ജാപ്പനീസ് വാഹനഭീമനായ ടൊയോട്ടയുടെ കീഴിൽ പ്രവർത്തിക്കുന്ന ലക്ഷ്വറി ബ്രാൻഡ് ലെക്സസിന്റെ എസ്യുവി ശ്രേണിയിലെ ഏറ്റവും വിലക്കുറവുള്ള മോഡലായ NX 350hന്റെ പുതിയ പതിപ്പ് ഇന്ത്യൻ വിപണിയിലെത്തി. എക്സ്ക്വിസിറ്റ്, എക്സ്ക്ലൂസിവ്, എഫ്-സ്പോർട്ട് എന്നിങ്ങനെ മൂന്ന് പതിപ്പുകളിൽ വില്പനക്കെത്തിയിരിക്കുന്ന 2022 ലെക്സസ് NX 350hന് 64.90 ലക്ഷം മുതൽ 71.60 ലക്ഷം വരെയാണ് എക്സ്-ഷോറൂം വില. അഞ്ചാം തലമുറ ടൊയോട്ട RAV4 എസ്യുവി (ഇന്ത്യയിലില്ല) അടിസ്ഥാനമായ ടൊയോട്ട ന്യൂ ഗ്ലോബൽ ആർക്കിടെക്ചർ (TNGA-L) പ്ലാറ്റ്ഫോമിലാണ് പുതിയ ലെക്സസ് NX 350h അടിസ്ഥാനപ്പെടുത്തിയിരിക്കുന്നത്. കാലോചിതമായ കൂടുതൽ ഷാർപ്പായ ഡിസൈൻ, കൂടുതൽ ഫീച്ചറുകൾ എന്നിവ 2022 ലെക്സസ് NX 350hന്റെ സ്വീകാര്യത വർദ്ധിപ്പിക്കുന്നു.
ലെക്സസ് വാഹനങ്ങളുടെ മുഖമുദ്രയായ സ്പിൻഡിൽ ഗ്രിൽ ആധുനിക ഭാവത്തോടെ കറുപ്പിൽ പൊതിഞ്ഞാണ് പുതിയ NX 350hൽ ഉൾപ്പെടുത്തിയിരിക്കുന്നത്. എൽ-ആകൃതിയിലുള്ള ഡേടൈം റണ്ണിങ് ലാമ്പുകൾ ചേർന്ന ഹെഡ്ലാമ്പുകൾ, ഫോഗ് ലാമ്പുകളോട് കൂടിയ C- ആകൃതിയിലുള്ള എയർ ഇൻടേക്കുകൾ എന്നിവ എസ്യുവിയുടെ മുൻകാഴ്ചയിൽ സ്പോർട്ടി ലുക്ക് നൽകുന്നു. പുറകിൽ L ആകൃതിയിലുള്ള ടെയിൽലൈറ്റുകൾ യോജിപ്പിച്ച് നീളമേറിയ ലൈറ്റ് ബാർ ക്രമീകരിച്ചിട്ടുണ്ട്. 4,661 എംഎം നീളവും 1,865 എംഎം വീതിയും 1,661 എംഎം ഉയരവും 2,690 എംഎം വീൽബേസും 2022 ലെക്സസ് NX 350hനുണ്ട്.
Tazuna കൺസെപ്റ്റിനെ അടിസ്ഥാനമാക്കി തയ്യാറാക്കിയ ക്യാബിനാണ് 2022 ലെക്സസ് NX 350hന്. ആപ്പിൾ കാർപ്ലേയ്, ആൻഡ്രോയിഡ് ഓട്ടോ പിന്തുണയുള്ള 9.8 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം ഡാഷ്ബോർഡിന്റെ നടുക്കായി സ്ഥാനം പിടിച്ചിട്ടുണ്ട്. 14 ഇഞ്ച് നാവിഗേഷൻ സിസ്റ്റം, വയർലെസ് ചാർജിംഗ്, 10 സ്പീക്കറുകളുള്ള പ്രീമിയം സൗണ്ട് സിസ്റ്റം, ഓട്ടോ ക്ലൈമറ്റ് കൺട്രോൾ, പവർഡ് ഫ്രണ്ട് സീറ്റുകൾ എന്നിങ്ങനെ നിരവധി ഫീച്ചറുകളും 2022 ലെക്സസ് NX 350hൽ ഉൾക്കൊള്ളിച്ചിട്ടുണ്ട്.
പെട്രോൾ-ഇലക്ട്രിക് ഹൈബ്രിഡ് പവർട്രെയിനാണ് NX 350hന്. 192 എച്ച്പി പുറപ്പെടുവിക്കുന്ന 2.5 ലിറ്റർ അറ്റ്കിൻസൺ സൈക്കിൾ എൻജിനാണ്. ഈ എൻജിൻ ഫ്രണ്ട്, റിയർ ആക്സിലുകളിലെ ഇലക്ട്രിക്ക് മോട്ടോറുകളുമായി ബന്ധിപ്പിച്ചിരിക്കുന്നു. 244 എച്ച്പിയാണ് ഹൈബ്രിഡ് സംവിധാനത്തിന്റെ സംയോജിത ഔട്ട്പുട്ട്. 6-സ്റ്റെപ്പ് e-CVT ഗിയർബോക്സായാണ് എൻജിൻ ബന്ധിപ്പിച്ചിരിക്കുന്നത്.
വിപണിയിൽ ഔഡി Q5, അടുത്തിടെ മുഖം മിനുക്കിയ ബിഎംഡബ്ള്യു X3, മെഴ്സിഡസ്-ബെൻസ് GLC, വോൾവോ XC60 എന്നിവയാണ് 022 ലെക്സസ് NX 350hന്റെ എതിരാളികൾ.
ലെക്സസ് വാഹനങ്ങളുടെ മുഖമുദ്രയായ സ്പിൻഡിൽ ഗ്രിൽ ആധുനിക ഭാവത്തോടെ കറുപ്പിൽ പൊതിഞ്ഞാണ് പുതിയ NX 350hൽ ഉൾപ്പെടുത്തിയിരിക്കുന്നത്. എൽ-ആകൃതിയിലുള്ള ഡേടൈം റണ്ണിങ് ലാമ്പുകൾ ചേർന്ന ഹെഡ്ലാമ്പുകൾ, ഫോഗ് ലാമ്പുകളോട് കൂടിയ C- ആകൃതിയിലുള്ള എയർ ഇൻടേക്കുകൾ എന്നിവ എസ്യുവിയുടെ മുൻകാഴ്ചയിൽ സ്പോർട്ടി ലുക്ക് നൽകുന്നു. പുറകിൽ L ആകൃതിയിലുള്ള ടെയിൽലൈറ്റുകൾ യോജിപ്പിച്ച് നീളമേറിയ ലൈറ്റ് ബാർ ക്രമീകരിച്ചിട്ടുണ്ട്. 4,661 എംഎം നീളവും 1,865 എംഎം വീതിയും 1,661 എംഎം ഉയരവും 2,690 എംഎം വീൽബേസും 2022 ലെക്സസ് NX 350hനുണ്ട്.
Tazuna കൺസെപ്റ്റിനെ അടിസ്ഥാനമാക്കി തയ്യാറാക്കിയ ക്യാബിനാണ് 2022 ലെക്സസ് NX 350hന്. ആപ്പിൾ കാർപ്ലേയ്, ആൻഡ്രോയിഡ് ഓട്ടോ പിന്തുണയുള്ള 9.8 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം ഡാഷ്ബോർഡിന്റെ നടുക്കായി സ്ഥാനം പിടിച്ചിട്ടുണ്ട്. 14 ഇഞ്ച് നാവിഗേഷൻ സിസ്റ്റം, വയർലെസ് ചാർജിംഗ്, 10 സ്പീക്കറുകളുള്ള പ്രീമിയം സൗണ്ട് സിസ്റ്റം, ഓട്ടോ ക്ലൈമറ്റ് കൺട്രോൾ, പവർഡ് ഫ്രണ്ട് സീറ്റുകൾ എന്നിങ്ങനെ നിരവധി ഫീച്ചറുകളും 2022 ലെക്സസ് NX 350hൽ ഉൾക്കൊള്ളിച്ചിട്ടുണ്ട്.
പെട്രോൾ-ഇലക്ട്രിക് ഹൈബ്രിഡ് പവർട്രെയിനാണ് NX 350hന്. 192 എച്ച്പി പുറപ്പെടുവിക്കുന്ന 2.5 ലിറ്റർ അറ്റ്കിൻസൺ സൈക്കിൾ എൻജിനാണ്. ഈ എൻജിൻ ഫ്രണ്ട്, റിയർ ആക്സിലുകളിലെ ഇലക്ട്രിക്ക് മോട്ടോറുകളുമായി ബന്ധിപ്പിച്ചിരിക്കുന്നു. 244 എച്ച്പിയാണ് ഹൈബ്രിഡ് സംവിധാനത്തിന്റെ സംയോജിത ഔട്ട്പുട്ട്. 6-സ്റ്റെപ്പ് e-CVT ഗിയർബോക്സായാണ് എൻജിൻ ബന്ധിപ്പിച്ചിരിക്കുന്നത്.
വിപണിയിൽ ഔഡി Q5, അടുത്തിടെ മുഖം മിനുക്കിയ ബിഎംഡബ്ള്യു X3, മെഴ്സിഡസ്-ബെൻസ് GLC, വോൾവോ XC60 എന്നിവയാണ് 022 ലെക്സസ് NX 350hന്റെ എതിരാളികൾ.