8 ബേസിൽ ലെസ് സ്മാർട്ട്ഫോണുകളുമായി ജിയോണി

പുതിയ 8 ബേസിൽ ലെസ് സ്മാർട്ട്ഫോണുകളുമായി ജിയോണി വിപണിപിടിക്കുന്നു. നവംബർ 26 ന് ചൈനയിൽ വച്ച് നടക്കുന്ന ചടങ്ങിലായിരിക്കും പുതിയ സ്മാർട്ട്ഫോണുകളുടെ അവതരണം. എട്ട് സ്മാർട്ട്ഫോണുകൾ തമ്മിൽ ഡിസൈനിൽ വൈരുദ്ധ്യമുണ്ടെങ്കിലും ഫുൾ സ്ക്രീൻ ബേസിൽ ലെസ് ഡിസ്പ്ലെ പൊതുവായി നൽകിയിട്ടുള്ള സവിശേഷതയാണ്.

ഏതൊക്കെയാണ് പുതിയ 8 സ്മാർട്ട്ഫോണുകളെന്ന് കമ്പനി വ്യക്തമാക്കിയിട്ടില്ലെങ്കിലും ജിയോണി എഫ്6, ജിയോണി എസ്11, ജിയോണി എസ്11പ്ലസ്, ജിയോണി എം2018, ജിയോണിഎം7പ്ലസ് എന്നീ ഫോണുകളായിരിക്കാൻ സാധ്യതയുണ്ട്. എല്ലാ ഫോണുകളിലും 18:9 റേഷ്യോ ഡിസ്‌പ്ലെ ആയിരിക്കും ഉണ്ടാവുക.

ആൻഡ്രോയിഡ് നുഗട്ട് അടിസ്ഥാനപ്പെടുത്തിയായിരിക്കും ഇവ പ്രവർത്തിക്കുക. ലെതർ ബാക്ക് പാനൽ, 6 ജിബി റാം. 64ജിബി സ്റ്റോറേജ്, ഒക്ടാകോര്‍ മീഡിയാടെക് MT6763 SoC,5എംപി സെല്‍ഫി ക്യാമറ, 16എംപി പിന്‍ ക്യാമറ എന്നിവയായിരിക്കും മറ്റ് സവിശേഷതകൾ. അവതരിക്കാനിരിക്കുന്ന ഈ 8 സ്മാർട്ട്ഫോണുകളെ കുറിച്ചുള്ള കൂടുതൽ വിവരങ്ങളൊന്നും ലഭ്യമല്ല. ചൈനയിലെ അവതരണത്തിന് ശേഷം ഇന്ത്യയിൽ കൂടി അവതരിക്കുമെന്നാണ് കമ്പനി നൽകിയിരിക്കുന്ന സൂചന.

Gionee 8 Bezel-less Smartphones Launch November 26

Gionee is set to disrupt the market by launching not just one or two but eight bezel-less smartphones at an event on November 26.