ട്രൂ വയർലെസ്സ് ഇയർഫോണുമായി മൈക്രോമാക്‌സ്; എയർഫങ്ക് 1, പ്രോ വിപണിയിൽ

ഇൻ-ഇയർ ഡിസൈനും മുട്ടയുടെ ആകൃതിയിലുള്ള ചാർജിംഗ് കേസുമായാണ് എയർഫങ്ക് 1 പ്രോ അവതരിപ്പിച്ചിരിക്കുന്നത്. ചുറ്റുമുള്ള അനാവശ്യ ശബ്ദം കുറയ്ക്കുന്ന ക്വാൽകോം ക്ലിയർ വോയ്‌സ് ക്യാപ്‌ചർ (cVc) 8.0 ഫീച്ചർ പ്രോ മോഡലിലുണ്ട്. മാത്രമല്ല 25db വരെ ആംബിയന്റ് കുറയ്ക്കാനും കഴിയും. മികച്ച കോൾ ഗുണനിലവാരത്തിനായി ബ്ലൂടൂത്ത് v5.2, ക്വാഡ് മൈക്രോഫോണുകൾ (ഓരോ ഇയർപീസിലും രണ്ട്), മികച്ച ബാസിനും സ്റ്റീരിയോ ശബ്ദത്തിനും 13 എംഎം ഡൈനാമിക് ഡ്രൈവറുകൾ എന്നിവ എയർഫങ്ക് 1 പ്രോയിലുണ്ട്. എയർഫങ്ക് 1 പ്രോയ്ക്ക് ഒറ്റ ചാർജിൽ 7 മണിക്കൂർ പ്ലേടൈം ആണ് മൈക്രോമാക്‌സ് അവകാശപ്പെടുന്നത്. കേസിനൊപ്പം 32 മണിക്കൂർ പ്ലേബാക്ക് സമയം (നാല് അധിക ചാർജ് സൈക്കിളുകൾ) ലഭിക്കും. 750 മണിക്കൂർ സ്റ്റാൻഡ്ബൈ സമയവുമുണ്ട്.

പാട്ട് പ്ലേ ചെയ്യാനും താൽക്കാലികമായി നിർത്താനും കോളുകൾക്ക് മറുപടി നൽകാനും നിരസിക്കാനും വോയ്‌സ് അസിസ്റ്റന്റിനെ (ഗൂഗിൾ അസിസ്റ്റന്റ്, സിരി) പ്രവർത്തിപ്പിക്കാൻ എയർഫങ്ക് 1 പ്രോയിൽ ടച്ച് ഫീച്ചറുണ്ട്. ചാർജിംഗ് കേസ് യുഎസ്ബി ടൈപ്പ്-സി പോർട്ടിനെ പിന്തുണയ്ക്കുന്നു. ഐപി 44 റേറ്റിംഗിൽ പൊടിയും വെള്ളം പ്രതിരോധിക്കും എയർഫങ്ക് 1 പ്രോ. ഓരോ ഇയർബഡുകളുടെയും ഭാരം 4 ഗ്രാമാണ്.

ഏറെ പുതുമകളുമായി നതിങ് ഇയർ 1 ട്രൂ വയർലെസ്സ് ഇയർഫോൺ ഇന്ത്യയിൽ

എയർഫങ്ക് 1നും ഇൻ-ഇയർ ഡിസൈനാണ്. എയർഫങ്ക് 1 പ്രോയേക്കാൾ അല്പം കൂടെ കോം‌പാക്റ്റ് ഫ്രെയിം ആണ് എയർഫങ്ക് 1ന്. വോയ്‌സ് ചേഞ്ച് ഫംഗ്‌ഷനാണ് എയർഫങ്ക് 1യിലെ രസകരമായ ഫീച്ചർ. ഇത് ഒരു കോൾ സമയത്ത് നിങ്ങളുടെ ശബ്ദം സ്ത്രീകളിൽ നിന്ന് പുരുഷ മോഡുകളിലേക്കും തിരിച്ചും മാറ്റാൻ അനുവദിക്കുന്നു. എയർഫങ്ക് 1ൽ 3D സ്റ്റീരിയോ ശബ്ദവും, 9 എംഎം ഡൈനാമിക് ഡ്രൈവറുകളും, ഹൈ ബാസുമുണ്ട്. ഫുൾ ചാർജ് ചെയ്താൽ 5 മണിക്കൂർ വരെ പ്ലേടൈം എയർഫങ്ക് 1നുണ്ട്. ചാർജിംഗ് കെയ്‌സിൽ 15 മണിക്കൂർ വരെ പ്ലേടൈം (2 അധിക ചാർജ് സൈക്കിളുകൾ), 40 മണിക്കൂർ വരെ സ്റ്റാൻഡ്‌ബൈ സമയം ലഭിക്കും. ബ്ലൂടൂത്ത് V5നെ പിന്തുണയ്ക്കുന്ന ഇയർബഡ്സിന് യുഎസ്ബി ടൈപ്പ്-സി ചാർജിംഗ് പോർട്ടുമുണ്ട്. ഐപി 44 ഡസ്റ്റ് വാട്ടർ റെസിസ്റ്റൻസ് റേറ്റിംഗും എയർഫങ്ക് 1നുണ്ട്. എയർഫങ്ക് 1 പ്രോയ്ക്ക് സമാനമായി പാട്ട് പ്ലേ ചെയ്യാനും താൽക്കാലികമായി നിർത്താനും കോളുകൾക്ക് മറുപടി നൽകാനും നിരസിക്കാനും വോയ്‌സ് അസിസ്റ്റന്റിനെ (ഗൂഗിൾ അസിസ്റ്റന്റ്, സിരി) പ്രവർത്തിപ്പിക്കാൻ ടച് ഫീച്ചർ എയർഫങ്ക് 1ലുമുണ്ട്.