ഫേസ്ബുക്ക് മേധാവിയുടെ സുരക്ഷയ്ക്കായി മുടക്കുന്നത് വൻ തുക

സാൻഫ്രാൻസിസ്കോ: ഫേസ്ബുക്ക് മേധാവി മാർക്ക് സക്കർബർഗിന്റെ സുരക്ഷയ്ക്കായി കമ്പനി മുടക്കുന്നത് വൻതുക. 2018ൽ സക്കർബർഗിന്റെ സുരക്ഷയ്ക്കായി 22.6 മില്ല്യൺ ഡോളറാണ് ചെലവഴിച്ചതായാണ് റിപ്പോർട്ടുകൾ വ്യക്തമാക്കുന്നത്. വെള്ളിയാഴ്ചയാണ് ഫേസ്ബുക്ക് ഇതുസംബന്ധിച്ച കണക്ക് പുറത്തുവിട്ടത്. ഒരു ഡോളർ മാത്രമാണ് സക്കർബർഗിന്റെ അടിസ്ഥാന ശമ്പളം. എന്നാൽ ഏകദേശം 20 മില്ല്യൺ ഡോളറാണ് കമ്പനി മേധാവിയുടെയും കുടുംബത്തിന്റെയും സുരക്ഷയ്ക്കായി ചെലവഴിക്കുന്നത്. അതേസമയം സക്കർബർഗിന്റെ പ്രൈവറ്റ് ജെറ്റിനായി 2.6 മില്ല്യൺ ഡോളറാണ് ചെലവഴിക്കുന്നത്. ഇതും സുരക്ഷയുടെ ഭാഗമായാണ് കമ്പനി കരുതുന്നത്.

ഫേസ്ബുക്കിന്റെ ചീഫ് ഓപ്പറേറ്റിങ് ഓഫീസർ ഷെറി സാൻഡ്ബർഗിന് 23.7 മില്ല്യൺ ഡോളറാണ് 2018ൽ ശമ്പളമായി നൽകിയത്. മുൻവർഷം ഇത് 25.2 മില്ല്യൺ ഡോളറായിരുന്നു.