ബിഎസ്എൻഎൽ പ്രീപെയ്ഡ് പ്ലാനുകൾ
സെക്കന്ററി സിം കാർഡായി ബിഎസ്എൻഎൽ ഉപയോഗിക്കുന്ന നിരവധി മലയാളികളുണ്ട്. ഈ സിം കാർഡുകൾ ബാങ്ക് അടക്കമുള്ള സ്ഥലങ്ങളിൽ രജിസ്റ്റർ ചെയ്ത നമ്പരായിരിക്കും. അതുകൊണ്ട് തന്നെ ഈ നമ്പരുകൾ ആക്ടിവായി നിലനിർത്തേണ്ടത് ആവശ്യമാണ്. ഇത്തരം അവസരങ്ങളിൽ സെക്കന്ററി സിം കാർഡ് റീചാർജിനായി അധികം പണം മുടക്കുന്നതും മണ്ടത്തരമായിരിക്കും. വാലിഡിറ്റിക്ക് പ്രധാന്യമുള്ള ആനുകൂല്യങ്ങളും വിലയും കുറഞ്ഞ പ്ലാനുകൾ തിരഞ്ഞെടുക്കുന്നതാണ് നല്ലത്. അത്തരം നിരവധി പ്ലാനുകൾ ബിഎസ്എൻഎൽ നൽകുന്നു.
Read More: 250 രൂപയിൽ താഴെ മാത്രം വിലയുള്ള ബിഎസ്എൻഎൽ പ്രീപെയ്ഡ് പ്ലാനുകൾ
107 രൂപ വിലയുള്ള പ്ലാൻ
ബിഎസ്എൻഎൽ നൽകുന്ന 107 രൂപയുടെ പ്രീപെയ്ഡ് പായ്ക്ക് ഏറ്റവും കുറഞ്ഞ വിലയിൽ മികച്ച വാലിഡിറ്റിയും ആനുകൂല്യങ്ങളും നൽകുന്ന പ്ലാനാണ്. ഈ വില വിഭാഗത്തിൽ ഇത്രയും മികച്ചൊരു പ്ലാൻ മറ്റൊരു ടെലിക്കോം കമ്പനിയും നൽകുന്നില്ല. തടസ്സമില്ലാത്ത കണക്റ്റിവിറ്റി ഉറപ്പാക്കുകയാണ് നിങ്ങളുടെ ആവശ്യമെങ്കിൽ 107 രൂപ പ്ലാൻ മികച്ച ചോയിസാണ്. 35 ദിവസത്തെ വാലിഡിറ്റിയാണ് ഈ പ്ലാനിലൂടെ ലഭിക്കുന്നത്. അതായത് റീചാർജ് ചെയ്താൽ ഒരു മാസത്തിൽ അധികം നിങ്ങളുടെ സിം കാർഡ് ആക്ടിവ് ആയി നിലനിൽക്കും.
ആനുകൂല്യങ്ങൾ
107 രൂപ വിലയുള്ള ബിഎസ്എൻഎൽ പ്രീപെയ്ഡ് പ്ലാനിലൂടെ വരിക്കാർക്ക് ഇന്ത്യയിലെ എല്ലാ നെറ്റ്വർക്കിലേക്കും സൌജന്യമായി കോളിങ് ആനുകൂല്യങ്ങൾ നൽകുന്നുണ്ട്. 200 മിനിറ്റ് ലോക്കൽ, എസ്ടിഡി, റോമിങ് കോളുകളാണ് പ്ലാനിലൂടെ ലഭിക്കുന്നത്. വോയിസ് കോളിങ് ആനുകൂല്യങ്ങൾക്കൊപ്പം ഉപയോക്താക്കൾക്ക് 3 ജിബി ഡാറ്റയും ലഭിക്കും. ഈ ഡാറ്റ മൊത്തം വാലിഡിറ്റി കാലയളവിലേക്ക് ഉള്ളതാണ്. അത്യാവശ്യങ്ങൾക്ക് മാത്രം സെക്കന്ററി സിം ഡാറ്റ ഉപയോഗിക്കുന്നവർക്ക് ഇത് മതിയാകും.
Read More: ടെക്നോ കാമൺ 20 സീരീസ് സ്മാർട്ട്ഫോണുകൾ ഇന്ത്യൻ വിപണിയിലെത്തി; വില 14,999 രൂപ മുതൽ
വാലിഡിറ്റി
ബിഎസ്എൻഎൽ 107 രൂപ പായ്ക്ക് മുകളിൽ സൂചിപ്പിച്ചത് പോലെ ഉപഭോക്താക്കൾക്ക് 35 ദിവസത്തെ വാലിഡിറ്റിയാണ് നൽകുന്നത്. ബിഎസ്എൻഎൽ സിം കാർഡ് ആക്ടീവ് ആയി നിലനിർത്താൻ റീചാർജ് ചെയ്യുന്ന ആളുകൾക്ക് 107 രൂപ പ്ലാൻ മികച്ച ചോയിസ് തന്നെയാണ്. ഇത് കൂടാതെ 99 രൂപയുടെ പ്രീപെയ്ഡ് റീചാർജ് ഓപ്ഷനും ബിഎസ്എൻഎൽ നൽകുന്നുണ്ട്. ഇതിലൂടെയും വാലിഡിറ്റി, കുറച്ച് കോളിങ്, ഡാറ്റ ആനുകൂല്യങ്ങൾ എന്നിവയാണ് ലഭിക്കുന്നത്. കുറഞ്ഞ വിലയിൽ വാലിഡിറ്റി വേണ്ടവർക്ക് 99 രൂപ പ്ലാനും തിരഞ്ഞെടുക്കാം.
99 രൂപ പ്ലാൻ
ബിഎസ്എൻഎൽ നൽകുന്ന 99 രൂപ വിലയുള്ള പ്രീപെയ്ഡ് പ്ലാനിലൂടെ വരിക്കാർക്ക് 18 ദിവസത്തെ വാലിഡിറ്റിയാണ് ലഭിക്കുന്നത്. ഈ പ്ലാനിലൂടെ ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളിങ് ആനുകൂല്യം ലഭിക്കുന്നു. പ്ലാൻ ഡാറ്റ ആനുകൂല്യങ്ങളൊന്നും നൽകുന്നില്ല. സെക്കന്ററി സിം കാർഡുകൾ കോളുകൾക്കായി ഉപയോഗിക്കുന്നവർക്ക് 99 രൂപ വിലയുള്ള പ്ലാൻ മികച്ച ചോയിസാണ്. ഈ പ്ലാനിലൂടെയും അധിക ആനുകൂല്യങ്ങളൊന്നും ലഭിക്കുകയില്ല.
Read More: നത്തിങ് ഫോൺ (2) വരുന്നു; ഇത്തവണയും ഡിസൈനിൽ പരീക്ഷണം ഉണ്ടാകുമോ?