പ്രമുഖ സ്മാർട്ട്ഫോൺ ബ്രാൻഡായ മോട്ടോറോള അടുത്തിടെയാണ് പുത്തൻ മിഡ്റേഞ്ച് സ്മാർട്ട്ഫോൺ മോട്ടോ G31 ഇന്ത്യയിൽ അവതരിപ്പിച്ചത്. മീഡിയടെക് ഹീലിയോ G85 SoC പ്രോസസ്സർ, 50 മെഗാപിക്സൽ പ്രൈമറി സെൻസറുള്ള കാമറ എന്നിവ ആകർഷണമായ മോട്ടോ G31 പ്രധാന സവിശേഷതകളിൽ മറ്റൊന്ന് 5,000mAh കപ്പാസിറ്റിയുള്ള ബാറ്ററിയാണ്. 36 മണിക്കൂർ വരെ ബാറ്ററി ലൈഫ് മോട്ടോ G31നുണ്ട് എന്നാണ് മോട്ടോറോള അവകാശപ്പെടുന്നത്. എന്നാൽ പിന്നെ മോട്ടോ G31 വാങ്ങിയാലോ എന്ന് ചിന്തിക്കുന്നവരോട് മുന്നറിയിപ്പുമായി എത്തിയിരിക്കുകയാണ് എതിരാളിയായ ഇൻഫിനിക്സ് ബ്രാൻഡ്. ഇൻഫിനിക്സ് ഇന്ത്യ കഴിഞ്ഞ ദിവസം പോസ്റ്റ് ചെയ്ത ട്വീറ്റ് ആരംഭിക്കുന്നത് തന്നെ 'Baad mein motorona' എന്നാണ്. ഹിന്ദിയിലുള്ള ഈ വാചകത്തിന്റെ അർഥം തന്നെ 'പിന്നീട് കരയല്ലേ' എന്നാണ്. റോനാ എന്ന ഹിന്ദി പദത്തിന്റെ അർഥം കരയുക എന്നാണ്. ഇവിടെ സമർത്ഥമായി മോട്ടോ കൂട്ടിച്ചേർത്തിരിക്കുന്നത് മോട്ടോ G31യെ ലക്ഷ്യം വച്ചാണ് എന്ന് വ്യക്തം. മാത്രമല്ല പോസ്റ്റിലെ ചിത്രത്തിൽ മോട്ടോ G31ന്റെ പ്രൊസസർ, ചാർജിങ് സ്പീഡ്, ഡിസ്പ്ലേ തുടങ്ങിയ വിവരങ്ങളും ഒപ്പം എന്തുകൊണ്ട് അതിനേക്കാൾ മികച്ചതാണ് പുതുതായി വിപണിയിലെത്തുന്ന ഇൻഫിനിക്സിന്റെ നോട്ട് 11 ശ്രേണി എന്നും വിവരിക്കുന്നുണ്ട്.
"ഹീലിയോ G88 (പ്രോസസ്സർ), 33W ഫാസ്റ്റ് ചാർജ്, 6.7 ഫുൾ എച്ഡി+ അമോലെഡ് ഡിസ്പ്ലേ എന്നിവയുള്ള സെഗ്മെന്റിലെ ഏറ്റവും മികച്ച സ്മാർട്ട്ഫോൺ, ഈ മാസം ഉടൻ ലോഞ്ച് ചെയ്യും" എന്നാണ് പോസ്റ്റിൽ പറയുന്നത്. ലോഞ്ച് ചെയ്യുമ്പോൾ മിഡ്റേഞ്ച് സ്മാർട്ട്ഫോൺ സെഗ്മെന്റിൽ മോട്ടോ G31ന്റെ എതിരാളികളിൽ പ്രധാനിയായിരിക്കും ഇൻഫിനിക്സ് നോട്ട് 11.
ആഗോള വിപണിയിൽ അരങ്ങേറ്റം കുറിച്ച ഇൻഫിനിക്സ് നോട്ട് 11ന് 5000 mAh ബാറ്ററി, 60/180 ഹേർട്സ് വേരിയബിൾ റിഫ്രഷ് റേറ്റ്, 50MP + 2MP + AI ക്വാഡ് എൽഇഡി പ്രൈമറി ക്യാമറ, മുൻവശത്ത് 16MP ഡ്യുവൽ എൽഇഡി ക്യാമറ എന്നിവയാണ് സവിശേഷതകൾ. ഡ്യുവൽ ഡിടിഎസ് സ്പീക്കറും ഇൻഫിനിക്സ് നോട്ട് 11ൽ ക്രമീകരിച്ചിട്ടുണ്ട്.
അതെ സമയം 4 ജിബി റാം + 64 ജിബി സ്റ്റോറേജ്, 6 ജിബി റാം + 128 ജിബി സ്റ്റോറേജ് എന്നിങ്ങനെ രണ്ട് പതിപ്പുകളിൽ അവതരിപ്പിച്ചിരിക്കുന്ന മോട്ടോ G31ന് യഥാക്രമം 12,999 രൂപയും, 14,999 രൂപയുമാണ് വില.
"ഹീലിയോ G88 (പ്രോസസ്സർ), 33W ഫാസ്റ്റ് ചാർജ്, 6.7 ഫുൾ എച്ഡി+ അമോലെഡ് ഡിസ്പ്ലേ എന്നിവയുള്ള സെഗ്മെന്റിലെ ഏറ്റവും മികച്ച സ്മാർട്ട്ഫോൺ, ഈ മാസം ഉടൻ ലോഞ്ച് ചെയ്യും" എന്നാണ് പോസ്റ്റിൽ പറയുന്നത്. ലോഞ്ച് ചെയ്യുമ്പോൾ മിഡ്റേഞ്ച് സ്മാർട്ട്ഫോൺ സെഗ്മെന്റിൽ മോട്ടോ G31ന്റെ എതിരാളികളിൽ പ്രധാനിയായിരിക്കും ഇൻഫിനിക്സ് നോട്ട് 11.
ആഗോള വിപണിയിൽ അരങ്ങേറ്റം കുറിച്ച ഇൻഫിനിക്സ് നോട്ട് 11ന് 5000 mAh ബാറ്ററി, 60/180 ഹേർട്സ് വേരിയബിൾ റിഫ്രഷ് റേറ്റ്, 50MP + 2MP + AI ക്വാഡ് എൽഇഡി പ്രൈമറി ക്യാമറ, മുൻവശത്ത് 16MP ഡ്യുവൽ എൽഇഡി ക്യാമറ എന്നിവയാണ് സവിശേഷതകൾ. ഡ്യുവൽ ഡിടിഎസ് സ്പീക്കറും ഇൻഫിനിക്സ് നോട്ട് 11ൽ ക്രമീകരിച്ചിട്ടുണ്ട്.
അതെ സമയം 4 ജിബി റാം + 64 ജിബി സ്റ്റോറേജ്, 6 ജിബി റാം + 128 ജിബി സ്റ്റോറേജ് എന്നിങ്ങനെ രണ്ട് പതിപ്പുകളിൽ അവതരിപ്പിച്ചിരിക്കുന്ന മോട്ടോ G31ന് യഥാക്രമം 12,999 രൂപയും, 14,999 രൂപയുമാണ് വില.