ഷവോമിയുടെ പുതിയ ഹെഡ്‌ഫോൺ, 7,99 രൂപ മാത്രം

മികച്ച ഓഡിയോ ക്വാളിറ്റി ഇഷ്ടമുള്ളവർക്ക് വേണ്ടി ഷവോമിയുടെ സബ് ബ്രാൻഡായ Mi പുതിയ ഹെഡ്‌ഫോൺ പുറത്തിറക്കി. Mi ഡ്യൂവൽ ഡ്രൈവർ ഇൻ-ഇയർ ഹെഡ്‍ഫോൺ എന്ന് പേരിട്ട ഹെഡ്‍ഫോണിന്‌ 799 രൂപയാണ് വില.

പേര് സൂചിപ്പിക്കുന്നത് പോലെ ഡ്യുവല്‍ ഡ്രൈവര്‍ യൂണിറ്റുമായി വരുന്ന ഇന്ത്യയിലെ ആദ്യത്തെ ഇന്‍ഇയര്‍ ഹെഡ്‌ഫോണാണ് Mi ഡ്യൂവൽ ഡ്രൈവർ ഇൻ-ഇയർ ഹെഡ്‍ഫോൺ. മറ്റ് ഡ്യുവല്‍ ഡ്രൈവര്‍ ഇയര്‍ഫോണുകള്‍ക്ക് സമാനമായി, പുതിയ ഹെഡ്‌ഫോണ്‍ ഒന്നില്‍ കൂടുതല്‍ ഫ്രീക്വൻസികളിൽ ശ്രദ്ധ കേന്ദ്രീകരിക്കുമെന്നും സിംഗിള്‍ ഡ്രൈവര്‍ ഇയര്‍ഫോണുകളില്‍ നിന്ന് വ്യത്യസ്തമായി മിഡ്, ഹൈ ഫ്രീക്വന്‍സികളില്‍ മികച്ച പ്രകടനം ഉറപ്പാക്കുമെന്നും ഷവോമി പറയുന്നു. 10 എംഎം ഡ്രൈവറും 8 എംഎം ഡ്രൈവറും ആണ് ഷവോമി ഇയർഫോണിന് വേണ്ടി ഉപയോഗിച്ചിരിക്കുന്നത്.

പാസീവ് നോയ്‌സ് ക്യാൻസലേഷൻ ഫീച്ചറും ഇയർഫോണിലുണ്ട്. കാന്തികശക്തി ഉപയോഗിച്ചാണ് ഹെഡ്‌ഫോണുകൾ പരസ്പരം കണക്ട് ചെയ്തിരിക്കുന്നത്. അതുകൊണ്ടുതന്നെ വയറുകൾ തമ്മിൽ കെട്ടുപിടിക്കില്ല എന്നാണ് ഷവോമി പറയുന്നത്. പ്ലേബാക്ക് കോൺട്രോൾസിനായി 3-ബട്ടൺ കൺട്രോളർ ആണ് നൽകിയിരിക്കുന്നത്. നീല, കറുപ്പ് നിറങ്ങളിലാണ് Mi ഡ്യൂവൽ ഡ്രൈവർ ഇൻ-ഇയർ ഹെഡ്‍ഫോൺ വാങ്ങാൻ കഴിയുക. മികച്ച ഫിറ്റിങ് ഉറപ്പാക്കാനായി രണ്ട് ജോഡി ഇയർകപ്പ്സും ഷവോമി നൽകുന്നുണ്ട്.