മോട്ടോറോളയുടെ G8 ലൈനപ്പിൽ പുതിയ ഫോണെത്തി. മോട്ടോ G8 പവർ ലൈറ്റ് എന്ന ഹാൻഡ്സെറ്റ് ആണ് ഇന്ത്യയിൽ മോട്ടോറോള പുതിയതായി അവതരിപ്പിച്ചിരിക്കുന്നത്. ഒരു തവണ ചാർജ് ചെയ്താൽ 35 ദിവസം സ്റ്റാൻഡ്ബൈ ടൈം ലഭിക്കുന്ന, രണ്ട് ദിവസം ഉപയോഗിക്കാൻ കഴിയുന്ന 5000mAh ബാറ്ററി ആണ് ഫോണിന്റെ പ്രധാന ആകർഷണം എന്നാണ് കമ്പനി അവകാശപ്പെടുന്നത്.
ഗൂഗിൾ മാപ്പും പ്ലേ സ്റ്റോറുമില്ലാത്ത ഫോൺ ഇറങ്ങി, വിലയറിയേണ്ടേ?
ട്രിപ്പിൾ റിയർ ക്യാമറ സംവിധാനവും വാട്ടർ റിപ്പലന്റ് ഡിസൈനുമാണ് മോട്ടോ G8 പവർ ലൈറ്റിനുള്ളത്. പെട്ടന്ന് തെന്നി വെള്ളത്തിൽ വീണാലും ചെറുതായി മഴ നനഞ്ഞാലും ഫോണിന് അപകടമൊന്നും പറ്റില്ല എന്ന് ചുരുക്കം.
റോയൽ ബ്ലൂ, ആർക്ടിക് ബ്ലൂ എന്നിങ്ങനെ രണ്ട് നിറങ്ങളിലാണ് ഹാൻഡ്സെറ്റ് വാങ്ങാനാവുക. മെയ് 29 മുതൽ ഫ്ലിപ്കാർട്ടിലൂടെയാണ് ഹാൻഡ്സെറ്റിന്റെ വില്പന നടക്കുക. 8,999 രൂപയാണ് മോട്ടോ G8 പവർ ലൈറ്റിന്റെ വില.
ട്രിപ്പിൾ റിയർ ക്യാമറകളും 4,000mAh ബാറ്ററിയുമായി ഹ്യുവായ് Y8p
മോട്ടോ G8 പവർ ലൈറ്റ് സ്പെസിഫിക്കേഷൻസ്
ഡിസ്പ്ലേ: 6.5-ഇഞ്ച് HD+ ഡിസ്പ്ലേ, 20:9 ആസ്പെക്ട് അനുപാതം, റസല്യൂഷൻ 1600×720 പിക്സൽ
പ്രൊസസർ: ഒക്ട-കോർ മീഡിയടേക് ഹീലിയോ P35 പ്രൊസസർ, IMG PowerVR GE8320 GPU
റാം: 4 ജിബി
സ്റ്റോറേജ്: 64 ജിബി, മൈക്രോഎസ്ഡി കാർഡ് ഉപയോഗിച്ച് 256 ജിബി വരെ വികസിപ്പിക്കാം
ഓപ്പറേറ്റിംഗ് സിസ്റ്റം: ആൻഡ്രോയിഡ് 9 പൈ
റിയർ ക്യാമറകൾ: എൽഇഡി ഫ്ലാഷുള്ള 16-മെഗാപിക്സൽ റിയർ ക്യാമറ (f/2.0 അപ്പർച്ചർ) 2-മെഗാപിക്സൽ മാക്രോ സെൻസർ, 2-മെഗാപിക്സൽ ഡെപ്ത് സെൻസർ
ഫ്രന്റ് ക്യാമറ: 8-മെഗാപിക്സൽ സെൽഫി ക്യാമറ
ബാറ്ററി: 10W റാപിഡ് ചാർജിങ് ഉള്ള 5000mAh ബാറ്ററി
മറ്റ് ഫീച്ചറുകൾ: ഡ്യൂവൽ 4G വോൾട്ടെ, വൈഫൈ 802.11 b/g/n, ബ്ലൂടൂത്ത് 4.2, 3.5mm ഹെഡ്ഫോൺ ജാക്ക്, FM റേഡിയോ, ഫിംഗർപ്രിന്റ് സ്കാനർ, സ്പ്ലാഷ് റെസിസ്റ്റൻസ്, GPS + ഗ്ലോനാസ്, മെെക്രോ USB പോർട്ട്