കൊറോണ വൈറസ് വ്യാപനത്തിന്റെ പശ്ചാത്തലത്തിൽ ഉപയോക്താക്കളുടെ എണ്ണത്തിൽ വൻവർധനവ് നേടി ഗൂഗിളിന്റെ വീഡിയോ കോണ്ഫറന്സിങ് പ്ലാറ്റ്ഫോമായ ഗൂഗിൾ മീറ്റ്. മീറ്റിന് കഴിഞ്ഞ രണ്ടാഴ്ചക്കുള്ളില് ലഭിച്ചത് പ്രതിദിനം 20 ലക്ഷം പുതിയ ഉപയോക്താക്കളെയാണ്.
ജനുവരിയിലെ കണക്ക് അനുസരിച്ച് ഉപയോക്താക്കളുടെ എണ്ണത്തില് 25 ശതമാനം വർധനവ് ഗൂഗിൾ മീറ്റിലുണ്ടായി. ദിവസം തോറും 60 ശതമാനം വര്ധനവുണ്ടെന്നും ഗൂഗിൾ ക്ലൗഡ് ഹെഡ് ഓഫ് സെക്യൂരിറ്റി (നെറ്റ്വർക്കിംഗ്, സഹകരണ വിദഗ്ധർ) ഏഷ്യ പസഫിക് മാർക്ക് ജോൺസ്റ്റൺ മാധ്യമപ്രവർത്തകരോട് പറഞ്ഞു. കഴിഞ്ഞ ഏതാനും ആഴ്ചകളായി എല്ലാ ദിവസവും ഞങ്ങൾ രണ്ട് ദശലക്ഷത്തിലധികം പുതിയ ഉപയോക്താക്കളെ പ്ലാറ്റ്ഫോമിലേക്ക് ആകർഷിക്കുന്നു എന്നും അദ്ദേഹം പറയുന്നു.
iPhone SE (2020): ആപ്പിൾ മോഹം കയ്യിലൊതുക്കാം, ബജറ്റ് ഫോൺ എത്തി
അപ്രതീക്ഷിതമായ വർധനവാണ് ഇതെങ്കിലും ഇനിയും കൂടുതല് ആളുകളെ ഉള്ക്കൊള്ളാനാവും. യൂസർമാരുടെ എണ്ണം മാനേജ് ചെയ്യാനായി ഇൻഫ്രാസ്ട്രക്ചർ സജ്ജമാക്കിയിട്ടുണ്ടെന്നും ഉപഭോക്താക്കളുടെ എല്ലാ സുരക്ഷയും സ്വകാര്യത ആവശ്യകതകളും പാലിക്കാൻ പ്രതിജ്ഞാബദ്ധമാണെന്നും കമ്പനി വ്യക്തമാക്കി.
മുപ്പതു പേർക്ക് വരെ ഒരുമിച്ച് ഒന്നിച്ചു കൂടാവുന്ന എച്ച്ഡി വിഡിയോ മെസേജിങ് സര്വീസ് ആണ് ഗൂഗിൾ മീറ്റ്. ഗൂഗിളിന്റെ ഹാങ്ങ്ഔട്ട് അപ്ഡേറ്റ് ചെയ്ത് പേര് മാറ്റിയതാണ് ഗൂഗിൾ മീറ്റ്. ഗൂഗിൾ വൺ അക്കൗണ്ടുള്ള ഒരാൾക്ക് വീഡിയോ കോൾ ആരംഭിക്കാം. എന്നാൽ മറ്റേ ഉപയോക്താവിന് അക്കൗണ്ട് വേണമെന്നില്ല. ഇൻവൈറ്റ് ലിങ്ക് ഉപയോഗിച്ച് കോളിൽ ചേരാം. അഡ്മിൻ അയയ്ക്കുന്ന ലിങ്ക് ഉപയോഗിച്ച് ടീമിലെ മുഴുവൻ ആളുകൾക്കും കോളിൽ പങ്ക്ചേരാം.
അഞ്ച് ലക്ഷം സൂം യൂസർമാരുടെ ഡാറ്റ വില്പനയ്ക്ക്, വില വെറും 15 പൈസ
കോവിഡ്-19 വ്യാപനത്തെത്തുടർന്ന് ആളുകൾ കൂടുതലായി വീട്ടിലിരുന്നു ജോലി ചെയ്യാൻ ആരംഭിച്ചതോടെ വീഡിയോ കോളിംഗ് ആപ്ലിക്കേഷനുകളായ ഗൂഗിള് മീറ്റ്, മൈക്രോസോഫ്റ്റ് ടീംസ്, സൂം പോലുള്ളവയിൽ വൻ തിരക്കാണ് അനുഭവപ്പെടുന്നത്. ഇതിനിടെ സൂം ആപ്പിൽ സുരക്ഷാ വീഴ്ചകള് കണ്ടെത്തിയത് ആപ്പിന് വൻ തിരിച്ചടിയായി. ഡാറ്റ ചോർച്ചയും സ്വകാര്യതയുമായി ബന്ധപ്പെട്ട് ആഗോളതലത്തിൽ ആപ്പ് വിവാദങ്ങള് നേരിടുന്നതിനിടെ സര്ക്കാര് ഓഫിസുകളും ഉദ്യോഗസ്ഥരും ഔദ്യോഗിക ആവശ്യത്തിനായി ഇത് ഉപയോഗിക്കരുത് എന്ന് ആഭ്യന്തരമന്ത്രാലയവും അറിയിപ്പ് നൽകിയിട്ടുണ്ട്.