5G Smartphones | 15000 രൂപയിൽ താഴെ മാത്രം വിലയുള്ള 5ജി സ്മാർട്ട്ഫോണുകൾ
5G Smartphones | ഇന്ത്യയിലെ 15000 രൂപയിൽ താഴെ മാത്രം വിലയുള്ള അഞ്ച് സ്മാർട്ട്ഫോണുകൾ നോക്കാം. ഇതിൽ സാംസങ്, റെഡ്മി, പോക്കോ, റിയൽമി, iQOO തുടങ്ങിയ ബ്രാന്റുകളുടെ ഡിവൈസുകളുണ്ട്.
Samayam Malayalam29 Sept 2022, 2:15 pm
ഇന്ത്യ 5ജി നെറ്റ്വർക്കിനായി ഒരുങ്ങുകയാണ്. പുതിയ തലമുറ നെറ്റ്വർക്ക് വരുമ്പോൾ അതിലേക്ക് മാറാൻ നമ്മുടെ 4ജി സപ്പോർട്ട് മാത്രമുള്ള ഡിവൈസുകൾ ഉപേക്ഷിക്കേണ്ടി വരും, പക്ഷേ 5ജി സപ്പോർട്ടുള്ള സ്മാർട്ട്ഫോൺ വാങ്ങാൻ ഇനി അധികം പണം മുടക്കേണ്ട കാര്യമൊന്നും ഇല്ല. ഇന്ത്യൻ വിപണിയിൽ പല വില വിഭാഗങ്ങളിലായി നിരവധി 5ജി സ്മാർട്ട്ഫോണുകൾ (5G Smartphones) ലഭ്യമാണ്. 15000 രൂപയിൽ താഴെ വിലയിൽ പോലും 5ജി നെറ്റ്വർക്ക് സപ്പോർട്ടുള്ള മികച്ച ഡിവൈസുകളുണ്ട്.
ഇന്ത്യയിലെ 15000 രൂപയിൽ താഴെ മാത്രം വിലയുള്ള അഞ്ച് സ്മാർട്ട്ഫോണുകളാണ് നമ്മളിന്ന് പരിചയപ്പെടുന്നത്. ഇതിൽ സാംസങ്, റെഡ്മി, പോക്കോ, റിയൽമി, iQOO തുടങ്ങിയ ബ്രാന്റുകളുടെ സ്മാർട്ട്ഫോണുകളാണ് ഉള്ളത്. വില കുറവാണ് എങ്കിലും സവിശേഷതകളുടെ കാര്യത്തിൽ യാതൊരു കുറവുമില്ലാത്ത ഡിവൈസുകളാണ് ഇവയെല്ലാം. മികച്ച ഡിസ്പ്ലെ, ആകർഷകമായ ക്യാമറ, വലിയ ബാറ്ററി, കരുത്തുള്ള പ്രോസസർ എന്നീ സവിശേഷതകളോടെ 15000 രൂപയിൽ താഴെ വിലയിൽ ലഭിക്കുന്ന മറ്റേതൊരു സ്മാർട്ട്ഫോണിനെക്കാളും മികവ് പുലർത്തുന്ന ഫോണുകളാണ് ഇവ അഞ്ചും.
സാംസങ് ഗാലക്സി എം13 5ജി
സാംസങ് ഗാലക്സി എം13 5ജി ആമസോണിലൂടെ കുറഞ്ഞ വിലയ്ക്ക് ലഭിക്കുന്ന മികച്ച 5ജി ഫോണാണ്. വലിയ ബാറ്ററിയും ഡിസ്പ്ലേയും ആവശ്യമുള്ള ആളുകൾക്ക് ഈ ഡിവൈസ് തീർച്ചയായും ഇഷ്ടപ്പെടും. 5,000എംഎഎച്ച് ബാറ്ററിയും എച്ച്ഡി+ റെസല്യൂഷനുള്ള 6.5 ഇഞ്ച് എൽസിഡി സ്ക്രീനുമാണ് ഈ ഡിവൈസിലുള്ളത്. മീഡിയടെക് ഡൈമെൻസിറ്റി 700 ചിപ്പ്സെറ്റിന്റെ കരുത്തിലാണ് ഈ ഡിവൈസ് പ്രവർത്തിക്കുന്നത്. 15W ചാർജിങ് സപ്പോർട്ടുള്ള ഫോണിൽ 50 എംപി പ്രൈമറി ക്യാമറ അടങ്ങുന്ന പിൻ ക്യാമറ സെറ്റപ്പാണ് ഉള്ളത്. ഈ ഡിവൈസിന്റെ വില 13,999 രൂപയാണ്.
വില കുറഞ്ഞ 5ജി സ്മാർട്ട്ഫോൺ വാങ്ങാൻ പദ്ധതിയിടുന്നവർക്ക് മികച്ച ഓപ്ഷനാണ് റെഡ്മി നോട്ട് 11ടി 5ജി. ഉയർന്ന റെസല്യൂഷനും റിഫ്രഷ് റേറ്റും സപ്പോർട്ട് ചെയ്യുന്ന വലിയ 6.6 ഇഞ്ച് ഡിസ്പ്ലെയാണ് ഫോണിലുള്ളത്. ഈ സ്ക്രീൻ FHD+ റെസല്യൂഷനും 90Hz റിഫ്രഷ് റേറ്റുമുണ്ട്. പെർഫോമൻസിന്റെ കാര്യത്തിലും ഈ ഡിവൈസ് മികവ് പുലർത്തുന്നു. മീഡിയടെക് ഡൈമെൻസിറ്റി 810 ചിപ്സെറ്റാണ് ഫോണിന് കരുത്ത് നൽകുന്നത്. 5,000 എംഎഎച്ച് ബാറ്ററിയാണ് ഈ ഡിവൈസിലുള്ളത്. 33W ചാർജിങ് സപ്പോർട്ടും ഫോണിൽ റെഡ്മി നൽകിയിട്ടുണ്ട്. 50 എംപി എഐ ട്രിപ്പിൾ റിയർ ക്യാമറ സെറ്റപ്പും ഫോണലുണ്ട്. 15000 രൂപയിൽ കൂടുതലാണ് ഫോണിന്റെ വില എങ്കിലും ഇ-കൊമഴ്സ് പ്ലാറ്റ്ഫോമിലെ ഓഫറുകളോടെ 15000 രൂപയ്ക്ക് ഫോൺ സ്വന്തമാക്കാം.
പോക്കോ എം4 5ജി
11,000 രൂപയ്ക്ക് 5ജി സ്മാർട്ട്ഫോൺ വേണമെന്നുള്ളവർക്ക് വാങ്ങാവുന്ന ഏറ്റവും മികച്ച ഡിവൈസാണ് പോക്കോ എം4 5ജി. ബജറ്റ് ഫോണിന് അടിസ്ഥാനപരമായ ജോലികൾ ചെയ്യാൻ സാധിക്കും. ലാഗ് ഇല്ലാതെ പ്രവർത്തിക്കുന്ന ഫോണിന് കരുത്ത് നൽകുന്നത് മീഡിയടെക് ഡൈമൻസിറ്റി 700 എസ്ഒസിയാണ്. 5,000mAh ബാറ്ററിയും ഈ ഡിവൈസിലുണ്ട്. 18W ഫാസ്റ്റ് ചാർജിങ് സപ്പോർട്ടുമായിട്ടാണ് പോക്കോ എം4 5ജി വരുന്നത്. ബജറ്റ് വിഭാഗത്തിൽ ലഭിക്കുന്ന മികച്ച ക്യാമറ തന്നെയാണ് ഈ ഡിവൈസിലുള്ളത്. 6.58 ഇഞ്ച് ഫുൾ എച്ച്ഡി+ ഡിസ്പ്ലെയും ഈ ഫോണിലുണ്ട്. ഫ്ലിപ്പ്കാർട്ടിലൂടെ ഈ ഡിവൈസ് നിങ്ങൾക്ക് 10,999 രൂപയ്ക്ക് സ്വന്തമാക്കാം.
iQOO Z6 ലൈറ്റ് 5ജി
iQOO Z6 ലൈറ്റ് 5ജി സ്മാർട്ട്ഫോൺ 15,000 രൂപയിൽ താഴെയുള്ള മാന്യമായ പെർഫോമൻസ് നൽകുന്ന 5ജി ഫോണാണ്. ക്വാൽകോം സ്നാപ്ഡ്രാഗൺ 4 ജെൻ 1 പ്രോസസറിന്റെ കരുത്തിൽ പ്രവർത്തിക്കുന്ന ഈ ഡിവൈസ് ലാഗ്-ഫ്രീ പെർഫോമൻസ് നൽകുന്നു. മുകളിൽ സൂചിപ്പിച്ച മൂന്ന് ഫോണുകളിലും ലഭിക്കാത്ത 120Hz ഡിസ്പ്ലേയാണ് iQOO Z6 ലൈറ്റ് 5ജി സ്മാർട്ട്ഫോണിലുള്ളത്. 5,000mAh ബാറ്ററിയും 18W ഫാസ്റ്റ് ചാർജിങ് സാങ്കേതികവിദ്യയും ഡിവൈസിലുണ്ട്. രണ്ട് വർഷത്തെ പ്രധാന ആൻഡ്രോയിഡ് അപ്ഡേറ്റുകളും മൂന്ന് വർഷത്തെ സുരക്ഷാ പാച്ചുകളും ഈ ഡിവൈസിന് iQOO നൽകുന്നു. മാന്യമായ ക്യാമറ സെറ്റപ്പും ഫോണിലുണ്ട്. ഈ ഫോണിന്റെ വില 13,999 രൂപയാണ്.
15,000 രൂപയിൽ താഴെ വിലയുള്ള 5ജി സ്മാർട്ട്ഫോണുകളുടെ പട്ടികയിലുള്ള റിയൽമി 9i 6.6 ഇഞ്ച് FHD+ 90Hz സ്ക്രീൻ ഫീച്ചർ ചെയ്യുന്നു. ഈ ഫോണിന് കരുത്ത് നൽകുന്നത് സ്നാപ്ഡ്രാഗൺ 680 പ്രോസസറാണ്. 32W ഡാർട്ട് ചാർജിങ് സപ്പോർട്ടുള്ള 5,000mAh ബാറ്ററിയും ഈ ഫോണിലുണ്ട്. പെർഫോമൻസിൽ യാതൊരു കുഴപ്പവും തോന്നാത്ത സ്മാർട്ട്ഫോണിൽ 50 എംപി പ്രൈമറി ക്യാമറയടങ്ങുന്ന ട്രിപ്പിൾ റിയർ ക്യാമറ സെറ്റപ്പുണ്ട്. 16 എംപി സെൽഫി ക്യാമറയും ഈ ഡിവൈസിൽ റിയൽമി നൽകിയിട്ടുണ്ട്. 13,499 രൂപയാണ് ഈ ഡിവൈസിന്റെ 4 ജിബി റാം വേരിയന്റിന്റെ റിയൽമി വെബ്സൈറ്റിലെ വില.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.