ലെനോവോയുടെ ഉടമസ്ഥതയിലുള്ള സ്മാർട്ട്ഫോൺ ബ്രാൻഡ്, മോട്ടോറോള തങ്ങളുടെ പുത്തൻ സ്മാർട്ട്ഫോൺ മോട്ടോ E40 യൂറോപ്യൻ വിപണിയിൽ അവതരിപ്പിച്ചു. 48-മെഗാപിക്സൽ പ്രധാന കാമറ, 5,000 എംഎഎച്ച് ബാറ്ററി, പുറകിൽ ഫിംഗർപ്രിന്റ് സെൻസർ എന്നിവ ആകർഷണമായ മോട്ടോ E40യുടെ ഇന്ത്യ ലോഞ്ചിന് ദിവസങ്ങൾക്ക് മുൻപാണ് യൂറോപ്യൻ വിപണിയിൽ അരങ്ങേറ്റം കുറിച്ചിരിക്കുന്നത്. ഈ മാസം 12നാണ് ഇന്ത്യ ലോഞ്ച് ക്രമീകരിച്ചിരിക്കുന്നത്. മോട്ടോ E40യ്ക്ക് 149 യൂറോയാണ് (ഏകദേശം 12,900 രൂപ) വില. ചാർക്കോൾ ഗ്രേ, ക്ലേ പിങ്ക് എന്നീ നിറങ്ങളിലാണ് യൂറോപ്യൻ വിപണിയിൽ മോട്ടോ E40 അവതരിപ്പിച്ചിരിക്കുന്നത്. ആൻഡ്രോയിഡ് 11ലാണ് മോട്ടോ E40 പ്രവർത്തിക്കുക എന്നത് ഇതിനകം വ്യക്തമാണ്. 90 ഹെർട്സ് റിഫ്രഷ് റേറ്റുള്ള 6.5 ഇഞ്ച് എച്ച്ഡി+ ഡിസ്പ്ലേയാണ് പുത്തൻ മോട്ടോറോള ഹാൻഡ്സെറ്റിന്. 4 ജിബി റാമുമായി ചേർന്ന് പ്രവർത്തിക്കുന്ന യൂണിസോക് ടി 700 ഒക്ടാകോർ പ്രോസസറാണ് ഹാൻഡ്സെറ്റിന് കരുത്ത് പകരുന്നത്. 64 ജിബി വരെയുള്ള ഇന്റേണൽ സ്റ്റോറേജ് മൈക്രോ എസ്ഡി കാർഡ് ഉപയോഗിച്ച് വർദ്ധിപ്പിക്കാം.
48 മെഗാപിക്സൽ പ്രധാന സെൻസറോടുകൂടിയ ട്രിപ്പിൾ റിയർ ക്യാമറ സജ്ജീകരണമാണ് മോട്ടോ E40യിൽ ക്രമീകരിച്ചിരിക്കുന്നത്. നെറ്റ് ഫോട്ടോഗ്രാഫിക്ക് സഹായിക്കുന്ന ക്വാഡ് പിക്സൽ സാങ്കേതികവിദ്യയാണ് സെൻസറിൽ സജ്ജീകരിച്ചിരിക്കുന്നത് എന്നാണ് മോട്ടോറോളയുടെ അവകാശവാദം. 5000 എംഎഎച്ച് ബാറ്ററിയാണ് ഹാൻഡ്സെറ്റിൽ ക്രമീകരിക്കുക. 40 മണിക്കൂർ വരെ പ്രവർത്തിക്കാനുള്ള പവർ ഈ ബാറ്ററി നൽകും എന്ന് മോട്ടോറോള പറയുന്നു.
മോട്ടോ E40 അവതരിപ്പിച്ചതോടൊപ്പം മോട്ടോ ജി പ്യുർ സ്മാർട്ട്ഫോണും മോട്ടോറോള അവതരിപ്പിച്ചിട്ടുണ്ട്. മീഡിയടെക് ഹീലിയോ ജി 25 SoC പ്രോസസ്സർ, 4,000mAh ബാറ്ററി, ഡ്യുവൽ റിയർ ക്യാമറ എന്നിവ ആകർഷണമായ മോട്ടോ ജി പ്യുർ തല്ക്കാലം അമേരിക്കൻ വിപണിയിൽ മാത്രമായിരിക്കും വില്പനക്കെത്തുക.
48 മെഗാപിക്സൽ പ്രധാന സെൻസറോടുകൂടിയ ട്രിപ്പിൾ റിയർ ക്യാമറ സജ്ജീകരണമാണ് മോട്ടോ E40യിൽ ക്രമീകരിച്ചിരിക്കുന്നത്. നെറ്റ് ഫോട്ടോഗ്രാഫിക്ക് സഹായിക്കുന്ന ക്വാഡ് പിക്സൽ സാങ്കേതികവിദ്യയാണ് സെൻസറിൽ സജ്ജീകരിച്ചിരിക്കുന്നത് എന്നാണ് മോട്ടോറോളയുടെ അവകാശവാദം. 5000 എംഎഎച്ച് ബാറ്ററിയാണ് ഹാൻഡ്സെറ്റിൽ ക്രമീകരിക്കുക. 40 മണിക്കൂർ വരെ പ്രവർത്തിക്കാനുള്ള പവർ ഈ ബാറ്ററി നൽകും എന്ന് മോട്ടോറോള പറയുന്നു.
മോട്ടോ E40 അവതരിപ്പിച്ചതോടൊപ്പം മോട്ടോ ജി പ്യുർ സ്മാർട്ട്ഫോണും മോട്ടോറോള അവതരിപ്പിച്ചിട്ടുണ്ട്. മീഡിയടെക് ഹീലിയോ ജി 25 SoC പ്രോസസ്സർ, 4,000mAh ബാറ്ററി, ഡ്യുവൽ റിയർ ക്യാമറ എന്നിവ ആകർഷണമായ മോട്ടോ ജി പ്യുർ തല്ക്കാലം അമേരിക്കൻ വിപണിയിൽ മാത്രമായിരിക്കും വില്പനക്കെത്തുക.