കൂടുതൽ ഡാറ്റ ഉപയോഗിക്കുന്നവർക്ക് വേണ്ടിയാണ് ബിഎസ്എൻഎൽ യാതൊരു നിയന്ത്രണങ്ങളും ഇല്ലാതെ ഡാറ്റ ആനുകൂല്യം നൽകുന്ന പ്ലാൻ അവതരിപ്പിച്ചത്. ആകർഷകമായ ഈ പ്ലാനിലൂടെ ലഭിക്കുന്ന ആനുകൂല്യങ്ങളിലോ വിലയിലോ ഇതുവരെയും കമ്പനി മാറ്റങ്ങൾ വരുത്തിയിട്ടില്ല എന്നതാണ് ഏറ്റവും ശ്രദ്ധേയമായ കാര്യം.
ട്രൂലി അൺലിമിറ്റഡ് എസ്ടിവി 398
ഇന്ത്യയിലെ ടെലിക്കോം വിപണിയിൽ വോഡാഫോൺ ഐഡിയയുടെ പോസ്റ്റ്പെയ്ഡ് പ്ലാൻ അല്ലാതെ അൺലിമിറ്റഡ് ഡാറ്റ നൽകുന്ന ഒരേയൊരു പ്ലാൻ ബിഎസ്എൻഎൽ നൽകുന്ന 398 രൂപയുടെ പ്രീപെയ്ഡ് പ്ലാനാണ്. അതുകൊണ്ട് തന്നെ മത്സരിക്കാൻ പോന്ന എതിരാളികൾ പോലുമില്ലാത്ത മികച്ച പ്ലാനാണ് ഇത്. ട്രൂലി അൺലിമിറ്റഡ് എസ്ടിവി 398 എന്നാണ് ഈ പ്ലാനിന്റെ പേര്.
Read More: പൂട്ടാനാണോ ഉദ്ദേശം?, മറ്റൊരു വില കുറഞ്ഞ പ്ലാൻ കൂടി ഒഴിവാക്കി ബിഎസ്എൻഎൽ
ബിഎസ്എൻഎൽ 398 രൂപ പ്ലാൻ
ബിഎസ്എൻഎൽ നൽകുന്ന 398 രൂപയുടെ അൺലിമിറ്റഡ് ഡാറ്റ പ്രീപെയ്ഡ് പ്ലാനിലൂടെ വരിക്കാർക്ക് മൊത്തം 30 ദിവസത്തെ സർവ്വീസ് വാലിഡിറ്റിയാണ് ലഭിക്കുന്നത്. ഈ പ്ലാനിൽ ഫെയർ യൂസേജ് പോളിസി (FUP) അഥവാ ഒരു ദിവസം ഉപയോഗിക്കാവുന്ന ഡാറ്റയുടെ അളവ് എന്നൊന്ന് ഇല്ല. വാലിഡിറ്റി അവാസാനിക്കുന്നത് വരെ എത്ര ജിബി ഡാറ്റ വേണമെങ്കിലും വരിക്കാർക്ക് ഉപയോഗിക്കാം.
അൺലിമിറ്റഡ് വോയിസ് കോളിങ്
398 രൂപ വിലയുള്ള പ്ലാനിലൂടെ ഉപയോക്താക്കൾക്ക് ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് വോയിസ് കോളിങ് ആനുകൂല്യങ്ങളും ലഭിക്കും. ഈ പ്ലാൻ ദിവസവും 100 എസ്എംഎസുകളാണ് നൽകുന്നത്. ഈ പ്ലാനിനൊപ്പം മറ്റ് അധിക ആനുകൂല്യങ്ങളൊന്നും ലഭിക്കുകയില്ല. ഡാറ്റ കൂടുതലായി ഉപയോഗിക്കുന്ന ആളുകളെ ലക്ഷ്യമിട്ടാണ് ബിഎസ്എൻഎൽ ഈ പ്ലാൻ അവതരിപ്പിച്ചിരിക്കുന്നത്.
Read More: ഡാറ്റ തീരുമെന്ന പേടിയില്ലാതെ ഉപയോഗിക്കാൻ എയർടെല്ലിന്റെ പുതിയ രണ്ട് പ്ലാനുകൾ
അധിക ആനുകൂല്യങ്ങളില്ല
ബിഎസ്എൻഎൽ 398 രൂപ പ്ലാൻ ഉപയോക്താക്കൾക്ക് ഒടിടി പ്ലാറ്റ്ഫോമുകളിലേക്കുള്ള ആക്സസുകളും നൽകിയിരുന്നുവെങ്കിൽ ഈ പ്ലാൻ ചരിത്രത്തിലെ തന്നെ ഏറ്റവും മികച്ച ഒന്നായി മാറിയേനേ. ഇത് ആനുകൂല്യങ്ങളിൽ മാത്രം ശ്രദ്ധിക്കുന്ന ഉപയോക്താക്കൾക്ക് ഈ പ്ലാൻ കൂടുതലായി തിരഞ്ഞെടുക്കാനും കാരണമായേനേ.
ബിഎസ്എൻഎൽ 4ജി
മികച്ച പ്ലാനുകൾ നൽകുമ്പോഴും ബിഎസ്എൻഎല്ലിന് ഇതുവരെ 4ജി നെറ്റ്വർക്ക് രാജ്യത്ത് എല്ലായിടത്തും എത്തിക്കാൻ സാധിച്ചിട്ടില്ല എന്നതൊരു പോരായ്മയായി തുടരുകയാണ്. രാജ്യത്തിന്റെ വിവിധ ഭാഗങ്ങളിൽ ചില 4ജി സൈറ്റുകളുണ്ട്, കേരളത്തിലെ വരിക്കാർക്ക് നിലവിൽ ബിഎസ്എൻഎൽ 4ജി ലഭിക്കുന്നുമുണ്ട്. അതുകൊണ്ട് തന്നെ മുകളിൽ വിശദീകരിച്ച 398 രൂപ പ്ലാൻ മികച്ച ചോയിസുമായിരിക്കും.
Read More: ദിവസവും 2.5 ജിബി ഡാറ്റ നൽകുന്ന രണ്ട് പുതിയ പ്രീപെയ്ഡ് പ്ലാനുകളുമായി ജിയോ
4ജി വൈകാതെ ലഭ്യമാകും
2023 ന്റെ രണ്ടാം പകുതിയിൽ ബിഎസ്എൻഎൽ ഇന്ത്യൻ നിർമ്മിത സാങ്കേതികവിദ്യയും സംവിധാനങ്ങളും ഉപയോഗിച്ച് 4ജി പുറത്തിറക്കുമെന്നാണ് റിപ്പോർട്ടുകൾ നൽകുന്ന സൂചനകൾ. രാജ്യത്ത് എല്ലായിടത്തും 4ജി എത്തിയാൽ ബിഎസ്എൻഎൽ നൽകുന്ന 398 രൂപയുടെ പ്ലാൻ അതിശയിപ്പിക്കുന്ന ഓഫറായി തന്നെ കണക്കാക്കും. ഡാറ്റ തീരുന്നതിനെ കുറിച്ച് ആശങ്കയില്ലാതെ ഉപയോഗിക്കാം എന്നത് തന്നെ ആളുകളെ ഈ പ്ലാനിലേക്ക് ആകർഷിക്കും.