Nokia 5.1 Plus:നോക്കിയ 5.1 പ്ലസ് വിൽപ്പന ഇന്ന് ഫ്ലിപ്പ്കാർട്ടിൽ ആരംഭിക്കും

നോക്കിയ 5.1 പ്ലസ് സ്മാർട്ട്ഫോണിന്‍റെ വിൽപ്പന ഇന്ന് ഉച്ചയ്ക്ക് 2 മണിക്ക് ഫ്ലിപ്പ്കാർട്ടിൽ ആരംഭിക്കും. ഇന്ത്യയിൽ ബജറ്റ് സ്മാർട്ട്ഫോൺ ശ്രേണിയിലേക്കാണ് നോക്കിയയുടെ ഈ സ്മാർട്ട്ഫോൺ എത്തിയിരിക്കുന്നത്. ആഗസ്ത് 21 നായിരുന്നു നോക്കിയ 5.1 പ്ലസിന്‍റെ ഇന്ത്യയിലെ അരങ്ങേറ്റം നടന്നത്.

അവതരണ വേളയിൽ വില സംബന്ധിച്ച വിവരങ്ങളോ, വിൽപ്പനയെ കുറിച്ചോ കമ്പനിയൊന്നും വ്യക്തമാക്കിയിരുന്നില്ല. അടുത്തിടെയാണ് വിൽപ്പന സെപ്തംബർ 24 ന് നടക്കുമെന്ന കാര്യം കമ്പനി പ്രഖ്യാപിച്ചത്. ഏതാണ്ട് 15,000 രൂപ വില പ്രതീക്ഷിക്കാം ഈ സ്മാർട്ട്ഫോണിന്.

നോച്ച് ഡിസ്പ്ലെയോടുകൂടി അവതരിച്ച ഈ സ്മാർട്ട്ഫോൺ ഗ്ലോസ് ബ്ലാക്ക്, ഗ്ലോസ് വൈറ്റ്, മിഡ്നൈറ്റ് ഗ്ലോസ് ബ്ലൂ എന്നീ നിറങ്ങളിലായിരിക്കും ലഭ്യമാവുക. കൂടുതൽ സവിശേഷതകൾ അറിയാം.

5.8 ഇഞ്ച് ഡിസ്പ്ലെ

മീഡിയടെക് ഹെലിയോ പി60 പ്രോസസർ

ആൻഡ്രോയിഡ് 8.1 ഓറിയോ

3GB/4GB റാം

32GB/64GB സ്റ്റോറേജ്

13MP/5MP ഡ്യുവൽ റിയർ ക്യാമറ

5MP ഫ്രണ്ട് ക്യാമറ

3,060mAh ബാറ്ററി