ഇന്ത്യയുടെ ചരിത്രദൗത്യം ചാന്ദ്രയാന്-2 സ്വപ്നച്ചിറകേറാന് ഇനി മണിക്കൂറുകള് മാത്രം. നാളെ പുലര്ച്ചെ(15-07-2019) കൃത്യം 2.30 ന് ശ്രീഹരിക്കോട്ടയിലെ സതീഷ് ധവാന് സ്പേസ് സെന്ററില് നിന്നും ചാന്ദ്രയാന്-2 കുതിച്ചുയരും. വിക്ഷേപണത്തിനുളള കൗണ്ട് ഡൗണ് തുടങ്ങാന് ലോഞ്ച് ഓതറൈസേഷന് ബോര്ഡ് നിര്ദേശം നല്കിക്കഴിഞ്ഞു. ചാന്ദ്രയാന്-2 ന്റെ വിക്ഷേപണ വാഹനമായ ജിഎസ്എല്വി മാര്ക്ക് 3 റോക്കറ്റിന്റെ അവസാനഘട്ട നിരീക്ഷണങ്ങളാണ് ഇപ്പോള് നടക്കുന്നത്. 53 ദിവസം നീണ്ട യാത്രയ്ക്കൊടുവില് സെപ്റ്റമ്പര് 16ന് ചാന്ദ്രയാന്-2 ചന്ദ്രന്റെ ഉപരിതലത്തില് പറന്നിറങ്ങും. ഇന്നുവരെ ഒരു പര്യവേഷണ വാഹനവും കടന്നുചെല്ലാത്ത ചന്ദ്രന്റെ ദക്ഷിണ ധ്രുവത്തിലാണ് ചാന്ദ്രയാന്-2 ലാന്ഡ് ചെയ്യുന്നത്. 2016 ല് ആരംഭിച്ച ചാന്ദ്രയാന്-2 ന്റെ നിര്മ്മാണ-പരീക്ഷണങ്ങള് മൂന്ന് വര്ഷങ്ങള്ക്ക് ശേഷമാണ് യാഥാര്ത്ഥ്യമാകാനൊരുങ്ങുന്നത്.
ചന്ദ്രനെ വലംവയ്ക്കാനുളള ഓര്ബിറ്റര്, ചന്ദ്രോപരിതലത്തില് ഇറങ്ങാന് പോകുന്ന വിക്രം ലാന്ഡര്, ഉപരിതലത്തലൂടെ സഞ്ചരിച്ച് വിവരങ്ങള് ശേഖരിക്കാന് തയ്യാറാക്കിയിട്ടുളള പ്രഗ്യാന് റോവര് എന്നീ മൂന്ന് ഘടകങ്ങളാണ് ചാന്ദ്രയാന്-2 ലുളളത്. ഒരു വര്ഷമാണ് ചാന്ദ്രയാന്-2 ന്റെ ഓര്ബിറ്റര് ചന്ദ്രനെ വലം വയ്ക്കുക. 2372 കിലോയാണ് ഓര്ബിറ്ററിന്റെ ഭാരം. ചന്ദ്രനില് നിന്നും നൂറ് കിലോമീറ്റര് മാറിയാണ് ഓര്ബിറ്റര് ചന്ദ്രനെ വലം വയ്ക്കുന്നത്. ഹിന്ദുസ്ഥാന് എയറോനോട്ടിക്സാണ് ഓര്ബിറ്ററിന്റെ ശില്പ്പികള്.
1471 കിലോ ഭാരമുളള വിക്രം ലാന്ഡറാണ് ചാന്ദ്രയാന്-2 ദൗത്യത്തിലെ പ്രധാനി. ചന്ദ്രോപരിതലത്തിലൂടെ സഞ്ചരിച്ച് വിവരങ്ങള് ശേഖരിക്കാന് നിയോഗിക്കപ്പെട്ടിട്ടുളള പ്രഗ്യാന് റോവര് വിക്രം ലാന്ഡറിന്റെ അകത്താണ് സജ്ജീകരിച്ചിരിച്ചിരിക്കുന്നത്. ചന്ദ്രന്റെ ഉപരിതലത്തില് വിക്രം ലാന്ഡര് സോഫ്റ്റ് ലാന്ഡ് ചെയ്ത ശേഷം പ്രഗ്യാന് റോവര് പുറത്തിറങ്ങും. പ്രഗ്യാന് ശേഖരിക്കുന്ന വിവരങ്ങള് വിക്രം ലാന്ഡറിന് നേരിട്ട് കൈമാറും. അവിടുന്ന് വിക്രം ലാന്ഡറാണ് ഡീപ് സ്പേസ് നെറ്റ്വര്ക്ക് വഴി ഭൂമിയിലേക്ക് വിവരങ്ങള് കൈമാറുക. വെറും 28 കിലോഗ്രാം മാത്രമാണ് പ്രഗ്യാന് റോവറിന്റെ ഭാരം. വിവേകം എന്നര്ത്ഥം വരുന്ന പ്രഗ്യ എന്ന സംസ്കൃത പദത്തില് നിന്നാണ് പ്രഗ്യാന് റോവര് എന്ന പേര് ഈ കൊച്ചു മിടുക്കന് ചാര്ത്തി നല്കിയത്.
ആകെമൊത്തം 14 പരീക്ഷണ ഉപകരണങ്ങളാണ് ചന്ദ്രയാന്-2 ലുളളത്. നാസയുടെ ഒന്നൊഴികെ ബാക്കിയെല്ലാം ഇന്ത്യയില് തന്നെയാണ് വികസിപ്പിച്ചെടുത്തത്. ഒരു ചന്ദ്രപകലാണ് വിക്രം ലാന്ഡറിന്റെ പ്രവര്ത്തന സമയം. ഭൂമിയിലെ 29 ദിവസവും 12 മണിക്കൂറും 44 മിനുട്ടും നീണ്ടുനില്ക്കുന്നതാണ് ഒരു ചന്ദ്രദിവസം. അപ്പോള് ഏതാണ്ട് 14 ദിവസത്തോളം വിക്രം ലാന്ഡര് പ്രവര്ത്തിക്കുമെന്ന് സാരം. ഈ കാലയളവില് ചന്ദ്രനിലെ നിര്ണായക വിവരങ്ങള് ചാന്ദ്രയാന്-2 ഭൂമിയിലേക്ക് അയച്ചുനല്കുമെന്നാണ് പ്രതീക്ഷ.
അതേസമയം നിരവധി വെല്ലുവിളികളും ചാന്ദ്രയാന് 2-ന്റെ മുന്നിലുണ്ട്. റഷ്യയും അമേരിക്കയും ചൈനയും മാത്രം പൂര്ത്തിയാക്കിയിട്ടുളള ലൂണാര് സോഫ്റ്റ്ലാന്ഡിംഗ് എന്ന എന്ന കടമ്പ ചാന്ദ്രയാന്-2 കടക്കേണ്ടിയിരിക്കുന്നു.ഇന്ത്യയുടെ പെരുമ വാനോളമുയര്ത്തിയ ചാന്ദ്രയാന്-1 ന്റെ പിന്മുറക്കാരന് അതിന് കഴിയമെന്ന് തന്നെയാണ് ശാസ്ത്രലോകത്തിന്റെ പ്രതീക്ഷ.
ചന്ദ്രനെ വലംവയ്ക്കാനുളള ഓര്ബിറ്റര്, ചന്ദ്രോപരിതലത്തില് ഇറങ്ങാന് പോകുന്ന വിക്രം ലാന്ഡര്, ഉപരിതലത്തലൂടെ സഞ്ചരിച്ച് വിവരങ്ങള് ശേഖരിക്കാന് തയ്യാറാക്കിയിട്ടുളള പ്രഗ്യാന് റോവര് എന്നീ മൂന്ന് ഘടകങ്ങളാണ് ചാന്ദ്രയാന്-2 ലുളളത്. ഒരു വര്ഷമാണ് ചാന്ദ്രയാന്-2 ന്റെ ഓര്ബിറ്റര് ചന്ദ്രനെ വലം വയ്ക്കുക. 2372 കിലോയാണ് ഓര്ബിറ്ററിന്റെ ഭാരം. ചന്ദ്രനില് നിന്നും നൂറ് കിലോമീറ്റര് മാറിയാണ് ഓര്ബിറ്റര് ചന്ദ്രനെ വലം വയ്ക്കുന്നത്. ഹിന്ദുസ്ഥാന് എയറോനോട്ടിക്സാണ് ഓര്ബിറ്ററിന്റെ ശില്പ്പികള്.
1471 കിലോ ഭാരമുളള വിക്രം ലാന്ഡറാണ് ചാന്ദ്രയാന്-2 ദൗത്യത്തിലെ പ്രധാനി. ചന്ദ്രോപരിതലത്തിലൂടെ സഞ്ചരിച്ച് വിവരങ്ങള് ശേഖരിക്കാന് നിയോഗിക്കപ്പെട്ടിട്ടുളള പ്രഗ്യാന് റോവര് വിക്രം ലാന്ഡറിന്റെ അകത്താണ് സജ്ജീകരിച്ചിരിച്ചിരിക്കുന്നത്. ചന്ദ്രന്റെ ഉപരിതലത്തില് വിക്രം ലാന്ഡര് സോഫ്റ്റ് ലാന്ഡ് ചെയ്ത ശേഷം പ്രഗ്യാന് റോവര് പുറത്തിറങ്ങും. പ്രഗ്യാന് ശേഖരിക്കുന്ന വിവരങ്ങള് വിക്രം ലാന്ഡറിന് നേരിട്ട് കൈമാറും. അവിടുന്ന് വിക്രം ലാന്ഡറാണ് ഡീപ് സ്പേസ് നെറ്റ്വര്ക്ക് വഴി ഭൂമിയിലേക്ക് വിവരങ്ങള് കൈമാറുക. വെറും 28 കിലോഗ്രാം മാത്രമാണ് പ്രഗ്യാന് റോവറിന്റെ ഭാരം. വിവേകം എന്നര്ത്ഥം വരുന്ന പ്രഗ്യ എന്ന സംസ്കൃത പദത്തില് നിന്നാണ് പ്രഗ്യാന് റോവര് എന്ന പേര് ഈ കൊച്ചു മിടുക്കന് ചാര്ത്തി നല്കിയത്.
ആകെമൊത്തം 14 പരീക്ഷണ ഉപകരണങ്ങളാണ് ചന്ദ്രയാന്-2 ലുളളത്. നാസയുടെ ഒന്നൊഴികെ ബാക്കിയെല്ലാം ഇന്ത്യയില് തന്നെയാണ് വികസിപ്പിച്ചെടുത്തത്. ഒരു ചന്ദ്രപകലാണ് വിക്രം ലാന്ഡറിന്റെ പ്രവര്ത്തന സമയം. ഭൂമിയിലെ 29 ദിവസവും 12 മണിക്കൂറും 44 മിനുട്ടും നീണ്ടുനില്ക്കുന്നതാണ് ഒരു ചന്ദ്രദിവസം. അപ്പോള് ഏതാണ്ട് 14 ദിവസത്തോളം വിക്രം ലാന്ഡര് പ്രവര്ത്തിക്കുമെന്ന് സാരം. ഈ കാലയളവില് ചന്ദ്രനിലെ നിര്ണായക വിവരങ്ങള് ചാന്ദ്രയാന്-2 ഭൂമിയിലേക്ക് അയച്ചുനല്കുമെന്നാണ് പ്രതീക്ഷ.
അതേസമയം നിരവധി വെല്ലുവിളികളും ചാന്ദ്രയാന് 2-ന്റെ മുന്നിലുണ്ട്. റഷ്യയും അമേരിക്കയും ചൈനയും മാത്രം പൂര്ത്തിയാക്കിയിട്ടുളള ലൂണാര് സോഫ്റ്റ്ലാന്ഡിംഗ് എന്ന എന്ന കടമ്പ ചാന്ദ്രയാന്-2 കടക്കേണ്ടിയിരിക്കുന്നു.ഇന്ത്യയുടെ പെരുമ വാനോളമുയര്ത്തിയ ചാന്ദ്രയാന്-1 ന്റെ പിന്മുറക്കാരന് അതിന് കഴിയമെന്ന് തന്നെയാണ് ശാസ്ത്രലോകത്തിന്റെ പ്രതീക്ഷ.