5,000mAh ബാറ്ററിയുമായി മോട്ടോ G8 പവർ ലൈറ്റ് ഫോൺ

ലെനോവയുടെ ഉടമസ്ഥതയിലുള്ള സ്മാർട്ഫോൺ ബ്രാൻഡായ മോട്ടോറോള മോട്ടോ G8 പവർ ലൈറ്റ് ഫോൺ പുറത്തിറക്കി. 16-മെഗാപിക്സൽ പ്രധാന സെൻസറുള്ള ട്രിപ്പിൾ റിയർ ക്യാമറ സംവിധാനവും 5,000mAh ബാറ്ററിയുമാണ് ഹാൻഡ്‌സെറ്റിന്റെ പ്രധാന ആകർഷണം.

വാട്ടർഡ്രോപ്പ് സ്റ്റൈലിലുള്ള 6.5-ഇഞ്ചുള്ള HD+ ഡിസ്പ്ലേ ആണ് മോട്ടോ G8 പവർ ലൈറ്റിനുള്ളത്. മീഡിയടേക് ഹീലിയോ P35 SoC പ്രൊസസർ ആണ് ഹാൻഡ്സെറ്റിനുള്ളത്. കഴിഞ്ഞ മാസം കമ്പനി ലോഞ്ച് ചെയ്ത മോട്ടോ G പവറിന്റെ അടിസ്ഥാന ഫീച്ചറുകൾ മാത്രമുള്ള ഫോണാണ് മോട്ടോ G8 പവർ ലൈറ്റ്. ആൻഡ്രോയിഡ് 9 പൈ സോഫ്റ്റ്‌വെയർ അടിസ്ഥാനമാക്കിയാണ് ഹാൻഡ്‌സെറ്റ് പ്രവർത്തിക്കുന്നത്. മൈക്രോ-യുഎസ്ബി പോർട്ടുമുണ്ട്.

മോട്ടോ G8 പവർ ലൈറ്റ് വില, ലഭ്യത
മോട്ടോ G8 പവർ ലൈറ്റ് ഫോണിന് EUR 169 (ഏകദേശം 13,900 ഇന്ത്യൻ രൂപ) ആണ് വില വരുന്നത്. ആദ്യം മെക്സിക്കോയിലാണ് ഫോൺ എത്തുക, പിന്നീട് ജർമനിയിലും ഫോൺ ഇറങ്ങും. ലാറ്റിൻ അമേരിക്ക, യൂറോപ്പ്, ഏഷ്യ, ഓസ്ട്രേലിയ എന്നിവിടങ്ങളിലെ രാജ്യങ്ങളിൽ വരുന്ന ആഴ്ചകളിൽ ഫോൺ വില്പനയ്‌ക്കെത്തും. ആർക്ടിക് ബ്ലൂ, റോയൽ ബ്ലൂ ഓപ്‌ഷനുകളിലാണ് ഹാൻഡ്‌സെറ്റ് വാങ്ങാനാവുക.
അടിപൊളി ക്യാമറ, 16 ജിബി റാം, 100X സ്‌പെയ്‌സ് സൂം: ഗാലക്‌സി S20 സീരിസിന്റെ വിലയറിയേണ്ട?

മോട്ടോ G8 പവർ ലൈറ്റ് സ്പെസിഫിക്കേഷൻസ്
6.5-ഇഞ്ചുള്ള (729x1600 പിക്സൽ) IPS LCD ഡിസ്പ്ലേ ആണ് ഫോണിന്റേത്. വാട്ടർഡ്രോപ് സ്റ്റൈൽ നോച്ചുള്ള ഡിസ്‌പ്ലേയുടെ ആസ്പെക്ട് അനുപാതം 20:9 ആണ്. 269ppi ആണ് പിക്സൽ ഡെൻസിറ്റി. 4 ജിബി റാമുമായി പെയർ ചെയ്തിട്ടുള്ള 2.3GHz മീഡിയടേക് ഹീലിയോ P35 SoC ആണ് ഫോണിന്റെ ഹൃദയം. 64 ജിബി ആണ് ഇൻബിൽഡ്‌ സ്റ്റോറേജ്. ഒരു മൈക്രോഎസ്ഡി കാർഡിന്റെ സഹായത്തോടെ ഈ സ്റ്റോറേജ് 256 ജിബി വരെ വർധിപ്പിക്കാൻ കഴിയും.

ട്രിപ്പിൾ റിയർ ക്യാമറ സംവിധാനമാണ് മോട്ടോ G8 പവർ ലൈറ്റിനുള്ളത്. 16-മെഗാപിക്സൽ പ്രധാന സെൻസർ, 2-മെഗാപിക്സൽ മാക്രോ ലെൻസ്, 2-മെഗാപിക്സൽ ഡെപ്ത് സെൻസർ എന്നിവ അടങ്ങുന്നതാണ് ഈ ക്യാമറ സജ്ജീകരണം. HDR, ബ്യൂട്ടി മോഡ്, ഡ്യൂവൽ ക്യാമറ ബ്ലർ എഫക്ട്, ടൈമർ, പനോരമ, ഗൂഗിൾ ലെൻസ് ഇന്റഗ്രേഷൻ എന്നീ ക്യാമറ ഫീച്ചറുകളുണ്ട്. മുൻവശത്ത് സെൽഫികൾക്കായി 8-മെഗാപിക്സൽ ക്യാമറയാണുള്ളത്.

ജിഎസ്ടി വില കൂട്ടി, എങ്കിലും ലോക്ക് ഡൗണിന് ശേഷം വാങ്ങാം ഈ ഫോണുകൾ

10W ഫാസ്റ്റ് ചാർജിങ് സപ്പോർട്ടുള്ള 5,000mAh ബാറ്ററി ആണ് ഫോണിന്റേത്. 19 മണിക്കൂർ വീഡിയോ പ്ലേ ചെയ്താലും, 100 മണിക്കൂർ ഓഡിയോ പ്ലേ ബാക്കും ഈ ബാറ്ററി നൽകും. 4G LTE, മൈക്രോ-USB പോർട്ട്, 3.5mm ഓഡിയോ ജാക്ക്, ബ്ലൂടൂത്ത് v4.2, വൈഫൈ 802.11 b/g/n, ജിപിഎസ്, എ-ജിപിഎസ്, ഗ്ലോനാസ് തുടങ്ങിയ കണക്ടിവിറ്റി സൗകര്യങ്ങളാണ് ഫോണിലുള്ളത്. 164.94x75.76x9.2mm ആണ് ഹാൻഡ്‌സെറ്റിന്റെ നീളം. ഭാരം 200 ഗ്രാം വരും. വെള്ളത്തെ പ്രതിരോധിക്കുന്ന ഡിസൈനാണ് ഫോണിന്റെ. റിയർ ഫിംഗർപ്രിന്റ് സെൻസറും ബോർഡിലുണ്ട്.