കമ്പനിയുടെ ജി-സീരിസ് ഫോണുകൾക്ക് പകരം വെയ്ക്കാൻ കഴിയുന്ന അപ്പർ മിഡ് റേഞ്ച് ഫോണായിരിക്കും വെൽവെറ്റ്.
എൽജി വെൽവെറ്റ് വില
KRW 899,800 (ഏകദേശം 55,700 ഇന്ത്യൻ രൂപ) ആയിരിക്കും എൽജി വെൽവെറ്റ് ഫോണിന്റെ വില എന്നാണ് കമ്പനി പറയുന്നത്. വിവിധ റാം, സ്റ്റോറേജ് കോണ്ഫിഗറേഷനുകളിൽ പുറത്തിറങ്ങുന്നതുകൊണ്ടുതന്നെ ഈ വില ആരംഭ വില ആയിരിക്കും. അതേസമയം ഇന്ത്യയിൽ ഫോണിന് എത്ര രൂപ വില വരും എന്ന കാര്യം കമ്പനി അറിയിച്ചിട്ടില്ല. മെയ് 7നാണ് ഫോണിന്റെ ലോഞ്ച് നടക്കുക.
എൽജി വെൽവെറ്റിന്റെ വില്പന മെയ് 15 മുതലാണ് സൗത്ത് കൊറിയയിൽ ആരംഭിക്കുക. മെയ് 8 മുതൽ മെയ് 14 വരെ ഫോണിന്റെ പ്രീ-സെയിലും നടക്കും. ഈ പ്രീ-സെയിലിൽ പങ്കെടുക്കുന്ന ഉപഭോക്താക്കൾക്ക് സമ്മാനങ്ങളും എൽജി നൽകുന്നുണ്ട്. മൂന്ന് സൗത്ത് കൊറിയൻ മൊബൈൽ കമ്മ്യൂണിക്കേഷൻ കമ്പനികളുമായി ചേർന്നാണ് ഓഫറുകളും ഡിസ്കൗണ്ടുകളും എൽജി നൽകുക.
Best Smartphones: സ്റ്റോറേജ് 128 ജിബി, വില ഇരുപതിനായിരത്തിൽ താഴെ
എൽജി വെൽവെറ്റ് സ്പെസിഫിക്കേഷൻസ്
ലോഞ്ചിന് മുൻപ് തന്നെ ഫോണിന്റെ സ്പെസിഫിക്കേഷനുകൾ ലീക്കായിട്ടുണ്ട്. കൊറിയയിൽ അറോറ വൈറ്റ്, അറോറ ഗ്രീൻ, അറോറ ഗ്രേ, ഇല്യൂഷൻ സൺസെറ്റ് എന്നീ നിറങ്ങളിലാണ് ഫോൺ ഇറങ്ങുക. 6.8-ഇഞ്ചുള്ള സിനിമ ഫുൾവിഷൻ ഡിസ്പ്ലേ ആയിരിക്കും ഹാൻഡ്സെറ്റിനുണ്ടാവുക. 20.5:9 ആയിരിക്കും ആസ്പെക്ട് അനുപാതം. ക്വാൽകോമിന്റെ സ്നാപ്ഡ്രാഗൺ 765G ഒക്ട -കോർ പ്രൊസസർ ആയിരിക്കും ഫോണിന് ശക്തി പകരുക. വെൽവെറ്റിൽ ഇൻ-ഡിസ്പ്ലേ ഫിംഗർപ്രിന്റ് സ്കാനറും എൽജി നൽകും. 4,300mAh ആയിരിക്കും ബാറ്ററി.
ഫോൺ ചാർജ് ചെയ്ത് മടുത്തോ? ഇതാ കിടിലൻ ബാറ്ററിയുള്ള ഫോണുകൾ
ക്യാമറ & സ്റ്റോറേജ്
48 എംപി ആയിരിക്കും എൽജി വെൽവെറ്റ് ഫോണിലെ പ്രധാന സെൻസർ. 8 എംപി അൾട്രാവൈഡ് സെൻസർ, 5 എംപി ഡെപ്ത് സെൻസർ എന്നിവ കൂടി അടങ്ങുന്നതായിരിക്കും പിൻക്യാമറ സംവിധാനം. സാംസങ് ഐസോസെൽ ബ്രൈറ്റ് GM2 ആയിരിക്കും പ്രധാന സെൻസർ എന്നാണ് പ്രതീക്ഷിക്കുന്നത്. 16 എംപി സെൽഫി ഷൂട്ടർ ആയിരിക്കും മുൻവശത്തുള്ളത്.
8 ജിബി റാമും 128 ജിബി സ്റ്റോറേജുമാണ് വെൽവെറ്റിലുണ്ടാവുക. ഒരു മൈക്രോഎസ്ഡി കാർഡിന്റെ സഹായത്തോടെ ഈ സ്റ്റോറേജ് 2 ടിബി വരെ വികസിപ്പിക്കാനും കഴിയും. സ്റ്റീരിയോ സ്പീക്കറുകളും വാട്ടർ ഡസ്റ്റ് റസിസ്റ്റൻസിന് IP68 റേറ്റിങ്ങും ഫോണിലുണ്ടാവും. MIL-STD റേറ്റിങ്ങും വെൽവെറ്റിനുണ്ടാവും. 167.2x74.1x7.9mm ആയിരിക്കും ഫോണിന്റെ വലിപ്പം. 180 ഗ്രാം ആയിരിക്കും ഭാരം.