ഇന്ത്യയിലെ ഏറ്റവും വലിയ ടെലികോം ഓപ്പറേറ്ററായ റിലയൻസ് ജിയോ തങ്ങളുടെ 5ജി സേവനങ്ങൾ വൈകാതെ പുറത്തിറക്കും. ദീപാവലിയോടെ രാജ്യത്തെ നാല് പ്രധാന നഗരങ്ങളിൽ ജിയോ 5ജി (Jio 5G) ലഭ്യമാക്കുമെന്ന് റിലയൻസ് ഇൻഡസ്ട്രീസ് ലിമിറ്റഡിന്റെ ചെയർമാനും മാനേജിംഗ് ഡയറക്ടറുമായ മുകേഷ് അംബാനി പ്രഖ്യാപിച്ചു. ഡൽഹി, മുംബൈ, ചെന്നൈ, കൊൽക്കത്ത എന്നിവിടങ്ങളിലായിരിക്കും ആദ്യഘട്ടത്തിൽ 5ജി സേവനങ്ങൾ ആരംഭിക്കുന്നത്. കേരളത്തിലെ ഏറ്റവും പ്രധാനപ്പെട്ട നഗരമായ കൊച്ചിയിൽ അടക്കം 5ജി ലഭിക്കാൻ കുറച്ച് കാലം കൂടി കാത്തിരിക്കേണ്ടി വരും. രാജ്യത്തെ പ്രധാന നഗരങ്ങളിലൊന്നായ ബെംഗളൂരു ജിയോ 5ജിയുടെ ആദ്യഘട്ട പട്ടികയിൽ ഇടം പിടിച്ചിട്ടില്ല എന്നതും ശ്രദ്ധേയമാണ്. ഡൽഹി, മുംബൈ, ചെന്നെ, കൊൽക്കത്ത എന്നീ നാല് നഗരങ്ങളിൽ തുടക്കത്തിൽ ജിയോയുടെ 5ജി സേവനങ്ങൾ ലഭിക്കുമെന്നും അടുത്ത വർഷം ഡിസംബറോടെ രാജ്യത്തിന്റെ മിക്ക ഭാഗങ്ങളിലും അടുത്ത തലമുറ നെറ്റ്വർക്ക് സേവനങ്ങൾ ലഭ്യമാക്കുമെന്നും ജിയോ വ്യക്തമാക്കിയിട്ടുണ്ട്.
ജിയോ രാജ്യത്ത് അടുത്ത തലമുറ നെറ്റ്വർക്ക് ലഭ്യമാക്കുന്നത് 5ജി എസ്എ (സ്റ്റാൻഡ്എലോൺ) രീതിയിലാണ്. സ്റ്റാൻഡ്എലോൺ 5ജി ലഭ്യമാക്കുന്ന രാജ്യത്തെ ഒരേയൊരു ഓപ്പറേറ്ററും ജിയോ തന്നെയാണ്. 4ജിയിൽ ഉപയോഗിച്ച അതേ തന്ത്രമാണ് ജിയോ 5ജിയിലും പ്രയോഗിക്കുക എന്നുറപ്പാണ്. 4ജി വോൾട്ടി സേവനങ്ങളുമായി വന്ന് ഇന്ത്യൻ ടെലിക്കോം വിപണിയുടെ തലവരെ തന്നെ മാറ്റിയത് ജിയോയാണ്.
2016-ൽ 4ജി സേവനങ്ങൾ ആരംഭിച്ച് ജിയോ എല്ലാവരെയും ഞെട്ടിച്ചു. കമ്പനി അതിന്റെ 5ജി സേവനങ്ങളിലും ഇതേ രീതി തുടരുമെന്ന് പ്രതീക്ഷിക്കാം. ഇതിൽ പ്രധാനപ്പെട്ടത് പ്ലാനുകളുടെ കാര്യത്തിൽ തന്നെയായിരിക്കും. 4ജിയെക്കാൾ വില കൂടിയതായിരിക്കില്ല 5ജി പ്ലാനുകൾ എന്ന് നേരത്തെ സൂചനകൾ ഉണ്ടായിരുന്നു. പ്ലാനുകളുടെ കാര്യത്തിൽ ജിയോ മറ്റ് ടെലിക്കോം കമ്പനികളെക്കാൾ മുൻപന്തിയിൽ നിൽക്കുമെന്ന് പ്രതീക്ഷിക്കാം. 5ജി നെറ്റ്വർക്കുകൾ വരുന്നതോടെ ജിയോ കൂടുതൽ ശക്തരാകുമെന്നും റിപ്പോർട്ടുകൾ ഉണ്ട്.
4ജി സേവനങ്ങൾ ആരംഭിക്കുന്ന സമയത്ത്, സൗജന്യ ഡാറ്റയും വോയിസ് കോളുകളും പോലുള്ള ആനുകൂല്യങ്ങൾ ജിയോ നൽകിയിരുന്നു. ജിയോ 4ജി സിം കാർഡുകൾ സൗജന്യമായും ലഭ്യമാക്കിയിരുന്നു. ഇത് തന്നെയാണ് ഇന്ത്യൻ ടെലികോം വിപണിയിൽ ജിയോ ആധിപത്യം സ്ഥാപിക്കാനുള്ള കാരണവും. ജിയോ അതിന്റെ 5ജി സേവനങ്ങളിലും ഇതേ രീതി തുടരുമോ എന്ന കാര്യത്തിൽ സ്ഥിരീകരണമില്ലെങ്കിലും മറ്റ് ടെലിക്കോം കമ്പനികളെ ഞെട്ടിക്കുന്ന രീതി ജിയോ തുടർന്നേക്കും.
5ജി ലോഞ്ച് ചെയ്യുന്നതോടെ ജിയോ സാധാരണ ടെലിക്കോം ഉപയോക്താക്കൾക്ക് എന്ന പോലെ എന്റർപ്രൈസ് ഉപയോക്താക്കൾക്കും സേവനങ്ങൾ നൽകാൻ സാധ്യതയുണ്ട്. സ്വന്തമായി ടെലികോം ലൈസൻസും 5ജി സ്പെക്ട്രവും വാങ്ങികൊണ്ട് നിരവധി ടെക് കമ്പനികൾ സ്വകാര്യ നെറ്റ്വർക്ക് സ്ഥാപിക്കുന്ന അവസരത്തിൽ ജിയോക്ക് എന്റർപ്രൈസ് മേഖലയിൽ വളരെയധികം മത്സരങ്ങൾ നേരിടേണ്ടിവരും. 5ജി സ്പെക്ട്രം ലേലത്തിൽ അദാനിയും സ്പെക്ട്രം സ്വന്തമാക്കിയിരുന്നു. അദാനി ഗ്രൂപ്പിന് കീഴിലെ കമ്പനികൾക്കായി നെറ്റ്വർക്ക് വികസിപ്പിക്കാനായിരുന്നു ഇത്.
എറിക്സണിന്റെ സമീപകാല റിപ്പോർട്ട് അനുസരിച്ച് ഇന്ത്യയിലെ ഉപഭോക്താക്കൾ 5ജി പ്ലാനുകൾക്കൊപ്പം അധിക ബണ്ടിൽഡ് സേവനങ്ങളും ആഗ്രഹിക്കുന്നുണ്ട്. ഇത് ജിയോ പരിഗണിക്കുമെന്ന് പ്രതീക്ഷിക്കാം. ഉപയോക്താക്കളെ ആദ്യഘട്ടത്തിൽ തന്നെ 5ജി നെറ്റ്വർക്കിലേക്ക് മാറ്റാനായി ജിയോ അടക്കമുള്ള ടെലിക്കോം കമ്പനികൾ 4ജിയുടെ അതേ നിരക്കിൽ 5ജി ലഭ്യമാക്കിയേക്കും.
ജിയോ രാജ്യത്ത് അടുത്ത തലമുറ നെറ്റ്വർക്ക് ലഭ്യമാക്കുന്നത് 5ജി എസ്എ (സ്റ്റാൻഡ്എലോൺ) രീതിയിലാണ്. സ്റ്റാൻഡ്എലോൺ 5ജി ലഭ്യമാക്കുന്ന രാജ്യത്തെ ഒരേയൊരു ഓപ്പറേറ്ററും ജിയോ തന്നെയാണ്. 4ജിയിൽ ഉപയോഗിച്ച അതേ തന്ത്രമാണ് ജിയോ 5ജിയിലും പ്രയോഗിക്കുക എന്നുറപ്പാണ്. 4ജി വോൾട്ടി സേവനങ്ങളുമായി വന്ന് ഇന്ത്യൻ ടെലിക്കോം വിപണിയുടെ തലവരെ തന്നെ മാറ്റിയത് ജിയോയാണ്.
2016-ൽ 4ജി സേവനങ്ങൾ ആരംഭിച്ച് ജിയോ എല്ലാവരെയും ഞെട്ടിച്ചു. കമ്പനി അതിന്റെ 5ജി സേവനങ്ങളിലും ഇതേ രീതി തുടരുമെന്ന് പ്രതീക്ഷിക്കാം. ഇതിൽ പ്രധാനപ്പെട്ടത് പ്ലാനുകളുടെ കാര്യത്തിൽ തന്നെയായിരിക്കും. 4ജിയെക്കാൾ വില കൂടിയതായിരിക്കില്ല 5ജി പ്ലാനുകൾ എന്ന് നേരത്തെ സൂചനകൾ ഉണ്ടായിരുന്നു. പ്ലാനുകളുടെ കാര്യത്തിൽ ജിയോ മറ്റ് ടെലിക്കോം കമ്പനികളെക്കാൾ മുൻപന്തിയിൽ നിൽക്കുമെന്ന് പ്രതീക്ഷിക്കാം. 5ജി നെറ്റ്വർക്കുകൾ വരുന്നതോടെ ജിയോ കൂടുതൽ ശക്തരാകുമെന്നും റിപ്പോർട്ടുകൾ ഉണ്ട്.
4ജി സേവനങ്ങൾ ആരംഭിക്കുന്ന സമയത്ത്, സൗജന്യ ഡാറ്റയും വോയിസ് കോളുകളും പോലുള്ള ആനുകൂല്യങ്ങൾ ജിയോ നൽകിയിരുന്നു. ജിയോ 4ജി സിം കാർഡുകൾ സൗജന്യമായും ലഭ്യമാക്കിയിരുന്നു. ഇത് തന്നെയാണ് ഇന്ത്യൻ ടെലികോം വിപണിയിൽ ജിയോ ആധിപത്യം സ്ഥാപിക്കാനുള്ള കാരണവും. ജിയോ അതിന്റെ 5ജി സേവനങ്ങളിലും ഇതേ രീതി തുടരുമോ എന്ന കാര്യത്തിൽ സ്ഥിരീകരണമില്ലെങ്കിലും മറ്റ് ടെലിക്കോം കമ്പനികളെ ഞെട്ടിക്കുന്ന രീതി ജിയോ തുടർന്നേക്കും.
5ജി ലോഞ്ച് ചെയ്യുന്നതോടെ ജിയോ സാധാരണ ടെലിക്കോം ഉപയോക്താക്കൾക്ക് എന്ന പോലെ എന്റർപ്രൈസ് ഉപയോക്താക്കൾക്കും സേവനങ്ങൾ നൽകാൻ സാധ്യതയുണ്ട്. സ്വന്തമായി ടെലികോം ലൈസൻസും 5ജി സ്പെക്ട്രവും വാങ്ങികൊണ്ട് നിരവധി ടെക് കമ്പനികൾ സ്വകാര്യ നെറ്റ്വർക്ക് സ്ഥാപിക്കുന്ന അവസരത്തിൽ ജിയോക്ക് എന്റർപ്രൈസ് മേഖലയിൽ വളരെയധികം മത്സരങ്ങൾ നേരിടേണ്ടിവരും. 5ജി സ്പെക്ട്രം ലേലത്തിൽ അദാനിയും സ്പെക്ട്രം സ്വന്തമാക്കിയിരുന്നു. അദാനി ഗ്രൂപ്പിന് കീഴിലെ കമ്പനികൾക്കായി നെറ്റ്വർക്ക് വികസിപ്പിക്കാനായിരുന്നു ഇത്.
എറിക്സണിന്റെ സമീപകാല റിപ്പോർട്ട് അനുസരിച്ച് ഇന്ത്യയിലെ ഉപഭോക്താക്കൾ 5ജി പ്ലാനുകൾക്കൊപ്പം അധിക ബണ്ടിൽഡ് സേവനങ്ങളും ആഗ്രഹിക്കുന്നുണ്ട്. ഇത് ജിയോ പരിഗണിക്കുമെന്ന് പ്രതീക്ഷിക്കാം. ഉപയോക്താക്കളെ ആദ്യഘട്ടത്തിൽ തന്നെ 5ജി നെറ്റ്വർക്കിലേക്ക് മാറ്റാനായി ജിയോ അടക്കമുള്ള ടെലിക്കോം കമ്പനികൾ 4ജിയുടെ അതേ നിരക്കിൽ 5ജി ലഭ്യമാക്കിയേക്കും.