തോക്കില്‍ വെള്ളം നിറയ്ക്കാന്‍ ഫേസ്ബുക്കിന് പിന്നാലെ മൈക്രോസോഫ്റ്റും!

ഇമോജിയില്‍പ്പോലും ഭീകരത ഒഴിവാക്കാന്‍ തീരുമാനിച്ച് മൈക്രോസോഫ്റ്റും രംഗത്ത്. തോക്ക് ഇമോജി എടുത്തു മാറ്റി പകരം വാട്ടര്‍ഗണ്‍ ആക്കാനാണ് തീരുമാനം. ട്വീറ്റിലൂടെയാണ് മൈക്രോസോഫ്റ്റ് പുതിയ തീരുമാനം അറിയിച്ചത്. പുതിയ ഇമോജിയുടെ ചിത്രവും അവര്‍ പങ്കു വച്ചിട്ടുണ്ട്.

ഗൂഗിളും ഫേസ്ബുക്കും ഈയടുത്ത് തോക്ക് ഇമോജി എടുത്തു മാറ്റിയിരുന്നു. ആപ്പിളാണ് 2016 ല്‍ ഈ മാറ്റം ആദ്യം കൊണ്ടുവന്നത്. തുടര്‍ന്ന്, സാംസംഗ്, ട്വിറ്റര്‍, ഗൂഗിള്‍, വാട്സാപ്പ് തുടങ്ങിയ കമ്പനികള്‍ എല്ലാം തന്നെ ഇത് ഏറ്റെടുത്തു.

വിന്‍ഡോസ് 10 പ്ലാറ്റ്ഫോമില്‍ പുതിയ മാറ്റം എപ്പോള്‍ ദൃശ്യമാകുമെന്ന് മൈക്രോസോഫ്റ്റ് അറിയിച്ചിട്ടില്ല