കൊച്ചി: ഒരു മലയാളിയുടെ ജീവിതത്തിൽ ഇരുചക്രവാഹനത്തിന്റെ പ്രാധാന്യം എന്തുമാത്രം ഉണ്ടെന്നറിയാൻ ഒരു കാര്യം നോക്കിയാൽ മതി. ഗൂഗിള് മാപ്സ് പുറത്തുവിട്ടിരിക്കുന്ന ഹീറ്റ് മാപ്പ് നോക്കിയാൽ അത്യാവശ്യം കാര്യങ്ങള് പിടികിട്ടും. ഇന്ത്യയിലെ എല്ലാ സംസ്ഥാനങ്ങളും പരിഗണിച്ചപ്പോള് ഗൂഗിള് മാപ്പിലെ ടൂവീലര് മോഡ് ഏറ്റവും കൂടുതൽ ഉപയോഗിക്കുന്ന ഇടമായി കണ്ടെത്തിയിരിക്കുന്നത് കേരളത്തെയാണ്. മാത്രമല്ല ടൂവിലര് മോഡ് ഏറ്റവും കൂടുതൽ ഉപയോഗിക്കുന്ന ഇന്ത്യയിലെ പത്ത് നഗരങ്ങളിൽ കൊച്ചിയുമുണ്ട്. മറ്റ് സംസ്ഥാനങ്ങളിൽ നഗരങ്ങളിൽ മാത്രമായി ഗൂഗിള് മാപ്സ് ടൂവീലര് മോഡ് ഉപയോഗം ചുരുങ്ങുമ്പോള് കേരളത്തിൽ നഗരവും ഗ്രാമപ്രദേശവും ഒരുപോലെ ടൂവീലര് മോഡ് പ്രയോജനപ്പെടുത്തുന്നുണ്ടെന്ന് ഗൂഗിള് മാപ്സ് ഇന്ത്യ ലീഡ് അനല് ഘോഷ് കൊച്ചിയില് പത്രസമ്മേളനത്തിൽ അറിയിച്ചു.
ഇരുചക്ര വാഹനങ്ങള്ക്കായുള്ള ടൂ വീലര് മോഡ് സേവനങ്ങള് വിപുലീകരിയ്ക്കുന്നതായി പ്രഖ്യാപിച്ചുകൊണ്ട് സംസാരിക്കുകയായിരുന്നു അദ്ദേഹം. കേരളത്തില് കൂടുതല് സേവനങ്ങള് ലഭ്യമാക്കുന്നതിന്റെ ഭാഗമായാണ് ഈ പരിഷ്കരണം നടത്തുന്നത്. സേവനങ്ങള് വിപുലീകരിച്ചിരിക്കുന്നത് ലക്ഷ്യസ്ഥാനത്ത് എളുപ്പത്തില് എത്തിച്ചേരാന് ആളുകളെ സഹായിക്കുന്നതിനൊപ്പം അതതു പ്രദേശത്തെ കടകളും ഭക്ഷണശാലകളും ഉള്പ്പെടെ ഇരുചക്ര യാത്രികര്ക്ക് എളുപ്പത്തില് കണ്ടെത്താനാകുന്ന രീതിയിലാക്കുന്നുമുണ്ട്.
ഒപ്പം ഇരുചക്ര വാഹന യാത്രക്കാര്ക്ക് വിവിധ ലൊക്കേഷനുകളും ഷോര്ട്ട് കട്ടുകളുമുള്പ്പെടെ പങ്കുവയ്ക്കാനും ഇതിലൂടെ അവസരം ലഭ്യമാക്കുന്നുണ്ട്. ഓരോ പ്രദേശത്തെയും തത്സമയ ട്രാഫിക് വിവരങ്ങളും മുന്നറിയിപ്പുകളും അപ്ഡേറ്റ് ചെയ്യുന്നതിനൊപ്പം പ്രത്യേക റിവാര്ഡ് പോയിന്റുകള് നേടാനും അവസരം നൽകുന്നുമുണ്ട്.
കൂടാതെ മലയാളം ഉള്പ്പെടെ ഏഴു പ്രാദേശിക ഭാഷകളില് നാവിഗേഷന് സേവനങ്ങള് ലഭ്യമാക്കും. നിലവില് രാജ്യത്ത് ഗൂഗിള് മാപ്സിന്റെ ഇരുചക്ര വാഹനങ്ങള്ക്കായുള്ള സൗകര്യങ്ങള് പ്രയോജനപ്പെടുത്തുന്നത് പ്രതിമാസം രണ്ടു കോടിയിലധികം ആളുകളാണെന്ന കണക്കും ഇവർ പുറത്തുവിട്ടു.
ഇരുചക്ര വാഹനങ്ങള്ക്കായുള്ള ടൂ വീലര് മോഡ് സേവനങ്ങള് വിപുലീകരിയ്ക്കുന്നതായി പ്രഖ്യാപിച്ചുകൊണ്ട് സംസാരിക്കുകയായിരുന്നു അദ്ദേഹം. കേരളത്തില് കൂടുതല് സേവനങ്ങള് ലഭ്യമാക്കുന്നതിന്റെ ഭാഗമായാണ് ഈ പരിഷ്കരണം നടത്തുന്നത്. സേവനങ്ങള് വിപുലീകരിച്ചിരിക്കുന്നത് ലക്ഷ്യസ്ഥാനത്ത് എളുപ്പത്തില് എത്തിച്ചേരാന് ആളുകളെ സഹായിക്കുന്നതിനൊപ്പം അതതു പ്രദേശത്തെ കടകളും ഭക്ഷണശാലകളും ഉള്പ്പെടെ ഇരുചക്ര യാത്രികര്ക്ക് എളുപ്പത്തില് കണ്ടെത്താനാകുന്ന രീതിയിലാക്കുന്നുമുണ്ട്.
ഒപ്പം ഇരുചക്ര വാഹന യാത്രക്കാര്ക്ക് വിവിധ ലൊക്കേഷനുകളും ഷോര്ട്ട് കട്ടുകളുമുള്പ്പെടെ പങ്കുവയ്ക്കാനും ഇതിലൂടെ അവസരം ലഭ്യമാക്കുന്നുണ്ട്. ഓരോ പ്രദേശത്തെയും തത്സമയ ട്രാഫിക് വിവരങ്ങളും മുന്നറിയിപ്പുകളും അപ്ഡേറ്റ് ചെയ്യുന്നതിനൊപ്പം പ്രത്യേക റിവാര്ഡ് പോയിന്റുകള് നേടാനും അവസരം നൽകുന്നുമുണ്ട്.
കൂടാതെ മലയാളം ഉള്പ്പെടെ ഏഴു പ്രാദേശിക ഭാഷകളില് നാവിഗേഷന് സേവനങ്ങള് ലഭ്യമാക്കും. നിലവില് രാജ്യത്ത് ഗൂഗിള് മാപ്സിന്റെ ഇരുചക്ര വാഹനങ്ങള്ക്കായുള്ള സൗകര്യങ്ങള് പ്രയോജനപ്പെടുത്തുന്നത് പ്രതിമാസം രണ്ടു കോടിയിലധികം ആളുകളാണെന്ന കണക്കും ഇവർ പുറത്തുവിട്ടു.