്ടോകളും വീഡിയോകളും അയയ്ക്കാനുള്ള സൗകര്യം എന്നിവയെല്ലാം 'കിംഭോ' ആപ്പിലുണ്ട്.