ഇന്ത്യയിലെ ജനപ്രിയ ഇ-കൊമേഴ്സ് പ്ലാറ്റ്ഫോമായ ഫ്ലിപ്പ്കാർട്ടിൽ ബിഗ് ദസറ സെയിൽ ആരംഭിച്ചു. ഇന്ന് ഫ്ലിപ്പ്കാർട്ട് പ്ലസ് മെമ്പർമാർക്കാണ് സെയിലിലേക്ക് ആക്സസ് ലഭിക്കുന്നത്. നാളെ മുതൽ എല്ലാവർക്കും സെയിലിലൂടെ ഓഫറുകളിൽ ഉത്പന്നങ്ങൾ വാങ്ങാം. ഒക്ടോബർ 8 വരെയാണ് ഈ സെയിലിന്റെ ആനുകൂല്യങ്ങൾ ലഭിക്കുന്നത്. ഈ സെയിലിലൂടെ സ്മാർട്ട്ഫോണുകൾ, ഗൃഹോപകരണങ്ങൾ തുടങ്ങിയവയ്ക്കെല്ലാം ആകർഷകമായ ഓഫറുകളും ഡിസ്കൌണ്ടുകളും നൽകുന്നുണ്ട്. ബിഗ് ദസറ സെയിൽ സമയത്ത് എച്ച്ഡിഎഫ്സി ബാങ്കുമായി സഹകരിച്ച് 10 ശതമാനം ഇൻസ്റ്റന്റ് ഡിസ്കൌണ്ട് ഉൾപ്പെടെയുള്ള കിഴിവുകളും ഫ്ലിപ്പ്കാർട്ട് നൽകുന്നുണ്ട്. എച്ച്ഡിഎഫ്സി ക്രെഡിറ്റ്, ഡെബിറ്റ് കാർഡുകളിൽ ബാങ്ക് ഓഫർ ലഭ്യമാണ്. ദിവസങ്ങൾക്ക് മുമ്പ് നടന്ന സെയിലിൽ ലഭിച്ചത് പോലെ ഐഫോൺ 13 അടക്കമുള്ളവയ്ക്ക് ആകർഷകമായ ഡീലുകളും ഡിസ്കൌണ്ടുകളുമാണ് ഫ്ലിപ്പ്കാർട്ട് ബിഗ് ദസറ സെയിലിലൂടെയും ലഭിക്കുന്നത്. ഐഫോൺ 13, ഐഫോൺ 12 മിനി, ഐഫോൺ 11, ഐഫോൺ 13 പ്രോ, ഐഫോൺ 13 പ്രോ മാക്സ്, ഐഫോൺ 13 മിനി എന്നിവയ്ക്കെല്ലാം ഓഫറുകൾ ലഭിക്കും.
ഐഫോൺ വാങ്ങാൻ ആഗ്രഹിക്കുന്ന, ആൻഡ്രോയിഡ് ഉപയോക്താക്കൾക്ക് ഫ്ലിപ്പ്കാർട്ട് നൽകുന്നത് മികച്ച അവസരമാണ്. ഈ സെയിൽ സമയത്ത് നിങ്ങളുടെ ബജറ്റിന് അനുസരിച്ച ഐഫോൺ മോഡലുകൾ സ്വന്തമാക്കാവുന്നതാണ്. ഐഫോൺ 13 അടക്കമുള്ള മോഡലുകൾ കഴിഞ്ഞ ഫ്ലിപ്പ്കാർട്ട് ഉത്സവ സീസൺ സെയിലിലൂടെ വമ്പിച്ച വിലക്കിഴിവിൽ വിറ്റഴിച്ച ഡിവൈസുകളാണ്. ഈ അവസരം നഷ്ടപ്പെടുത്തരുത്.
- ഐഫോൺ 13 ഫ്ലിപ്പ്കാർട്ട് സെയിൽ സമയത്ത് 60,000 രൂപയിൽ താഴെ വിലയിൽ ലഭ്യമാണ്. ഏകദേശം 57,000 രൂപയ്ക്ക് നിങ്ങൾക്ക് ഐഫോൺ 13 സ്വന്തമാക്കാം. എച്ച്ഡിഎഫ്സി ബാങ്ക് ഓഫർ ഉൾപ്പെടെയുള്ള ഡിസ്കൗണ്ടിന് ശേഷമുള്ള വിലയാണ് ഇത്.
- ഐഫോൺ 12 മിനി ഫ്ലിപ്പ്കാർട്ട് സെയിലിലൂടെ 35,990 രൂപയ്ക്ക് ലഭിക്കും. എച്ച്ഡിഎഫ്സി ബാങ്ക് കാർഡുകളിൽ ലഭ്യമായ 10 ശതമാനം ഇൻസ്റ്റന്റ് ഡിസ്കൌണ്ട് ഉൾപ്പെടുന്ന വിലക്കിഴിവാണ് ഇത്. കുറഞ്ഞ വിലയിൽ ഐഫോൺ വേണമെന്ന് ആഗ്രഹിക്കുന്ന ആളുകൾക്ക് സ്വന്തമാക്കാവുന്ന മികച്ച ഡിവൈസാണ് ഇത്.
- ഇപ്പോൾ ഐഫോൺ 11 ആകർഷകമായ ഡിസ്കൗണ്ട് വിലയിൽ ലഭ്യമാണ്. എച്ച്ഡിഎഫ്സി ബാങ്ക് കാർഡ് ഓഫറിന് ശേഷം ഈ ഡിവൈസ് നിങ്ങൾക്ക് 34,490 രൂപയ്ക്ക് ലഭ്യമാകും. ഫോണിന്റെ എല്ലാ മോഡലുകൾക്കും കിഴിവ് ലഭ്യമാണ്.
- ഐഫോൺ 13 പ്രോ മാക്സ്, ഐഫോൺ 13 പ്രോ എന്നീ മോഡലുകൾ യഥാക്രമം 1,17,150 രൂപയ്ക്കും 1,27,150 രൂപയ്ക്കും ഫ്ലിപ്പ്കാർട്ട് ബിഗ് ദസറ സെയിലിലൂടെ ലഭ്യമാകും. നിങ്ങൾ എച്ച്ഡിഎഫ്സി ബാങ്ക് ഓഫർ ഉപയോഗിച്ചാൽ മാത്രമേ ഈ ഡിവൈസുകൾ വിലക്കിഴിവിൽ ലഭിക്കുകയുള്ളു എന്ന കാര്യം ശ്രദ്ധിക്കുക.
- ഐഫോൺ 13 മിനി മോഡലും ഇപ്പോൾ ഫ്ലിപ്പ്കാർട്ടിലൂടെ നിങ്ങൾക്ക് വിലക്കിഴിവിൽ സ്വന്തമാക്കാം. ഫോണിന്റെ 128 ജിബി മോഡലിന് 52,240 രൂപയാണ് ഇപ്പോൾ വില. ഫോണിന്റെ എല്ലാ മോഡലുകൾക്കും കിഴിവ് ലഭ്യമാണ്. ബാങ്ക് ഓഫറുകളും ഈ ഡിവൈസ് വാങ്ങുന്നവർക്ക് ലഭിക്കും.
- ഐഫോൺ 12 പ്രോ മോഡലിനും ഫ്ലിപ്പ്കാർട്ട് വമ്പിച്ച വിലക്കിഴിവ് നൽകുന്നുണ്ട്. ഈ മോഡൽ ഇപ്പോൾ ബാങ്ക് ഓഫർ അടക്കം 97,240 രൂപയ്ക്ക് ലഭിക്കും.
ഐഫോൺ വാങ്ങാൻ ആഗ്രഹിക്കുന്ന, ആൻഡ്രോയിഡ് ഉപയോക്താക്കൾക്ക് ഫ്ലിപ്പ്കാർട്ട് നൽകുന്നത് മികച്ച അവസരമാണ്. ഈ സെയിൽ സമയത്ത് നിങ്ങളുടെ ബജറ്റിന് അനുസരിച്ച ഐഫോൺ മോഡലുകൾ സ്വന്തമാക്കാവുന്നതാണ്. ഐഫോൺ 13 അടക്കമുള്ള മോഡലുകൾ കഴിഞ്ഞ ഫ്ലിപ്പ്കാർട്ട് ഉത്സവ സീസൺ സെയിലിലൂടെ വമ്പിച്ച വിലക്കിഴിവിൽ വിറ്റഴിച്ച ഡിവൈസുകളാണ്. ഈ അവസരം നഷ്ടപ്പെടുത്തരുത്.