4 ജിബി റാം + 64 ജിബി സ്റ്റോറേജ് പതിപ്പിൽ മാത്രം ലഭ്യമായ ഇൻഫിനിക്സ് നോട്ട് 11ന് 11,999 രൂപയാണ് വില. സെലസ്റ്റിയൽ സ്നോ, ഗ്ലേസിയർ ഗ്രീൻ, ഗ്രാഫൈറ്റ് ബ്ലാക്ക് കളർ ഓപ്ഷനുകളിൽ വാങ്ങാവുന്ന ഇൻഫിനിക്സ് നോട്ട് 11ന്റെ വില്പന ഡിസംബർ 23 മുതൽ ഫ്ലിപ്പ്കാർട്ട് വഴിയാണ് ക്രമീകരിച്ചിരിക്കുന്നത്.
6 ജിബി റാം + 64 ജിബി സ്റ്റോറേജ്, 8 ജിബി റാം + 128 ജിബി സ്റ്റോറേജ് എന്നിങ്ങനെ രണ്ട് പതിപ്പിൽ ലഭ്യമായ ഇൻഫിനിക്സ് നോട്ട് 11Sന്റെ വില യഥാക്രമം 12,999 രൂപയും, 14,999 രൂപയുമാണ്. ഹേസ് ഗ്രീൻ, മിത്രിൽ ഗ്രേ, സിംഫണി സിയാൻ നിറങ്ങളിൽ വാങ്ങാവുന്ന ഇൻഫിനിക്സ് നോട്ട് 11Sന്റെ വില്പന അതെ സമയം ഈ മാസം 20 മുതലാണ് ക്രമീകരിച്ചിരിക്കുന്നത്.
പിന്നീട് കരഞ്ഞിട്ട് കാര്യമില്ല! മോട്ടോ G31 വാങ്ങുന്നവർക്ക് മുന്നറിയിപ്പുമായി ഇൻഫിനിക്സ്
ഇൻഫിനിക്സ് നോട്ട് 11
ഡ്യുവൽ സിം ഫോണായ ഇൻഫിനിക്സ് നോട്ട് 11, ആൻഡ്രോയിഡ് 11 അടിസ്ഥാനമായ XOS 10 ഓപ്പറേറ്റിംഗ് സിസ്റ്റത്തിലാണ് പ്രവർത്തിക്കുന്നത്. 180 ഹെർട്‌സ് ടച്ച് സാംപ്ലിംഗ് റേറ്റുള്ള 6.7 ഇഞ്ച് ഫുൾ-എച്ച്‌ഡി+ (1,080x2,400 പിക്‌സൽ) അമോലെഡ് ഡിസ്‌പ്ലേയാണ് ഫോണിന്. ഒക്ടാകോർ മീഡിയടെക് ഹീലിയോ G88 SoC ആണ് പ്രോസസ്സർ. ഫോണിന്റെ 64GB സ്റ്റോറേജ് മൈക്രോ എസ്ഡി കാർഡ് വഴി 512 ജിബി വരെ വർദ്ധിപ്പിക്കാം.
50 മെഗാപിക്സൽ പ്രൈമറി സെൻസറും f/1.6 ലെൻസും 2 മെഗാപിക്സൽ ഡെപ്ത് സെൻസറും AI ലെൻസും ചേർന്നതാണ് പ്രധാന കാമറ. എഫ്/2.0 അപ്പേർച്ചറും ഡ്യുവൽ എൽഇഡി ഫ്ലാഷുമുള്ള 16 മെഗാപിക്സൽ സെൽഫി ക്യാമറയും ഫോണിലുണ്ട്. 33W ഫാസ്റ്റ് ചാർജിംഗ് പിന്തുണയുള്ള 5,000mAh ബാറ്ററിയാണ് ഫോണിൽ ക്രമീകരിച്ചിരിക്കുന്നത്. 4G LTE, Wi-Fi, ബ്ലൂടൂത്ത് v5, 3.5 എംഎം ഹെഡ്‌ഫോൺ ജാക്ക് എന്നിവയാണ് കണക്റ്റിവിറ്റി ഓപ്ഷനുകൾ.
ഇൻഫിനിക്സ് നോട്ട് 11S
ഡ്യുവൽ സിം പിന്തുണയുള്ള ഇൻഫിനിക്സ് നോട്ട് 11Sഉം XOS 10 ഓഎസ്സിൽ തന്നെയാണ് പ്രവർത്തിക്കുന്നത്. 6.95-ഇഞ്ച് ഫുൾ-എച്ച്‌ഡി+ (1,080x2,460 പിക്‌സൽസ്) ഐപിഎസ് ഡിസ്‌പ്ലേയാണ് നോട്ട് 11Sന്. ഈ ഡിസ്‌പ്ലേയ്ക്ക് 120 ഹെർട്‌സ് റിഫ്രഷ് റേറ്റുമുണ്ട്. ഒക്ടാ കോർ മീഡിയടെക് ഹീലിയോ G96 SoC ആണ് പ്രോസസ്സർ. സ്റ്റോറേജ് എസ്ഡി കാർഡ് വഴി 512 ജിബി വരെ വർദ്ധിപ്പിക്കാം.
2 മെഗാപിക്സൽ ഡെപ്ത് സെൻസറും 2 മെഗാപിക്സൽ മാക്രോ ക്യാമറയും ഒപ്പം എഫ്/1.6 ലെൻസുള്ള 50 മെഗാപിക്സൽ പ്രധാന സെൻസറും ചേർന്ന ട്രിപ്പിൾ റിയർ ക്യാമറയാണ് ഫോണിൽ. എഫ്/2.0 അപ്പേർച്ചറും ഡ്യുവൽ എൽഇഡി ഫ്ലാഷുമുള്ള 16 മെഗാപിക്സൽ സെൽഫി ക്യാമറയും സ്മാർട്ട്‌ഫോണിൽ ക്രമീകരിച്ചിട്ടുണ്ട്. 33W ഫാസ്റ്റ് ചാർജിംഗ് പിന്തുണയുള്ള 5,000mAh ബാറ്ററിയാണ് ഫോണിൽ. 4G LTE, Wi-Fi, ബ്ലൂടൂത്ത് v5, 3.5 എംഎം ഹെഡ്‌ഫോൺ ജാക്ക്, യുഎസ്ബി ടൈപ്പ്-സി പോർട്ട് എന്നിവയാണ് കണക്ടിവിറ്റി ഓപ്ഷനുകൾ.