ലൈറ്റ്‌സ്‌പീഡ് സിൽവർ, പ്രോബിങ് ബ്ലാക്ക്, റേസിംഗ് ബ്ലൂ എന്നിങ്ങനെ മൂന്നു നിറങ്ങളിലാണ് ഹാൻഡ്സെറ്റ് വാങ്ങാനാവുക.
ഹോണർ X10 വില
വിമോളിൽ മൂന്ന് കോൺഫിഗറേഷനുകളിൽ ഹോണർ X10 ലിസ്റ്റ് ചെയ്തിട്ടുണ്ട്. ഫോണിന്റെ 6 ജിബി റാം + 64 ജിബി സ്റ്റോറേജ് വേരിയന്റിന് CNY 1,899 (ഏകദേശം 20,200 ഇന്ത്യൻ രൂപ) ആണ് വില വരുന്നത്. 6 ജിബി റാം + 128 ജിബി സ്റ്റോറേജ് വേരിയന്റിന് CNY 2,199 (ഏകദേശം 23,400 ഇന്ത്യൻ രൂപ), 8 ജിബി റാം + 128 ജിബി സ്റ്റോറേജ് വേരിയന്റിന് CNY 2,399 (ഏകദേശം 25,500 ഇന്ത്യൻ രൂപ) എന്നിങ്ങനെയാണ് വില വരുന്നത്. ഇപ്പോൾ ഓർഡറുകൾ നൽകാം. മെയ് 26 മുതൽ ഹോണർ X10ന്റെ വില്പന ആരംഭിക്കും. ഇന്ത്യ അടക്കമുള്ള രാജ്യാന്തര വിപണികളിൽ ഹാൻഡ്സെറ്റ് എപ്പോഴാണ് എത്തുക എന്ന കാര്യം തീർച്ചയില്ല.
സ്പെസിഫിക്കേഷൻസ്
ഡ്യൂവൽ സിമ്മുള്ള (നാനോ) ഹോണർ X10 ആൻഡ്രോയ്ഡ് അടിസ്ഥാനമാക്കിയുള്ള മാജിക്UI3.1.1ലാണ് പ്രവർത്തിക്കുന്നത്. 6.63-ഇഞ്ചുള്ള ഫുൾ-HD+ (1,080x2,400 പിക്സൽ) ഡിസ്പ്ലേ ആണ് ഫോണിലുള്ളത്. 397ppi പിക്സൽ ഡെൻസിറ്റിയും 92 ശതമാനം ബോഡി ടു സ്ക്രീൻ അനുപാതവും ഉണ്ട്. 8 ജിബി LPDDR4X റാമുമായി പെയർ ചെയ്തിട്ടുള്ള ഒക്ട-കോർ കിറിന് 820 SoC ആണ് ഹാൻഡ്‌സെറ്റിന് ശക്തി പകരുന്നത്.
മൂന്ന് പേരുമായി റെഡ്മി K30 സീരിസിൽ പുതിയ ഫോൺ
ക്യാമറ & കണക്ടിവിറ്റി
മൂന്ന് പിൻക്യാമറകളും ഒരു സെൽഫി ക്യാമറയുമാണ് ഹോണർ X10 ഫോണിലുള്ളത്. f/1.8 ലെൻസുള്ള 40-മെഗാപിക്സൽ സെൻസർ, f/2.4 ലെൻസുള്ള 8-മെഗാപിക്സൽ സെക്കണ്ടറി സെൻസർ, f/2.4 ലെൻസുള്ള 2-മെഗാപിക്സൽ സെൻസർ എന്നിവ അടങ്ങുന്നതാണ് ഈ ക്യാമറ സംവിധാനം. f/2.2 ലെൻസുള്ള 16-മെഗാപിക്സൽ സെൻസർ ആണ് മുൻവശത്തുള്ളത്.
8,499 രൂപയിൽ കൂടുതൽ ബാറ്ററി പവറുമായി റിയൽമി നാർസോ 10A
128 ജിബി വരെ ഓൺബോർഡ് സ്റ്റോറേജ് ആണ് ഹോണർ ഈ പുത്തൻ സ്മാർട്ഫോണിൽ നൽകിയിരിക്കുന്നത്. ഒരു NM കാർഡിന്റെ സഹായത്തോടെ ഈ സ്റ്റോറേജ് 256 ജിബി വരെ വർധിപ്പിക്കാൻ സാധിക്കും. 5G സപ്പോർട്ട്, 4G LTE, ഡ്യൂവൽ ബാൻഡ് Wi-Fi 802.11 a/b/g/n/ac, ബ്ലൂടൂത്ത് v5.1, GPS/A-GPS, 3.5mm ഹെഡ്‍ഫോൺ ജാക്ക്, ഒരു USB ടൈപ്പ്-സി പോർട്ട് എന്നീ കണക്ടിവിറ്റി സൗകര്യങ്ങളാണ് ഹാൻഡ്‌സെറ്റിലുള്ളത്. 22.5W ഫാസ്റ്റ് ചാർജിങ് സപ്പോർട്ടുള്ള 4,300mAh ബാറ്ററി ആണ് ഫോണിലേത്. 163.7x76.5x8.8mm ആണ് ഫോണിന്റെ വലിപ്പം. ഭാരം 203 ഗ്രാം ആണ്.