സ്മാർട്ഫോണുകൾ റിപ്പയർ ചെയ്യുന്നത് പലപ്പോഴും നല്ല ബുദ്ധിമുട്ടുള്ള കാര്യമാണ്. നല്ല ടെക്‌നീഷ്യനെ അന്വേഷിച്ച് നടക്കുകയും വേണം, കൂടാതെ പണവും ചിലവാകും. റിപ്പയർ ചെയ്യാൻ ഏറ്റവും ബുദ്ധിമുട്ടുള്ള ഫോൺ ഏതാണെന്ന് അറിയാമോ? സ്മാർട്ഫോണുകളുടെ റിപ്പയർ ചെയ്യാനുള്ള എളുപ്പം പരിശോധിച്ച് സ്‌കോർ നൽകുന്ന ഐഫിക്‌സിറ്റ് (iFixit) പറയുന്നത് ഇന്ന് റിപ്പയർ ചെയ്യാൻ ഏറ്റവും കഷ്ടപ്പാടുള്ള ഫോൺ മോട്ടോറോളയുടെ മോട്ടോ റേസർ (Motorola Razr) ഫോണാണെന്നാണ്.
റിപ്പയറബിലിറ്റിയിൽ പത്തിൽ ഒരു മാർക്കാണ് പുതിയ മോട്ടോ റേസറിന് ഐഫിക്‌സിറ്റ് നൽകിയത്. ഈയടുത്ത കാലത്ത് ഒരു ഹാൻഡ്‌സെറ്റിന് ലഭിച്ച ഏറ്റവും മോശം സ്‌കോർ ആണ് ഇത്. സൗത്ത് കൊറിയൻ സ്മാർട്ഫോൺ നിർമ്മാതാക്കളായ സാംസങിന്റെ ഗാലക്‌സി ഫോൾഡ് ഹാൻഡ്‌സെറ്റിന് 2 മാർക്കും ആപ്പിളിന്റെ കഴിഞ്ഞ വർഷം ലോഞ്ച് ചെയ്ത ഐഫോൺ 11 പ്രൊയ്ക്ക് 6 മാർക്കുമാണ് ഐഫിക്‌സിറ്റ് നൽകിയിട്ടുള്ളത്.
ഷവോമിയല്ല, ലോകത്ത് ഏറ്റവും കൂടുതൽ ഫോൺ വിറ്റത് ഈ കമ്പനികൾ
ഇനി എന്താണ് മോട്ടോ റേസർ റിപ്പയർ ചെയ്യാൻ ഇത്ര ബുദ്ധിമുട്ട് എന്നല്ലേ? ഒരുപാട് ഗ്ലൂ ഉപയോഗിച്ചാണ് മോട്ടറോള ഈ ഫോൺ നിർമ്മിച്ചിരിക്കുന്നത്. കൂടാതെ റിപ്പയർ ചെയ്യുമ്പോൾ രണ്ട് ബാറ്ററികളും നീക്കം ചെയ്യേണ്ടതായി വരും. കുറച്ച് സങ്കീർണമായാണ് ഫോൺ നിർമ്മിച്ചിരിക്കുന്നതും. ഇതിനെല്ലാംപുറമെ ഫോൺ ലോഞ്ച് ചെയ്യുന്ന സമയത്ത്തന്നെ റേസറിന്റെ ഡിസ്പ്ലേ പെട്ടന്നുതന്നെ പൊട്ടുന്ന തരത്തിലുള്ളതാണെന്ന് മോട്ടോറോള തന്നെ പറഞ്ഞിരുന്നു. ഈ ഡിസ്പ്ലേ മാറ്റാൻ 299 ഡോളർ ആണ് ചിലവാകുക.
കഴിഞ്ഞ വർഷം യുഎസിലാണ് ലെനോവോയുടെ സബ്-ബ്രാൻഡായി പ്രവർത്തിക്കുന്ന മോട്ടോറോള തങ്ങളുടെ ആദ്യത്തെ ഫോൾഡബിൾ സ്മാർട്ഫോൺ പുറത്തിറക്കിയത്. 1,599 ഡോളർ ആയിരുന്നു ലോഞ്ച് സമയത്ത് ഫോണിന്റെ വില.
കാഴ്ച്ചയിൽ മോട്ടോറോളയുടെ പഴയ റേസര്‍ ഫ്ലിപ് ഫോണിനോട് സമാനമാണ് എങ്കിലും ഒരു അത്യാധുനികമായ നിര്‍മിതിയാണ് ഈ ഫോണിനുള്ളത്. രണ്ട് സ്‌ക്രീനുകളാണ് മോട്ടോ റേസറിനുള്ളത്. 2142 x 876 പിക്‌സല്‍ റസലൂഷനിലുള്ള 6.2 ഇഞ്ച് ഫ്ലെക്സിബിൾ ഒലെഡ് HD+ ഡിസ്‌പ്ലേയാണ് പ്രധാന ഡിസ്പ്ലേ. 21:9 ആണ് ആസ്പെക്ട് അനുപാതം. ഫ്ളക്സ് വ്യൂ ഡിസ്പ്ലേ എന്നാണ് മോട്ടോറോള ഈ സ്‌ക്രീനിനെ വിളിക്കുന്നത്. നീളത്തിലുള്ള ഫോണ്‍ തുല്യമായി മടക്കുന്ന രീതിയില്‍ ക്ലാംഷെല്‍ ഫോള്‍ഡിങ് ആണ് ഇതിനുള്ളത്. രണ്ടാമത്തെ ഡിസ്പ്ലേ 2.7 ഇഞ്ച് ജി ഒലെഡ് ആണ്. 600x 800 പിക്‌സല്‍ റസലൂഷനാണ് ഈ സ്‌ക്രീനിനുള്ളത്. ഇതിനെ ക്വിക്ക് വ്യൂ ഡിസ്പ്ലേ എന്നാണ് മോട്ടറോള വിളിക്കുന്നത്. ഈ ഡിസ്പ്ലേ ഉപയോഗിച്ചാണ് സെൽഫികൾ ക്ലിക്ക് ചെയ്യാനും മ്യൂസിക് കൺട്രോൾ ചെയ്യാനും നോട്ടിഫിക്കേഷനുകൾ ബ്രൗസ് ചെയ്യാനും കഴിയുന്നത്.
ആറ് ക്യാമറകൾ, 4,500mAh ബാറ്ററി: പോക്കോ X2-ൻ്റെ വില ഞെട്ടിക്കും
സ്‌നാപ്ഡ്രാഗണ്‍ 710 പ്രൊസസര്‍ ചിപ്പ് ആണ് മോട്ടോ റേസറില്‍ ഉപയോഗിച്ചിരിക്കുന്നത്. ഫോണില്‍ ഇ-സിം സൗകര്യം മാത്രമാണുള്ളത്. സാധാരണ സിംകാര്‍ഡുകള്‍ ഉപയോഗിക്കാനാവില്ല. ആറ് ജിബി റാം ശേഷിയും 128 ജിബി സ്റ്റോറേജ് സൗകര്യവും ഫോണിനുണ്ട്. മെമ്മറി കാർഡ് ഉപയോഗിച്ച് സ്റ്റോറേജ് വികസിപ്പിക്കാൻ കഴിയില്ല.
16 എംപി പ്രധാന ക്യാമറയാണ് ഫോണിലുള്ളത്. സെൽഫി ക്യാമറയായും പ്രധാന ക്യാമറയായും ഈ സെൻസർ ആണ് പ്രവർത്തിക്കുന്നത്. 5 എംപിയുടെ സെക്കണ്ടറി ക്യാമറയും ഡിസ്പ്ലേ നോച്ചിൽ നൽകിയിട്ടുണ്ട്.
മടക്കാം,നിവർത്താം: സാംസങിന്റെ വില കുറഞ്ഞ ഫോൾഡബിൾ ഫോൺ ഇതാ
ഹെഡ്‌ഫോണ്‍ ജാക്ക് മോട്ടോ റേസറിനില്ല. എന്നാല്‍ ഫോണിന് താഴെയായി വലിയ സ്പീക്കര്‍ സ്ഥാപിച്ചിട്ടുണ്ട്. 2510mAh ബാറ്ററിയാണ് ഫോണിനുള്ളത്. കുറഞ്ഞ ശേഷിയുള്ള ബാറ്ററിയാണെങ്കിലും 15 വാട്ട് ഫാസ്റ്റ് ചാര്‍ജിങ് സൗകര്യം ഫോണിനുണ്ട്. ആന്‍ഡ്രോയിഡ് 9 പൈ ഓപ്പറേറ്റിങ് സിസ്റ്റം ആണ് ഫോണിലുള്ളത്.