ലെനോവോയുടെ സബ് ബ്രാൻഡായി പ്രവർത്തനം ആരംഭിച്ച മോട്ടോറോള ജർമനിയിൽ പുതിയ ഹാൻഡ്സെറ്റ് ലോഞ്ച് ചെയ്തു. കമ്പനി മുൻപ് പുറത്തിറക്കിയ മോട്ടോ ജി സ്റ്റൈലസ് ഫോണിന്റെ റീബ്രാൻഡഡ് വേർഷൻ എന്ന് തോന്നിപ്പിക്കുന്ന പുതിയ ഹാൻഡ്സെറ്റിൽ ട്രിപ്പിൾ റിയർ ക്യാമറ സംവിധാനമാണ് നൽകിയിരിക്കുന്നത്. മോട്ടോ ജി പ്രൊ സ്മാർട്ഫോണിന് കരുത്തു പകരുന്നത് ക്വാൽകോമിന്റെ സ്നാപ്ഡ്രാഗൺ 665 ചിപ്സെറ്റ് ആണ്. ഒരു സ്റ്റൈലസും ഫോണിലുണ്ട്.
EUR 329 ആണ് മോട്ടോ ജി പ്രൊ ഫോണിന്റെ വില. ഏകദേശം 27,400 ഇന്ത്യൻ രൂപ വരുമിത്. സിംഗിൾ 4 ജിബി റാം, 128 ജിബി സ്റ്റോറേജ് ഓപ്ഷന് ആണ് ഈ വില വരുന്നത്. ഹാൻഡ്സെറ്റ് ഇന്ത്യയിൽ ലോഞ്ച് ചെയ്യുമോ എന്ന കാര്യം കമ്പനി അറിയിച്ചിട്ടില്ല. ജി പ്രൊ ഫോണിന്റെ വില്പന ജൂൺ ആദ്യവാരം ആരംഭിക്കും. മിസ്റ്റിക് ഇൻഡിഗോ കളർ ഓപ്ഷനിലാണ് മോട്ടോ ജി പ്രൊ വാങ്ങാൻ കഴിയുക.
ഗൂഗിൾ മാപ്പും പ്ലേ സ്റ്റോറുമില്ലാത്ത ഫോൺ ഇറങ്ങി, വിലയറിയേണ്ടേ?
ഈ വർഷം ഫെബ്രുവരിയിലാണ് മോട്ടോ ജി സ്റ്റൈലസ് കമ്പനി ലോഞ്ച് ചെയ്തത്. ഇപ്പോൾ $299 (ഏകദേശം ഇന്ത്യൻ രൂപ 22,600) ആണ് ഹാൻഡ്സെറ്റിന്റെ വില.
മോട്ടോ ജി പ്രൊ സ്പെസിഫിക്കേഷൻസ്
ആൻഡ്രോയിഡ് 10 സ്റ്റോക്ക് ആൻഡ്രോയിഡ് അടിസ്ഥാനമാക്കിയുള്ള ആൻഡ്രോയിഡ് വൺ പ്ലാറ്റ്ഫോമിലാണ് മോട്ടോ ജി പ്രൊ പ്രവർത്തിക്കുന്നത്. 6.4-ഇഞ്ചുള്ള ഫുൾ-HD+ മാക്സ് വിഷൻ ഡിസ്പ്ലേ ആണ് ഫോണിലുള്ളത്. 1080 x 2300 പിക്സലുകൾ ആണ് റസല്യൂഷൻ. ക്വാൽകോമിന്റെ സ്നാപ്ഡ്രാഗൺ 665 SoC ആണ് ഫോണിലുള്ളത്. 4 ജിബി റാമുമായും 128 ജിബി ഇന്റേണൽ സ്റ്റോറേജുമായും ഇത് പെയർ ചെയ്തിട്ടുണ്ട്. ഒരു മൈക്രോഎസ്ഡി കാർഡിന്റെ സഹായത്തോടെ ഈ സ്റ്റോറേജ് 512 ജിബി വരെ വർധിപ്പിക്കാനും കഴിയും.
മൂന്ന് റാം,സ്റ്റോറേജ് ഓപ്ഷനിൽ ഹോണർ X10 പുറത്തിറങ്ങി
48-മെഗാപിക്സൽ പ്രധാന സെൻസർ, 16-മെഗാപിക്സൽ അൾട്രാ-വൈഡ് സെൻസർ, 2-മെഗാപിക്സൽ മാക്രോ സെൻസർ എന്നിവ അടങ്ങുന്ന ട്രിപ്പിൾ റിയർ ക്യാമറ സംവിധാനമാണ് ഹാൻഡ്സെറ്റിലുള്ളത്. റിയർ ക്യാമറ മോഡ്യൂളിൽ ടൈം-ഓഫ്-ഫ്ലൈറ്റ് (ToF) സെൻസറുമുണ്ട്. സെൽഫികൾക്കായി മോട്ടോ ജി പ്രോയിൽ 16-മെഗാപിക്സൽ ഫ്രന്റ് ക്യാമറ ആണ് നൽകിയിരിക്കുന്നത്.
15W ടർബോ പവർ ചാർജിങ് സപ്പോർട്ട് ചെയ്യുന്ന 4,000mAh ബാറ്ററി ആണ് മോട്ടോ ജി പ്രോയിലുള്ളത്.