മോട്ടോ ടാബിനെ അവതരിപ്പിച്ച് ലെനോവോ

മോട്ടോറോള ബ്രാൻഡിൽ പുതിയൊരു ടാബ്‍ലെറ്റിനെ പുറത്തിറക്കിയിരിക്കുകയാണ് ലെനോവോ. മോട്ടോ ടാബ് എന്ന പേരിൽ അമേരിക്കയിലാണ് അവതരണം നടത്തിയിരിക്കുന്നത്. 299.99 ഡോളര്‍ അതായത് ഏതാണ്ട് 19,650 രൂപയായിരിക്കും ഈ ടാബ്‍ലെറ്റിന്‍റെ വില. നവംബർ 17 മുതലാണ് ഈ സ്മാർട്ട്ഫോണിന്‍റെ വിതരണമാരംഭിക്കുക.

വിനോദത്തിനായി രൂപകല്‍പ്പന ചെയ്ത കുടുംബ ടാബ്‍ലെറ്റ് എന്ന പേരിലാണ് മോട്ടോ ടാബിനെ അവതരിപ്പിച്ചിരിക്കുന്നത്. ഡോള്‍ബി അറ്റ്‌മോസ് സൗണ്ടോടു കൂടിയ ഇരട്ട സ്പീക്കര്‍റോടു കൂടിയാണ് ടാബ്‍ലെറ്റ് എത്തിയിരിക്കുന്നത്. ഫുള്‍ സൈസ് ബ്ലൂടൂത്ത് കീബോര്‍ഡ്, ലെനോവ ഹോം അസ്സിസ്റ്റന്റ് ഡോക് തുടങ്ങിയ ആക്സസറികളും ലഭ്യമാക്കിയിട്ടുണ്ട്.

സവിശേഷതകൾ

2.0GHz ഓക്ട കോർ ക്വാൽകം സ്നാപ്ഡ്രാഗൺ 625 പ്രോസസർ

2ജിബി റാം

32ജിബി സ്റ്റോറേജ്

ആൻഡ്രോയിഡ് 7.1നുഗട്ട്

7000mAh ബാറ്ററി