ലോകത്തെ മൂന്നാമത്തെ സമ്പന്നനായി മാര്‍ക്ക് സുക്കര്‍ബര്‍ഗ്

ലോകത്തെ മൂന്നാമത്തെ സമ്പന്ന വ്യക്തിയായി ഫേസ്ബുക്ക് സ്ഥാപകന്‍ മാര്‍ക്ക് സുക്കര്‍ബര്‍ഗ്. അമേരിക്കന്‍ വ്യവസായ പ്രമുഖനായ വാറന്‍ ബുഫറ്റിനെ പിന്തള്ളിയാണ് സുക്കര്‍ബര്‍ഗ് മുന്നില്‍ എത്തിയത്.

ആമസോണ്‍ സഹസ്ഥാപകനായ ജെഫ് ബിസോസ്, മൈക്രോസോഫ്റ്റ് കോര്‍പ്പറേഷന്‍ ഉടമ ബില്‍ ഗേറ്റ്സ് തുടങ്ങിയവരാണ് ഇപ്പോള്‍ സുക്കര്‍ബര്‍ഗിന്‍റെ മുന്നിലുള്ളത്. ബ്ലൂംബര്‍ഗ് ബില്ല്യണയേഴ്സ് ഇന്‍ഡക്സ്‌ പ്രകാരമുള്ള വിവരങ്ങളാണ് ഇപ്പോള്‍ പുറത്തു വന്നിരിക്കുന്നത്.

ചരിത്രത്തില്‍ ആദ്യമായാണ്‌ ടെക്നോളജി രംഗത്ത്‌ നിന്നുള്ളവര്‍ സമ്പദ് പട്ടികയില്‍ ആദ്യ മൂന്നു സ്ഥാനങ്ങളില്‍ ഇടം പിടിക്കുന്നത്. ബെര്‍ക്ക്ഷെയര്‍ ഹാത്ത്വേയുടെ ചെയര്‍മാനായ ബുഫറ്റിനെക്കാളും 373 മില്ല്യന്‍ കൂടുതല്‍ സ്വത്തുണ്ട് സുക്കര്‍ബര്‍ഗിന്.

അതിസമ്പന്നനായിരുന്ന ബുഫറ്റ് തന്‍റെ സമ്പാദ്യത്തില്‍ നിന്നും 290 മില്ല്യനോളം വിവിധ ചാരിറ്റി പ്രവര്‍ത്തനങ്ങള്‍ക്കായി സംഭാവന ചെയ്തിരുന്നു. ബ്ലൂംബര്‍ഗ് ശേഖരിച്ച വിവരങ്ങള്‍ അനുസരിച്ച് സുക്കര്‍ബര്‍ഗും ഫേസ്ബുക്ക് ഓഹരിയുടെ 90% സന്നദ്ധ സേവനങ്ങള്‍ക്കായി ചെലവഴിക്കാന്‍ ഒരുങ്ങുകയാണ്