ടെലികമ്മ്യൂണിക്കേഷൻ ഭീമനായ റിലയൻസ് ജിയോ ഉപഭോക്താക്കൾക്കായി Rs 598 രൂപയുടെ പുത്തൻ റീചാർജ് പ്ലാൻ കഴിഞ്ഞ ദിവസം അവതരിപ്പിച്ചു. ഒരു വർഷത്തേക്ക് ഡിസ്നി + ഹോട്ട്സ്റ്റാർ വിഐപി സബ്സ്ക്രിപ്ഷൻ തന്നെയാണ് പുതിയ Rs 598 പ്ലാനിന്റെയും ആകർഷണം. ഇന്ത്യൻ പ്രീമിയർ ലീഗ് ക്രിക്കറ്റ് ടൂർണമെന്റിന് മുൻപായി ജിയോ അടുത്തിടെ അവതരിപ്പിച്ച ഡിസ്നി + ഹോട്ട്സ്റ്റാർ വിഐപി സബ്സ്ക്രിപ്ഷനുള്ള റീചാർജ് പ്ലാനുകൾക്കൊപ്പമുള്ള പുത്തൻ പ്ലാൻ ആണ് Rs 598 പ്ലാൻ.
പ്രതിദിനം 2 ജിബി അതിവേഗ ഡാറ്റയാണ് പുത്തൻ Rs 598 പ്ലാൻ നൽകുക. ഈ പരിധിയ്ക്ക് ശേഷം ഇന്റർനെറ്റ് വേഗത 64 കെബിപിഎസ് ആയി കുറയും. പരിധിയില്ലാത്ത ജിയോ ടു ജിയോ വോയ്‌സ് കോളുകളും മറ്റ് മൊബൈൽ നെറ്റ്‌വർക്കുകളിലേക്ക് 2,000 മിനിറ്റ് വോയ്‌സ് കോളുകളുമാണ് പുത്തൻ ജിയോ പ്ലാൻ ഓഫർ ചെയ്യുന്നത്. പ്രതിദിനം 100 എസ്എംഎസ്സുകളും 56 ദിവസം വാലിഡിറ്റിയുള്ള ഈ റീചാർജ് പ്ലാനിന്റെ ഭാഗമാണ്.
Also read:എന്താണ് ജിയോ ഗ്ലാസ്? നിങ്ങൾക്കറിയേണ്ടതെല്ലാം
1 വർഷത്തേക്ക് ഓടിടി പ്ലാറ്റ്‌ഫോം ആയ ഡിസ്നി + ഹോട്ട്സ്റ്റാർ വിഐപി സബ്സ്ക്രിപ്ഷൻ ആണ് Rs 598 പ്ലാനിന്റെ ഹൈലൈറ്റ്. ഉടൻ യുഎഇയിൽ ആരംഭിക്കുന്ന ഇന്ത്യൻ പ്രീമിയർ ലീഗ് ടൂർണമെൻ്റിൻ്റെ ഓൺലൈൻ ലൈവ് സ്ട്രീമിങ് ഡിസ്നി + ഹോട്ട്സ്റ്റാറിലാണ്. ഒരു വർഷത്തേക്ക് 399 മുടക്കേണ്ട ഡിസ്നി + ഹോട്ട്സ്റ്റാർ വിഐപി സബ്സ്ക്രിപ്ഷൻ ആണ് Rs 598 പ്ലാനിനൊപ്പം ഫ്രീയായി ലഭിക്കുന്നത്.
ഡിസ്നി + ഹോട്ട്സ്റ്റാർ വിഐപി സബ്സ്ക്രിപ്ഷൻ സൗജന്യമായി നൽകുന്ന മറ്റു ജിയോ പ്ലാനുകൾ
കഴിഞ്ഞ മാസമാണ് 'ക്രിക്കറ്റ് ധനാ ധൻ ജിയോ ധനാ ധൻ' എന്ന പേരിൽ ക്രിക്കറ്റ് സ്പെഷ്യൽ പ്രീപെയ്ഡ് റീചാർജ് അവതരിപ്പിച്ചത്. 499 രൂപയുടെയും 777 രൂപയുടെയും പുത്തൻ പ്ലാനുകളോടൊപ്പം ഓടിടി പ്ലാറ്റ്‌ഫോം ആയ ഡിസ്നി + ഹോട്ട്സ്റ്റാർ വിഐപി സബ്സ്ക്രിപ്ഷൻ 1 വർഷത്തേക്ക് സൗജന്യമായി ലഭിക്കും. ഡാറ്റ, വോയ്‌സ് ആനുകൂല്യങ്ങൾക്ക് പുറമെയാണ് വീഡിയോ സ്ട്രീമിങ് സബ്സ്ക്രിപ്ഷൻ ഈ പ്ലാനുകളോടൊപ്പം ഉപഭോക്താക്കൾക്ക് ലഭിക്കുക.
ഇത് കൂടാതെ 401 രൂപയുടെ ജിയോ പ്ലാൻ തിരഞ്ഞെടുത്തവർക്ക് ഒരു വര്‍ഷത്തേക്ക് സൗജന്യ ഡിസ്നി + ഹോട്ട്സ്റ്റാർ വിഐപി സബ്സ്ക്രിപ്ഷൻ ലഭിക്കും. 2,599 രൂപയുടെ ജിയോ വാർഷിക പ്രീപെയ്ഡ് പ്ലാനിനൊപ്പവും ഡിസ്നി+ ഹോട്‌സ്റ്റാര്‍ വിഐപി സബ്‌സ്‌ക്രിപ്ഷന്‍ ലഭ്യമാണ്. ഒരുവർഷമാണ് സബ്സ്ക്രിപ്ഷൻ കാലാവധി.