ഇൻഫിനിക്സ് ഹോട്ട് S3 സ്മാർട്ട്ഫോൺ അവതരിച്ചു; വില 8,999 രൂപ

ഹോങ്കോങ്ങ് സ്മാർട്ട്ഫോൺ നിർമ്മാതാക്കളായ ഇൻഫിനിക്സ് പുതിയ ബജറ്റ് സ്മാർട്ട്ഫോണിനെ ഇന്ത്യയിലവതരിപ്പിച്ചു. ഇൻഫിനിക്സ് ഹോട്ട് S3 എന്ന പേരിലവതരിച്ചിരിക്കുന്ന സ്മാർട്ട്ഫോണിന്‍റെ പ്രധാന ഹൈലേറ്റ് 20 MP സെൽഫി ക്യാമറയാണ്. ഇതാദ്യമായാണ് 20 MP സെൽഫി ക്യാമറയുമായി ഇൻഫിനിക്സ് എത്തുന്നത്.

3GB റാം, 4GB റാം വേരിയന്‍റുകളിൽ എത്തിയിരിക്കുന്ന സ്മാർട്ട്ഫോണിന് യഥാക്രമം 8,999 രൂപ, 10,999 രൂപ നിരക്കിലാണ് വിപണിയിലെ വില. ഫ്ലിപ്പ്കാർട്ടിലാണ് വില്പനയൊരുക്കിയിരിക്കുന്നത്. വില്പന ഫെബ്രുവരി 12 ന് ആരംഭിക്കുന്നതായിരിക്കും. ഷവോമിയുടെ റെഡ്മി Y1 സെൽഫി സ്മാർട്ട്ഫോണായിരിക്കും ഇൻഫിനിക്സ് ഹോട്ട് S3യുടെ മുഖ്യ എതിരാളി.

സവിശേഷതകൾ

5.65 ഇഞ്ച് ഡിസ്പ്ലെ

ഓക്ട-കോർ ക്വാൽകം സ്നാപ്ഡ്രാഗൺ പ്രോസസർ

ആൻഡ്രോയിഡ് 8.0 ഓറിയോ

3GB/4GB റാം

32GB/64GB സ്റ്റോറേജ്

4000mAh ബാറ്ററി

20MP സെൽഫി ക്യാമറ

13MP റിയർ ക്യാമറ