അഞ്ച് ക്യാമറകളുമായി എൽജി വി40 തിങ്ക് അവതരിച്ചു

അഞ്ച് ക്യാമറകളുമായി എൽജിയുടെ പുതിയ വി40 തിങ്ക് സ്മാർട്ട്ഫോൺ അവതരിച്ചു. 900 ഡോളറാണ് ഈ സ്മാർട്ട്ഫോണിന്‍റെ വില. അതായത് ഇന്ത്യയിൽ ഏതാണ്ട് 66,370 രൂപയോളം വില വരും. അമേരിക്കയിലാണ് ആദ്യാവതരണം നടത്തിയിരിക്കുന്നത്. ഈ മാസം അവസാനത്തോടെ മറ്റു വിപണിയിലേക്കും ഫോൺ എത്തിയേക്കും.

സാംസങ് ഗാലക്സി നോട്ട് 9, പുതിയ ഐഫോൺ മോഡലുകൾ എന്നിവയുമായി മത്സരിക്കുന്നതിന് വേണ്ടിയാണ് എൽജി പുതിയ വി40 തിങ്ക് സ്മാർട്ട്ഫോണിനെ അവതരിപ്പിച്ചിരിക്കുന്നത്. ട്രിപ്പിൾ റിയർ ക്യാമറകളും ഡ്യുവൽ സെൽഫി ക്യാമറകളുമാണ് വി40 തിങ്ക് സ്മാർട്ട്ഫോണിന്‍റെ പ്രധാന ഹൈലേറ്റ്. അറോറ ബ്ലാക്ക്, മോറോക്കൻ ബ്ലൂ എന്നീ രണ്ട് നിറങ്ങളിലാണ് സ്മാർട്ട്ഫോൺ ലഭ്യമാവുക. കൂടുതൽ സവിശേഷതകൾ അറിയാം.

6.4 ഇഞ്ച് ഒഎൽഇഡി ഡിസ്പ്ലെ

ആൻഡ്രോയിഡ് 8.1 ഓറിയോ

ക്വാൽകം സ്നാപ്ഡ്രാഗൺ 845 പ്രോസസർ

6GB റാം

64GB സ്റ്റോറേജ്

12MP/16MP/12MP റിയർ ക്യാമറ

8MP/5MP ഫ്രണ്ട് ക്യാമറ

3300 mAh ബാറ്ററി